வெங்கட்டின் “விஷூவல் டிரீட்” கல்யாணம் - வீடியோ இன்வைட் கொடுத்த வித்தியாச நெல்லைக்காரர்!

Updated: Sunday, April 26, 2015, 15:25 [IST]

நெல்லை: கல்யாணம்னா நாமெல்லாம் என்ன செய்வோம்? பத்திக்கை அடிச்சு உற்றார், உறவினர், தெரிஞ்சவர், தெரியாதவர் எல்லோருக்கும் குடுப்போம்.

ஆனா, இங்க ஒருத்தர் தன்னோட கல்யாணப் பத்திரிக்கையை முழுக்க, முழுக்க விஷூவல் டிரீட்டா குடுத்து அசத்தியிருக்கார்.

கிட்டதட்ட பாட்டாவே பாடி தன்னையும், தன்னுடைய வருங்கால மனைவியையும் அறிமுகப்படுத்தியிருக்கார் திருநெல்வேலியைச் சேர்ந்த வெங்கட்ராமன்.

nellai youngman made the invitation as visual treat

புதுமாப்பிளையும், பொண்ணும்:

திருநெல்வேலி ஹலோ எப்.எம் ஆர்ஜேதான் இந்த வித்தியாசமான புதுமாப்பிள்ளை வெங்கட்ராமன். கஸ்தூரிதான் இவருடைய ஹீரோயின். அதாங்க கல்யாணப் பொண்ணு.

எல்லாமே வித்தியாசம்தான்:

எல்லாத்தையும் வித்தியாசமா யோசிக்கற வெங்கட்டுக்கு தங்கச்சி கல்யாணம் முடிஞ்சு ரூட் கிளியர் ஆனதும் கல்யாண பத்திரிக்கையையும் ஏன் வித்தியாசமா செய்யக் கூடாதுனு ஒரு யோசனை வந்துச்சு.

கல்யாணம் என்பது:

உடனே, தன்னோட நண்பரோடு சேர்ந்து, தானே பாட்டும் எழுதி அழகாக கல்யாணத்தோட சாராம்சத்தை பாட்டாவே பாடியிருக்கார்.

இனிமையானவரின் திருமணம்:

ஏற்கனவே, "நீங்களும் கதை எழுதலாம்" அப்படினு புக் எழுதியிருக்கிற இவர், பழகறதுக்கும் அருமையான குணம் கொண்டவர்ன்னு சொல்றாங்க அவரோட நட்பு வட்டத்தில்.

இது லைவ் கல்யாணம்:

அதுமட்டுமில்ல கல்யாணத்தையும் ஆன்லைன்ல லைவ் குடுக்கப் போற வெங்கட், வரவங்களுக்கெல்லாம் மரம், காய்கறி விதைகளைக் கொடுத்து பசுமை எண்ணத்தையும் ஏற்படுத்தப் போறாராம்.

டிரெண்டோ டிரெண்ட்:

யூடியூப்லையும், பேஸ்புக்லையும் சக்கை போடு போடும் இந்த புது கல்யாண இன்விட்டேஷன் கூடிய சீக்கிரமே யூத்கள் கிட்ட டிரெண்டாக பிராப்திரஸ்து! எங்கள் சார்பாகவும் இனிய திருமண வாழ்த்துகள் வெங்கட்-கஸ்தூரி!