Just In

விஜயகாந்த்தின் பேஸ்புக் பக்கத்தில் கரைபுரண்டோடும் கிண்டல் கமெண்டுகள்

Updated: Friday, July 17, 2015, 14:27 [IST]

சென்னை: தேமுதிக தலைவர் விஜயகாந்த்தை கிண்டலடிக்கவே எக்ஸ்ளூஸிவாக நிறைய பேஸ்புக் பக்கங்கள் குவிந்து கிடக்கின்றன. அதற்கெல்லாம் முடிவு கட்ட முடியாமல் தேமுதிகவினர் தவித்துக் கொண்டிருந்த நிலையில் விஜயகாந்த்தே ஒரு அதிகாரப்பூர்வ பக்கத்தைத் திறந்தார். ஆனால் அங்கும் வந்து பலர் நக்கல், நையாண்டிகளை அவிழ்த்து விட்டு அவஸ்தைப்படுத்த ஆரம்பித்துள்ளனர்.

தேமுதிக தலைவர் விஜயகாந்த் பெயரில் பல டுபாக்கூர் பக்கங்களைத் திறந்து அவரை சகட்டுமேனிக்குக் கிண்டலடித்து வருகிறது ஒரு குரூப். இதைத் தடுக்க போலீஸ் வரைக்கும் போய்ப் பார்த்தார் விஜயகாந்த். இருப்பினும் குறைந்ததே தவிர ஒழியவில்லை.

இந்த நிலையில் அதிகாரப்பூர்வமாக விஜயகாந்த்தே பேஸ்புக்குக்கு வந்து விட்டார். பதிவுகளையும் புகைப்படங்களையும் போட்டு வருகிறார். அதிலும் புகுந்து கமெண்ட்களில் கலாய்த்து வருகிறார்கள் விஷமிகள்.

சிரிப்பு காட்டும் நைனாக்கள்

பொன்ராஜ் பொன்ராஜ் என்ற குசும்பர் போட்டுள்ள கமெண்ட் இது. என்னை சிரிப்பு காட்டியமைக்கு நன்றி நைனாக்களே.. இன்னொரு கமெண்ட்.. எப்பா இந்த தளத்தை எடுத்துடாதீங்க. எங்கள் மனக்கவலை நீக்கும் அற்புதத் தளம் என்று கலாய்த்துள்ளார்.

டோர்னியர் விமானத்தின் கருப்பு பெட்டியை மீட்ட மீட்புக்குழுவினர்களுக்கு நன்றிகடந்த மாதம் 8ஆம் தேதி காணாமல் போன டோர்னியர்...
Posted by Vijayakant-DMDK onMonday, July 13, 2015

நீங்க ஏன் தேடலை கேப்டன்

இன்னொருவர், மாயமான டோர்னியர் விமானம் குறித்து விஜயகாந்த் எழுதியிருந்த பதிவுக்கு இப்படி கமெண்ட் போட்டுள்ளார்.. கேப்டன் நீங்க ஏன் இந்த விமானத்தத் தேடலை என்று கேட்டுள்ளார்.

வடிவேல் பெயரில்

வைத்தியநாதன் வடிவேல் என்ற பெயரில் ஒருவர் மற்றசரக்குகளை சாப்பிடுவதை நிறுத்த வேண்டும் என்று குசும்பு காட்டியுள்ளார்.

இதெல்லாம் மன்னிச்சுரலாம்.. ஆனா..

இதையெல்லாம் கூட மன்னிச்சுடலாம்னு வைங்க.. ஆனால் ஒவ்வொரு பதிவிலும் ஒருவர் வண்டியோட்டி விளையாடி வருகிறார். அதுதாங்க குசும்பின் உச்சகட்டமாக இருக்கிறது.

எத்தாத்தண்டி வண்டி

பெரிய முன் வீலும், குட்டியூண்டு பின் வீலும் உள்ள பெரிய சைக்கிளை ஒருவர் ஓட்டுவது போன்ற படத்தை அந்த குசும்பர் எல்லா பதிவிலும் போட்டு வைத்துள்ளார். கூடவே வாவ் என்று கமெண்ட் வேறு.

ஆக்ஷனில் குதிங்க கேப்டன்..!