நிஜமாகவே ரூ.2000 நோட்டில் எழுத்துப் பிழை?: உண்மை என்ன?
சென்னை: புதிய 2000 ரூபாய் நோட்டில் இந்தி மொழியில் எழுத்துப் பிழை எதுவும் இல்லையாம்.
கறுப்பு பணத்தை ஒழிக்க 500 மற்றும் 1000 ரூபாய் நோட்டுகள் செல்லாது என்று அறிவித்த பிரதமர் மோடி 2000 ரூபாய் நோட்டை அறிமுகம் செய்து வைத்தார். புதிய நோட்டை பார்த்த மக்கள் அதில் இந்தி மொழியில் 2000 ரூபாய் என்பது தவறாக எழுதப்பட்டிருப்பதாக ட்விட்டரில் தெரிவித்தனர்.
ஒரு சிலர் ரிசர்வ் வங்கியின் இணையதளத்தில் புகார் அளித்தனர்.
உண்மை
ரூபாய் நோட்டின் எழுத்துப் பிழை பற்றிய உண்மை தெரிய வந்துள்ளது. அது எழுத்துப் பிழை இல்லையாம். ரூபாய் நோட்டின் பின்புறம் 2000 ரூபாய் என்பது தமிழ் உள்பட 15 மொழிகளில் எழுதப்பட்டுள்ளது.
இந்தி
இந்தி மொழி நோட்டு முழுவதும் இருப்பதால் அது அந்த 15 மொழி பட்டியலில் இல்லை. இது தெரியாமல் கொங்கனி மொழியில் எழுதப்பட்டதை மக்கள் இந்தி என தவறாக புரிந்து கொண்டு எழுத்துப் பிழை இருப்பதாக தெரிவித்துள்ளனர்.
கொங்கனி
கொங்கனி மொழிக்கு என்று பிரத்யேக எழுத்துவடிவம் இல்லை. அவர்கள் கொங்கனியை தேவனகிரி மற்றும் கன்னடா ஆகிய மொழிகளில் எழுதுவார்கள். கோவாவில் உள்ளவர்கள் தேவனகிரியிலும், கர்நாடக எல்லையையொட்டி வசிப்பவர்கள் கன்னட எழுத்து வடிவத்திலும் கொங்கனியை எழுதுவார்கள் என்பது குறிப்பிடத்தக்கது.
நோட்டு
2000 ரூபாய் நோட்டில் உள்ள கொங்கனி மற்றும் மராத்தி எழுத்துக்கள்,
दोन हजार रुपया - கொங்கனி
दोन हजार रुपये - மராத்தி