கமலாலயத்தில் தமிழிசையுடன் விஜயகாந்த் சந்திப்பு...!

சென்னை: தமிழக காங்கிரஸ் தலைவர் ஈவிகேஎஸ் இளங்கோவனைச் சந்தித்த கையோடு பாஜக தலைவர் டாக்டர் தமிழிசை செளந்தரராஜனை தேமுதிக தலைவர் விஜயகாந்த் சந்தித்துப் பேசினார். அப்போது விஜயகாந்த் எடுத்துள்ள முயற்சிகளை தமிழிசை பாராட்டினார்.

தமிழக அரசியல் தலைவர்களை சந்திக்கும் நிகழ்ச்சியை இன்று விஜயகாந்த் மேற்கொண்டார். கோபாலபுரத்தில் திமுக தலைவர் கருணாநிதியைச் சந்தித்துப் பேசி தனது உலாவைத் தொடங்கிய அவர் அடுத்து இளங்கோவனைச் சந்தித்தார். தொடர்ந்து தமிழிசை செளந்தரராஜனை கமலாலயம் அலுவலகத்தில் சந்தித்துப் பேசினார்.

விஜயகாந்த்தை தமிழிசை உள்ளிட்ட பாஜக தலைவர்கள் வரவேற்று அலுவலகத்திற்குள் அழைத்துச் சென்றனர்.

இந்த சந்திப்புக்குப் பின்னர் தமிழிசை செளந்தரராஜன் செய்தியாளர்களிடம் பேசுகையில், எதிர்க்கட்சித் தலைவர் விஜயகாந்த் எடுத்துள்ள, தமிழக மக்கள் நலன் கருதிய இந்த முயற்சி பாராட்டுக்குரியது. தமிழக பாஜக சார்பில் ஒரு பிரதிநிதி, நாளை பிரதமரைச் சந்திக்கும் குழுவில் இடம் பெறுவார் என்றார்.

English summary

The DMDK president Vijayakanth met Tamilnadu BJP leader Tamilisai Soundarrajan today.