+ 2 தேர்வு முடிவுகள்: 90.6% பேர் தேர்ச்சி; மாணவிகள் 93.4%- மாணவர்கள் 87.05%
சென்னை: பிளஸ் 2 தேர்வு முடிவுகள் இன்று காலை 10 மணியளவில் வெளியிடப்பட்டுள்ளது. இந்த முறையும் மாணவர்களை விட மாணவிகளே அதிக அளவில் தேர்ச்சி பெற்றுள்ளனர்.
இந்த ஆண்டு பிளஸ்-2 தேர்வு எழுதிய 8.43 லட்சம் பேரில் 90.6 சதவீதம் பேர் தேர்ச்சி பெற்றுள்ளனர்.
இந்த முறை 87.05 சதவீத மாணவர்களும், 93.4 சதவீத மாணவிகளும் தேர்ச்சி பெற்றுள்ளனர். போன வருடத்தில் மாணவர்கள் 87.4 சதவீதமும், மாணவிகள் 93.4 சதவீதமும் தேர்வாகியுள்ளனர். மாணவிகள் சதவீதம் இந்த வருடமும் மாறவில்லை.
2010ஆம் ஆண்டில் 85.2 சதவீதமாக இருந்த தேர்ச்சி விகிதம் ஒவ்வொரு ஆண்டும் படிப்படியாக அதிகரித்து கடந்தாண்டில் 90 சதவீதத்தை தாண்டியது.
அதேபோல், முக்கியப் பாடங்களில் முழு மதிப்பெண் பெறும் மாணவர்களுடைய எண்ணிக்கையும் பெரும்பாலும் அதிகரித்து வருகிறது என்றாலும் குறிப்பாக கடந்தாண்டில் சற்று அதிகமாகவே காணப்பட்டது. அதே போல் இந்த ஆண்டும் 90 சதவீதமாக உள்ளது குறிப்பிடத்தக்கது.