சென்னை: கடந்த சில மாதங்களாக 'தங்கம் விலை சடசடவென உயர்கிறது' என்ற செய்தியால் அதிர்ச்சியடைந்த மக்களுக்கு இப்போது பெரும் ஆச்சரியம் காத்திருந்தது. சர்வதேச சந்தையில் தங்கத்தின் விலை கிடுகிடுவெனக் குறைந்து வருகிறது.
ஆகஸ்ட் மாதத்திற்கான தங்க விலை ஒரு அவுன்ஸ் 4,046 டாலருக்குக் கீழே இறங்கியுள்ளது. இந்த வாரம் மட்டுமே சுமார் 6.3 சதவீதம் சரிவு ஏற்பட்டுள்ளது. மார்ச் மாதத்திற்குப் பிறகு இது மிக மோசமான வாராந்திர வீழ்ச்சியாகப் பதிவாகியுள்ளது.
சென்னை நகரில் இன்று 1 கிராம் 24 காரட் தங்கம் விலை ₹14,727 ஆக உள்ளது, இதேபோல் 1 கிராம் 22 காரட் தங்கம் விலை ₹13,499 ஆகவும், 1 கிராம் 18 காரட் தங்கம் விலை ₹11,309 ஆகவும் உள்ளது. இந்தியாவிலும் தங்கம் விலை குறிப்பிடத்தக்க அளவில் குறைந்துள்ளது. நம்மூர் தங்கம் வாங்கும் மக்களுக்கு இது நல்ல செய்தியாகத் தெரிந்தாலும், முதலீட்டாளர்கள் கவலையில் உள்ளனர். தங்கம் விலை ஏறுவதற்கும் இறங்குவதற்கும் சர்வதேச பொருளாதார மாற்றங்களே முக்கிய காரணம். சாதாரண மக்களும் புரிந்துகொள்ளும் வகையில் முக்கிய காரணங்களைப் பார்ப்போம். தங்கம் பொதுவாக 'பாதுகாப்பான முதலீடு' (Safe Haven Asset) எனக் கருதப்படுகிறது. பணவீக்கம் அதிகரிக்கும் போது மக்கள் தங்கத்தை நோக்கி ஓடுவார்கள். ஆனால் தங்கத்தில் வட்டி கிடையாது. விலை உயர்ந்தால்தான் லாபம். தற்போது அமெரிக்க மத்திய வங்கியான ஃபெடரல் ரிசர்வ், உயர்ந்து வரும் விலைவாசியை கட்டுப்படுத்த வட்டி விகிதங்களை உயர்த்தலாம் அல்லது தற்போதைய நிலையைத் தொடரலாம் என்ற எதிர்பார்ப்பு முதலீட்டாளர்களிடம் வலுத்துள்ளது. அமெரிக்க வங்கிகளில் அதிக வட்டி கிடைக்கும் சூழலில் முதலீட்டாளர்கள் தங்கத்தை விற்றுவிட்டு அரசுப் பத்திரங்கள் மற்றும் டாலரில் முதலீடு செய்யத் தொடங்கியுள்ளனர். இதனால்தான் தங்கம் மீதான மோகம் குறைந்து விலை சரிவு ஏற்பட்டுள்ளது. கடந்த நான்கு மாதங்களாகத் தொடரும் ஈரான் தொடர்பான பதற்றம் உலக அளவில் எரிபொருள் விலையை உயர்த்தியுள்ளது. ஹோர்முஸ் நீரிணை மூடப்பட்டதால் கடல் போக்குவரத்து பாதிக்கப்பட்டு, எரிபொருள் செலவு அதிகரித்தது. அமெரிக்காவில் மே மாத வேலைவாய்ப்பு தரவுகள் எதிர்பார்ப்புக்கு மேல் இருந்ததுடன், விலைவாசி மூன்றாண்டுகளில் இல்லாத உச்சத்தைத் தொட்டுள்ளது. இதனால் இந்த ஆண்டு இறுதிக்குள் வட்டி விகித உயர்வு 67 சதவீதம் வாய்ப்புள்ளதாக நிபுணர்கள் கூறுகின்றனர். ஜே.பி. மார்கன் உள்ளிட்ட பெரிய வங்கிகள் சுட்டிக்காட்டும் 'டிபேஸ்மென்ட் டிரேடு' என்பது, அரசு கடன் அதிகரிக்கும் போது மக்கள் தங்கம் மற்றும் பிட்காயின் போன்றவற்றை வாங்கும் போக்கு. ஆனால் தற்போது நிலைமை தலைகீழாக மாறியுள்ளது. ஜூன் முதல் வாரத்தில் மட்டும் தங்கப் பத்திரங்கள் மற்றும் Gold ETFs-இலிருந்து சுமார் 20 பில்லியன் டாலர் மதிப்பிலான முதலீடுகள் வெளியேறியுள்ளன. பிட்காயின் நிதியங்களிலும் ஒரே போக்கு காணப்படுகிறது. சிட்டி குரூப் உள்ளிட்ட நிறுவனங்கள் தற்போதைய சந்தை நிலை பலவீனமாக இருப்பதாகக் கூறுகின்றன. குறுகிய காலத்தில் விலை சரிவு தொடரலாம். இருப்பினும் நீண்ட கால அடிப்படையில் அரசியல் பதற்றங்கள், மத்திய வங்கிகளின் தங்கக் கையிருப்பு அதிகரிப்பு போன்ற காரணங்களால் தங்கம் மீண்டும் வலுப்பெறும் என நிபுணர்கள் நம்புகின்றனர். சுருக்கமாக, அமெரிக்க வட்டி விகித உயர்வு பயம் மற்றும் உலகப் பொருளாதார மாற்றங்கள் தற்காலிகமாக தங்கம் விலையை அழுத்துகின்றன. தங்கம் வாங்க காத்திருப்பவர்களுக்கு இது சாதகமான சந்தர்ப்பமாக அமையலாம். ஆனால் முதலீடு செய்யும் முன் நிபுணர் ஆலோசனை பெறுவது நல்லதுமுதல் காரணம்: அமெரிக்க வட்டி விகித உயர்வு பயம்
இரண்டாவது காரணம்: ஈரான் போர் மற்றும் உலகப் பொருளாதார அழுத்தம்
மூன்றாவது காரணம்: டிபேஸ்மென்ட் டிரேடு மாற்றம்
எதிர்காலம் என்ன? தங்கம் மீண்டும் உயருமா?