விஜயகாந்துடன் தமிழிசை சவுந்தரராஜன் சந்திப்பு!
சென்னை: தேமுதிக தலைவர் விஜயகாந்த்தை தமிழக பாஜக தலைவர் தமிழிசை சவுந்தரராஜன் இன்று நேரில் சந்தித்தார். அப்போது மகனின் திருமண அழைப்பிதழை விஜயகாந்த்துக்கு தமிழிசை வழங்கினார்.
தமிழக சட்டசபை தேர்தலில் தேமுதிக எந்த பக்கம் சாயும் என்பது புரியாத புதிராக இருந்து வருகிறது. இந்த பரபரப்புகளுக்கு மத்தியில் மகனின் திருமண அழைப்பிதழுடன் கடந்த சில நாட்களாக அனைத்து அரசியல் கட்சித் தலைவர்களும் பாஜக தலைவர் தமிழிசை சவுந்தரராஜன் சந்தித்து வருகிறார்.
முதல்வர் ஜெயலலிதா, திமுக தலைவர் கருணாநிதி, தமிழக காங்கிரஸ் கமிட்டி தலைவர் இளங்கோவன் உள்ளிட்டோரை நேரில் சந்தித்து திருமண அழைப்பிதழை கொடுத்திருந்தார் தமிழிசை.
இன்று தேமுதிக தலைவர் விஜயகாந்த்தையும் நேரில் சந்தித்து திருமண அழைப்பிதழை வழங்கினார். அப்போது செய்தியாளர்களிடம் பேசிய தமிழிசை, அழைப்பிதழ் கொடுக்கவே தாம் சந்தித்தேன் என்றார்.