தொப்பியுடன் இருக்கும் வளர்மதி போட்டோஷாப் படம்.. சமூக வலைத்தளங்களில் வைரலானது
ஆர்கே.நகர் இடைத்தேர்தலில் தொப்பி சின்னத்தை பெற்றுள்ள சசிகலா தரப்பு தொப்பியுடனே வலம் வர தொடங்கியுள்ளது.
சென்னை: ஆர்கே.நகர் இடைத்தேர்தலில் சசிகலா தரப்புக்கு தேர்தல் ஆணையம் தொப்பி சின்னத்தை வழங்கியுள்ளது. இதனால் சசிகலா தரப்பு ஆதரவாளர்கள் தொப்பியுடனே திரிவது போன்ற போட்டோஷாப் போட்டோக்கள் வலம் வரத் தொடங்கியுள்ளன.
நேற்று வேட்பு மனுத்தாக்கல் செய்த டிடிவி.தினகரன் தனது சின்னத்தை அடையாளப்படுத்தும் வகையில் தொப்பி அணிந்து வந்து வேட்பு மனுவை தாக்கல் செய்தார். இந்நிலையில் அதிமுகவின் முன்னாள் அமைச்சரும் சசிகலாவின் தீவிர ஆதரவாளரமான வளர்மதி நேற்று நடைபெற்ற பிரச்சார கூட்டம் ஒன்றில் கலந்துகொண்டார்.
வெள்ளைநிற அதிமுக கரைபோட்ட புடவையை கட்டியிருந்த அவர் சிவப்பு நிற ஜாக்கெட்டுக்கு அணிந்து அமர்ந்திருந்தார். இந்நிலையில் அவர் ஜாக்கெட்டுக்கு மேட்சாக சிவப்பு நிற தொப்பி அணிந்து கொண்டு கூட்டத்தில் பங்கேற்றது போன்ற போட்டோ வெளியானது.
பழைய படங்களில் குதிரையில் செல்லும் வில்லன்கள் அணிவது போன்ற இருந்த அந்த தொப்பி வளர்அமதிக்கு கொஞ்சமும் சூட் ஆகவில்லை. இன்னும் என்னத்தெல்லாம் போடனுமோ என்று எண்ணுவதுபோல் இருந்தது அவர் உட்காந்திருந்த விதம். அவர் புடவையில் குத்தப்பட்டிருந்த பேட்ச்சிலும் தொப்பி சின்னமே இருந்தது.
இந்த போட்டோ வாட்ஸ் அப் பேஸ் புக் என அனைத்த சோஷியல் மீடியாக்களிலும் பரவியது. பின்னர் தான் தெரிந்தது வளர்மதி தலையில் போட்டிருந்த தொப்பி அவர் போட்டதல்ல. போட்டோ ஷாப்பில் வேலை பார்த்து போடப்பட்டுள்ளது என்று.
அச்சு அசலாக தொப்பி போட்டிருப்பது போன்றே போட்டோஷாப்பில் வேலை பார்க்கப்பட்டுள்ளது. இந்த போட்டோ தற்போது வேகமாக இன்டர்நெட்டில் பரவி வருகிறது.