வாட்ஸ்ஆப்பில் பட்டையை கிளப்பும் விஜயகாந்த் ஜோக்ஸ்

By Siva

Updated: Tuesday, December 23, 2014, 9:04 [IST]

சென்னை: வாட்ஸ்ஆப்பில் தேமுதிக தலைவர் விஜயாந்த் பற்றிய ஜோக்குகள் தீயாக பரவி வருகிறது.

இணையதளத்தில் சூப்பர் ஸ்டார் ரஜினிகாந்த் பற்றி ஏகப்பட்ட ஜோக்குள் உள்ளன. புதிய ஜோக்குகள் வந்து கொண்டிருக்கின்றன. இந்நிலையில் செல்போனில் உள்ள வாட்ஸ்ஆப்பில் தேமுதிக தலைவர் விஜயகாந்த் பற்றிய ஜோக்குகள் உலா வருகின்றன.

அதில் சில ஜோக்குகள் உங்களுக்காக, படித்து சிரித்துவிட்டு போங்க,

தங்கப் பதக்கம்

விஜயகாந்த் செய்தித்தாளை படிக்கிறார், நீளம் தாண்டுதலில் இந்திய வீரர் தங்கப் பதக்கத்தை தவறவிட்டார். விஜயகாந்த் கமெண்ட்: முட்டாள், தங்கப் பதக்கத்தை அணிந்து கொண்டு
ஏன் தாண்ட வேண்டும்.

வங்கிக் கடன்

வங்கி மேனேஜர்: சார், நாங்கள் உங்களுக்கு இன்டரஸ்ட்(வட்டி) இல்லாமல் கடன் அளிக்கிறோம். விஜயகாந்த்: உங்களுக்கே இன்டரஸ்ட் இல்லை என்றால் எனக்கு இந்த கடன் வேண்டாம்.

ஓட்டப் பந்தயம்

100 மீட்டர் ஓட்டப் பந்தயத்தில் விஜயகாந்த் கலந்து கொள்கிறார். போட்டியை நடத்துபவர் 1, 2, 3 என்று கூறியதும் விஜயகாந்தை தவிர மற்றவர்கள் ஓடிவிட்டனர். நீங்கள் ஏன் ஓடவில்லை என்று அவரிடம் கேட்டதற்கு என் நம்பர் 4 என்றார்.

படம்

வா, படத்துக்கு போகலாம் என விஜயகாந்த் தனது நண்பனிடம் கூறுகிறார். அதற்கு நண்பரோ டாக்டரிடம் அபாயின்ட்மென்ட் வாங்கியிருக்கேனே என்கிறார். அதற்கு விஜயகாந்த் கூறுகையில், எனக்கு உடம்பு சரியில்லை அதனால் இன்று வர முடியாது என டாக்டரிடம் கூறு என்கிறாராம்.