Click it and Unblock the Notifications
Don't Miss
-
ப்ளே ஸ்கூல் பையனுக்கு ரூ. 4,30,000 கட்டணமா.. ட்ரெண்ட் ஆகும் தந்தையின் கதறல் போஸ்ட்! -
தினமும் எவ்வளவு சர்க்கரை உட்கொள்வது பாதுகாப்பானது தெரியுமா? இத்தனை ஸ்பூனுக்கு மேல தெரியாம கூட சாப்பிடாதீங்க... -
யாருமே எதிர்பார்க்கல.. 8ஜிபி ரேம்.. 50எம்பி கேமரா.. புதிய Samsung 5ஜி மாடல் அறிமுகம்.. என்ன விலை? -
Actor Vijay Antony: பணத்திற்காக வாக்கை விற்காதீர்கள்.. தெளிவுபடுத்திய நடிகர் விஜய் ஆண்டனி! -
திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...! -
ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர் -
ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க! -
இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
அதிமுக சீனியர்கள் களமிறங்கும் திருவண்ணாமலை
திருவண்ணாமலை: சட்டசபை தேர்தலில் திருவண்ணாமலை மாவட்டத்தில் கட்சியில் சீனியர்களாக இருப்பவர்கள் அதிமுக வேட்பாளர்களாக திருவண்ணாமலையில் களமிறங்கியுள்ளனர்.
பெருமாள் நகர் கே.ராஜன்
திருவண்ணாமலை தொகுதி அதிமுக வேட்பாளராக அறிவிக்கப்பட்டுள்ள பெருமாள் நகர் கே.ராஜன் (வயது 54), திருவண்ணாமலை தெற்கு மாவட்டச் செயலாளர் ஆவார். அகமுடைய முதலியார் சமூகத்தைச் சேர்ந்த இவர், தொழிலதிபராவார். இவரின் கல்வித் தகுதி பி.ஏ., ஆகும்.
க.செல்வமணி
கீழ்பென்னாத்தூர் சட்டமன்றத் தொகுதி அதிமுக வேட்பாளராக அறிவிக்கப்பட்டுள்ள க.செல்வமணி (வயது 53), வேட்டவலம் நகரச் செயலாளராக பொறுப்பு வகிக்கிறார். வன்னியர் சமூகத்தைச் சேர்ந்த இவர், எம்.ஏ பட்டதாரி ஆவார்.
தூசி கே.மோகன்
செய்யாறு தொகுதி அதிமுக வேட்பாளர் தூசி கே.மோகன் (வயது 53) நாயக்கர் சமூகத்தைச் சேர்ந்தவர். வெம்பாக்கம் ஒன்றிய அதிமுக செயலர், வெம்பாக்கம் ஊராட்சி ஒன்றிய துணைத் தலைவர் ஆகிய பொறுப்புகளை இவர் வகித்துள்ளார். பி.பி.ஏ. பட்டதாரியான இவர், பட்டுச் சேலை உற்பத்தி, விவசாயமும் செய்து வருகிறார்.
சேவூர் எஸ்.இராமச்சந்திரன்
ஆரணி தொகுதி அதிமுக வேட்பாளராக அறிவிக்கப்பட்டுள்ள சேவூர் எஸ்.இராமச்சந்திரன், (வயது 56) ஜெயலலிதா பேரவை திருவண்ணாமலை வடக்கு மாவட்டச் செயலாளராக உள்ளார். செங்குந்த முதலியார் சமூகத்தைச் சேர்ந்த இவர், மேல்நிலைக் கல்வி வரை பயின்றுள்ளார். விவசாயமும் செய்து வருகிறார்.
வி.பன்னீர்செல்வம்
கலசப்பாக்கம் தொகுதி வேட்பாளர் வி.பன்னீர்செல்வம், (வயது 43) மாவட்ட எம்.ஜி.ஆர். மன்ற இணைச் செயலாளர் மற்றும் மாவட்ட ஊராட்சி உறுப்பினர் ஆகிய பொறுப்புகளை வகித்து வருகிறார். இந்து அகமுடையார் இனத்தைச் சேர்ந்த இவர், நூற்பாலை அதிபராகவும் உள்ளார். மேல்நிலைக் கல்வி பயின்றுள்ளார்.
மு.தினகரன்
செங்கம் தொகுதி அதிமுக வேட்பாளராக அறிவிக்கப்பட்டுள்ள மு.தினகரன், (வயது 49) மாவட்ட அமைப்பு சாரா ஓட்டுநர் அணி பொருளாளராக உள்ளார். இந்து ஆதிதிராவிடர் பிரிவைச் சேர்ந்த இவர், எம்ஏ.,பி.எல்., முடித்து வழக்குரைஞராகவும் பணியாற்றுகிறார். இவர் தனது மகளுக்கு குட்டி ஜெயலலிதா என்று பெயர் வைத்துள்ளார்.
சி.எம்.முருகன்
போளூர் சட்டசபை தொகுதி வேட்பாளர் சி.எம்.முருகன், ( வயது 43 ) அதிமுக போளூர் தொகுதி செயலராகவும், சேத்துப்பட்டு தொடக்க வேளாண்மைக் கூட்டுறவு கடன் சங்கத் தலைவராகவும் பொறுப்பு வகிக்கிறார். எம்.ஏ.,எம்.ஃபில்., முடித்துவிட்டு விவசாயமும் செய்து வரும் இவர், இந்து அகமுடையார் சமூகத்தைச் சேர்ந்தவராவார்.
வி.மேகநாதன்
வந்தவாசி தனித்தொகுதி அதிமுக வேட்பாளர் வி.மேகநாதன், (வயது 54) அன்னை சத்யா மகளிர் தையல் கூட்டுறவு சங்கத்தில் கணக்காளராக உள்ளார். பி.ஏ. பட்டதாரியான இவர், ஜெயலலிதா பேரவை வந்தவாசி நகரச் செயலாளராகவும் பொறுப்பு வகிக்கிறார்.
