பால்வளத்துறை அமைச்சர் பி.வி.ரமணா கார் மோதி பைக்கில் வந்தவர் படுகாயம்!

சென்னை: சென்னையை அடுத்த பொன்னேரி அருகே தமிழ்நாடு பால்வளத்துறை அமைச்சர் பி.வி. ரமணாவின் கார், பைக் ஒன்றின் மீது மோதியதில் பைக்கில் வந்தவர் காயமடைந்து மருத்துவமனையில் அனுமதிக்கப்பட்டுள்ளனர்.

பொன்னேரி, சோழவரம் அடுத்த பாண்டிகாவனூர் என்ற இடத்தில் கார் வந்தபோது, எதிர்பாராத விதமாக பைக் மீது மோதி விபத்துக்குள்ளானது.

அமைச்சர் ரமணா கார் மோதியதில் இருசக்கரவாகனத்தில் திருமண வரவேற்பிற்கு சென்று விட்டு வீடு திரும்பிய கல்யாணசுந்தரம் என்பவர் படுகாயம் அடைந்தார்.

படுகாயம் அடைந்த கல்யாணசுந்தரம், சென்னையில் தனியார் மருத்துவமனையில் அனுமதிக்கப்பட்டுள்ளார். இந்த விபத்தைத் தொடர்ந்து கிராம மக்கள் அமைச்சரின் காரை சிறை பிடித்தனர். இதனால் பரபரப்பு ஏற்பட்டது. இதையடுத்து விரைந்து வந்த போலீஸார் அமைச்சரின் காரை மக்களிடமிருந்து மீட்டனர்.

English summary

Tamil Nadu minister P.V.Ramana car hit a motor bike and that motor bike wala injured and admitted in hospital.