"சிங்கம்" சிங்கிளாதான் வாக்கிங் போகும்!
சென்னை: சூப்பர் ஸ்டார் ரஜினிகாந்த்தின் கபாலி ஒரு பக்கம் கலக்கிக் கொண்டிருக்க, ரஜினிகாந்த் அமைதியான முறையில் அமெரிக்காவில் ஓய்வெடுத்து வருகிறார்.
கபாலி ரிலீஸுக்கு முன்னதாகவே அமெரிக்கா போய விட்டார் ரஜினிகாந்த். அவருடன் அவரது மூத்த மகள் ஐஸ்வர்யாவும் உடன் இருக்கிறார். அங்கு ஓய்வெடுத்து வரும் ரஜினிகாந்த் அங்குள்ள தனது குரு சச்சிதானந்தா சுவாகி ஆசிரமத்திற்கும் விஜயம் செய்தார். அங்கு வழிபட்டார். அதுகுறித்த புகைப்படங்கள் ஏற்கனவே வெளியாகின.
இந்த நிலையில் தற்போது அமெரிக்க சாலை ஒன்றில் ரஜினிகாந்த் தனியாக வாக்கிங் போகும் காட்சி அடங்கிய வீடியோ ஒன்று வெளியாகி படு வேகமாக பரவி வருகிறது. அந்த வீடியோ காட்சியில் தலையில் தொப்பி அணிந்தபடி ரஜினி தனியாக வருகிறார். அவருக்குப் பின்னால் ஒருவர் வருகிறார். அவர் யார் என்பது தெரியவில்லை. பாதுகாப்புக்காக உடன் வருபவராக இருக்கலாம் என்று தெரிகிறது.
வழியில் ரஜினியைப் பார்த்த இந்தியர் ஒருவர் காரை நிறுத்தி ரஜினியை தனது செல்போன் கேமராவில் படம் பிடித்துள்ளார். அதைப் பார்த்த ரஜினி சிரித்தபடி கையைத் தூக்கி விஷ் செய்கிறார். பின்னர் தொடர்ந்து நடந்து செல்கிறார்.
இந்த வீடியோ காட்சி தற்போது வைரல் ஆக பரவி வருகிறது.