தமிழகத்துக்காக பாஜகவை தியாகம் செய்யலாமே.. இல. கணேசனுக்கு எதிராக இளைஞர்கள் கொந்தளிப்பு
நாடு நலம் பெற ஒரு மாநிலத்தை இழப்பதில் தவறில்லை என்று பாஜக எம்.பி இல.கணேசன் கூறியதற்கு சமூக வலைத்தளங்களில் எதிர்ப்பு வலுத்து வருகிறது.
சென்னை: பாஜக ராஜ்யசபா எம்.பி இல. கணேசன் தமிழகத்தை விட்டு வெளியேறலாம் என்று இளைஞர்கள் பலர் சமூக வலைத்தளங்களில் பதிவிட்டுள்ளனர். நாடு நலம் பெற ஒரு மாநிலத்தை இழப்பதில் தவறில்லை என்று பாஜக எம்.பி இல.கணேசன் கூறியதற்கு எதிர்ப்பு அதிகரித்து வருகிறது.
நெடுவாசல் ஹைட்ரோ கார்பன் திட்டத்திற்கு தமிழகம் முழுவதும் கடுமையான எதிர்ப்பு கிளம்பி வரும் நிலையில் பாஜகவைச் சேர்ந்த இல. கணேசன், பாஜக தேசிய செயலாளர் ஹெச் ராஜா, மாநிலத் தலைவர் தமிழிசை சவுந்தரராஜன், மத்திய இணை அமைச்சர் பொன். ராதாகிருஷ்ணன் ஆகியோர் இந்த திட்டத்திற்கு ஆதரவான கருத்துக்களை தெரிவித்து வருவது தமிழக மக்களிடையே கொந்தளிப்பை ஏற்படுத்தியுள்ளது.
நாடு நலம் பெற தனி மனிதர்களும், அவர்கள் வாழும் மாநிலமும் தேவையான தியாகத்தை செய்துதான் ஆக வேண்டும் என பாஜக எம்.பி.இல. கணேசன் நேற்று கூறியிருந்தார். இதற்கு எதிர்ப்பு தெரிவித்துள்ள இளைஞர்கள் ராஜ்யசபா பதவியை இல.கணேசன் தியாகம் செய்ய வேண்டும் என்றும் டுவிட்டரில் பலர் பதிவிட்டு வருகின்றனர்.
|
புறக்கணிக்கிறோம்
தமிழகத்தின் பாதுகாப்பிற்காக பாஜக அரசை புறக்கணிக்கிறோம் என்று வலைத்தளவாசிகள் பதிவிட்டுள்ளனர்.
|
கட்சியை தியாகம் செய்கிறோம்
நாட்டுக்காக ஒரு மாநிலம் தியாகம் செய்வது தவறு இல்லை என்றால் ஒரு நாட்டுக்காக ஒரு கட்சியைத் தியாகம் செய்வதிலும் தவறில்லையே! என்று ஒரு வலைஞர் கேட்டுள்ளார்.
|
தமிழகத்தை அடகு வைப்பதா?
நாட்டு நலனுக்காக தமிழகத்தை அடகு வைப்பதாக என்றும் பலரும் கேட்டுள்ளனர். எந்த காரணத்திற்காகவும் தமிழகத்தை தியாகம் செய்ய முடியாது என்று கூறியுள்ளனர்.
|
தியாகம் செய்வார்
தமிழகத்தை தியாகம் செய்யச் சொல்லும் எம்.பி இல. கணேசன், தனது ராஜ்யசபா எம்.பி பதவியை ராஜினாமா செய்வார் என்று சிலர் பதிவிட்டுள்ளனர்.
|
தியாகம் செய்வோம்
தமிழகத்தை தியாகம் செய்ய முடியாது... தமிழிசையை தியாகம் செய்வோம் என்று பதிவிட்டுள்ளனர் சில நெட்டிசன்கள்.