Click it and Unblock the Notifications
Don't Miss
-
Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா? -
முடி உதிர்ல் முதல் பொடுகு வரை அனைத்துப் பிரச்சனைகளுக்கும் ஒரே தீர்வு.. இந்த ஹேர் மாஸ்க்கை ட்ரை பண்ணுங்க...! -
27 பந்துகளில் ஒரு பவுண்டரி கூட இல்லை.. பொறுப்பே இல்லை.. இதுதான் அதிரடி பேட்டிங்கா விராட் கோலி! -
டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்.. -
BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்? -
6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..! -
இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்! -
சென்னை ஏர்போர்ட்டில் பணிபுரிய ஆசையா...!
அதிருப்தியாளர் கூட்டம் அதிகரிப்பு - 5 புதிய அணிகளைத் தொடங்க கருணாநிதி திட்டம்
சென்னை: அதிருப்தியாளர்களை சமாளிக்க திமுகவில், புதிதாக ஐந்து துணை அமைப்புகளை துவக்க அக்கட்சியின் தலைவர் கருணாநிதி திட்டமிட்டுள்ளதாகத் தெரிகிறது.
திமுகவில் உட்கட்சி தேர்தல் மூலம், 65 மாவட்ட செயலாளர்களில் 60 பேர் தேர்ந்தெடுக்கப் பட்டுள்ளனர். மீதமுள்ள 5 மாவட்டங்களுக்கான செயலாளர் பதவிக்கு தேர்தல் நடத்தப்படவும் இல்லை. நியமனம் செய்யப்படவும் இல்லை. அதாவது உட்கட்சி பூசலால் சேலத்தில் 3 மாவட்டங்கள் ஈரோட்டில் 2 மாவட்டங்களுக்கான தேர்தலை நடத்தவும் முடியாமல், மாவட்ட செயலாளர்களை நியமிக்கவும் முடியாமல் தி.மு.க. தலைமை தடுமாறி வருகிறது.
தற்போது உட்கட்சித் தேர்தல் மூலம் தேர்ந்தெடுக்கப் பட்டவர்களில், பெரும்பாலானவர்கள் ஸ்டாலின் ஆதரவாளர்கள். இதனால், அதனால், ஸ்டாலின் அணிக்கு எதிரானவர்கள் பலர் அதிருப்தியில் இருப்பதாக கட்சி மேலிடத்திற்கு தகவல் சென்றுள்ளதாம்.
அதோடு, இந்த அதிருப்தியாளர்களைத் தன் வசம் இழுக்க முன்னாள் மத்திய அமைச்சரும், கருணாநிதியின் மூத்த மகனுமான அழகிரி முற்பட்டிருப்பதாகவும் கூறப்படுகிறது. சிலர், காற்றுள்ள போதே தூற்றிக் கொள்ளும் முயற்சியாக பாஜகவுக்கு தாவ முடிவு செய்திருக்கிறார்களாம்.
ஏற்கனவே, உட்கட்சிப் பூசல்களால் திமுகவில் பல்வேறு குழப்பங்கள் நீடித்து வரும் நிலையில், கைவசம் உள்ள ஆதரவாளர்களையும் இழக்க திமுக விரும்பவில்லை. எனவே, அதிருப்தியாளர்களை சமாதானப்படுத்தி, அவர்களை கட்சியிலேயே நீடிக்க வைக்க, கருணாநிதி புதிய திட்டம் ஒன்றை வகுத்துள்ளதாக கட்சி வட்டாரத் தகவல்கள் தெரிவிக்கின்றன.
அதன்படி, கடந்த லோக்சபா தேர்தலில், இணையதள பிரசாரம் பாஜக வெற்றிக்கு பெரிய அளவில் கை கொடுத்ததால், திமுகவிலும் இணையதள அணி ஒன்றை ஏற்படுத்த முடிவு செய்யப்பட்டுள்ளதாம். அந்த அணியினர் மூலம் இணையதள பிரசாரத்தை தீவிரப்படுத்த திட்டமிடப்பட்டுள்ளது.
இதேபோல், பெண்களின் ஓட்டுகளை கவர சுயஉதவிக் குழு அணி, தொழிலதிபர்கள் மற்றும் வியாபாரிகளைக் கவர வர்த்தக அணி, தொழிலாளர்களை கவர அமைப்பு சாரா தொழிலாளர்கள் அணி மற்றும் ஓட்டுனர்கள் அணி போன்றவற்றையும் உருவாக்கவும் திமுக தீர்மானித்துள்ளதாம்.
இந்த அணிகளுக்கு பொறுப்பாளர்களாக, கட்சியில் அதிருப்தியாக உள்ளவர்களை நியமிக்க முடிவு செய்யப் பட்டுள்ளதாக திமுக வட்டாரத் தகவல்கள் தெரிவிக்கின்றன.
