4 மணி நேரம் தாமதமாக புறப்பட்ட நெல்லை - ஹப்பா (குஜராத்) எக்ஸ்பிரஸ்!
நெல்லை : திருநெல்வேலி -ஹப்பா எக்ஸ்பிரஸ் ரயில், இணை ரயிலின் தாமதத்தால் சுமார் நான்கு மணி நேரம் தாமதமாக நெல்லையில் இருந்து மதியம் 12 மணிக்கு புறப்பட்டுச் சென்றது.
நெல்லையில் இருந்து குஜராத் மாநிலம் ஹப்பா நகருக்கு வாரத்துக்கு இரண்டு நாட்கள் திருநெல்வேலி - ஹப்பா எக்ஸ்பிரஸ் (எண் 19577) ரயில் இயங்கி வருகிறது. நெல்லையில் இருந்து இதன் புறப்படும் நேரம் காலை 7.50 ஆகும்.
ஆனால், இன்று நெல்லையில் இருந்து இந்த ரயிலின் புறப்படும் நேரம் மாற்றப்பட்டது. காலை 7.55க்கு புறப்படுவதாக இருந்த இந்த ரயில், மதியம் 12 மணிக்கு புறப்படும் என அறிவிக்கப் பட்டது. இதற்கு இணையாக வரும் ரயிலின் தாமதத்தால், இந்த புறப்படும் நேரம் மாற்றப் பட்டதாக தெற்கு ரயில்வே தெரிவித்தது.
இதனால், சுமார் நான்கு மணி நேரம் தாமதமாக ஹப்பா ரயில் நெல்லையில் இருந்து புறப்பட்டுச் சென்றது. ஹப்பா ரயிலின் புறப்படும் நேரம் மாறியதால் பயணிகள் கடும் அவதிக்கு ஆளானார்கள்.