ஸ்டாலின் கருணாநிதி போல் பக்குவப்பட வேண்டும்.. சொல்கிறார் இல.கணேசன்
மதுரை: திமுக செயல் தலைவர் மு.க.ஸ்டாலின் அவரது தந்தை கருணாநிதி போல் பக்குவப்பட வேண்டும் என பாஜக எம்பியும், மூத்த தலைவருமான இல.கணேசன் கூறியுள்ளார்.
மதுரையில் உள்ள மதுரா கல்லூரியில் நடந்த விழா ஒன்றில் பாஜக எம்.பி. இல.கணேசன் கலந்துகொண்டார். அப்போது பேசிய அவர், ஜனாதிபதி வேட்பாளராக அறிவிக்கப்பட்டுள்ள ராம்நாத் கோவிந்த் மிகவும் எளிமையானவர், பண்பாளர். அவரை பற்றி திருமாவளவன் கூறும் கருத்து வியப்பளிக்கிறது. மதம் மாறுவதற்கு சரி என்கிறாரா. எதிர்கிறாரா.. என்று முதலில் அவர் விளக்க வேண்டும்.
தலித்தாக மட்டுமே இருப்பது போதாது என அவர் நினைக்கிறார். ஜனாதிபதி தேர்தலில் எல்லா கட்சிகளிடமும் ஆதரவு கேட்பது தவறில்லை. அனைவரும் இணைந்து வெற்றி பெற செய்வதே சிறந்தது. பாஜக சார்வில் அறிவிக்கப்பட்டுள்ள வேட்பாளருக்கு 65 சதவீதம் வெற்றி வாய்ப்பு உள்ளது. அதிமுகவின் ஆதரவு பாஜகவிற்கே இருக்கும் என தெரிகிறது. திமுகவும் எங்கள் வேட்பாளருக்கு ஆதரவளிக்க வேண்டுகோள் விடுக்கிறேன்.
மத்திய அமைச்சர் பொன்.ராதாகிருஷ்ணன் பல மாகாணங்களுக்கு செல்பவர். பேட்டி கொடுப்பது பத்திரிகையாளர்கள் காத்திருப்பதால்தான். ஸ்டாலின் அவரது தந்தை போல் பக்குவப்பட முயல வேண்டும். இறைச்சி சாப்பிட வேண்டும் என்று சொல்லவில்லை, ஏற்றுமதியும் தடுக்கவில்லை.
மாடுகள் இறைச்சிக்காக வாங்கும் போது சித்திரவதை செய்யப்பட வாய்ப்புள்ளது என்பதால் தான் கொல்லப்பட தகுதியான மாடுகளை சுகாதாரமான இறைச்சியை வழங்கலாம் என்பதுதான் சரி என்றார் இல.கணேசன்.