உடல் ஆரோக்கியத்திற்காக ஓட்டம்.. வெற்றிகரமாக 3வது வருடத்தை கொண்டாடும் சென்னை அமைப்பு

13 உறுப்பினர்களுடன் ஆரம்பிக்கப்பட்ட இந்த அமைப்பு, தற்போது 325 உறுப்பினர்களை கொண்ட பெரிய அமைப்பாக மாறியுள்ளது.

சென்னை: ஓடுவதை வாழ்க்கையின் அங்கமாக மாற்றி வைத்துள்ள டவர் ட்விஸ்டர் அமைப்பு தனது 3வது வருட தொடக்க விழாவை கொண்டாடியுள்ளது.

உடல் பருமன், நீரிழிவு உள்ளிட்ட பல பிரச்சினைகளை கட்டுக்குள் வைக்க ஓட்டம் உதவுகிறது. எனவே வாழ்க்கை முறை நோய்களை கட்டுப்படுத்தவும், தடுக்கவும் சென்னையில் 3 வருடங்கள் முன்பு ஆரம்பிக்கப்பட்டதுதான், towertwisters அமைப்பு.

13 உறுப்பினர்களுடன் ஆரம்பிக்கப்பட்ட இந்த அமைப்பு, தற்போது 325 உறுப்பினர்களை கொண்ட பெரிய அமைப்பாக மாறியுள்ளது. ஏப்ரல் 9ம் தேதி இந்த அமைப்பின் 3வது ஆண்டு விழா கொண்டாடப்படுகிறது. 10 ஆயிரம் மீட்டர், 5 ஆயிரம் மற்றும் 3ஆயிரம் மீட்டர் தூர ஓட்டங்களுடன் விழா கொண்டாடப்பட உள்ளது. இந்த ஓட்டம், சென்னை, அண்ணாநகர் ரவுண்டானா அருகேயுள்ள கந்தசாமி நாயுடு கல்லூரியில் நடைபெற உள்ளது.

இந்த வருட ஓட்டம் மேலும் பலரையும், ஓட்டத்திற்கு அடிமையாக்கும் என எதிர்பார்க்கிறோம் என்கிறார்கள் இந்த அமைப்பை சேர்ந்தவர்கள்.

3ம் ஆண்டு விழாவையொட்டி வரும் 9ம் தேதி நடைபெற உள்ள ஓட்டத்தில் பங்கேற்க http://www.towertwisters.com என்ற வெப்சைட்டில் முன்பதிவு செய்யலாம். நீங்களும் வாய்ப்பை தவற விடாமல் பங்கேற்கலாமே.

English summary

Twisterhood have had an exponentially huge growth rate of 13 to 325 members in just 3 years. The group boasts of many success stories pertaining to weight loss, personal bests, controlled diabetes, amplified morale boost and many more.