சென்னை: சர்வதேச சந்தையில் தங்கத்தின் விலை கடந்த ஏழு மாதங்களில் இல்லாத அளவுக்குக் கடுமையான வீழ்ச்சியைச் சந்தித்துள்ளது. பல மாதங்களுக்குப் பிறகு சர்வதேச சந்தையில் தங்கம் விலை ஒரு அவுன்ஸ் 4,000 டாலர் என்ற எல்லைக்குச் செல்கிறது. இது இன்றைய தினம் இந்தியச் சந்தையிலும் எதிரொலித்துள்ளது. தங்கம் விலை சவரனுக்கு ரூ.1680 குறைந்து, சவரனுக்கு ரூ.1,05,120க்கு விற்பனை செய்யப்பட்டது.
கடந்த சில ஆண்டுகளாகத் தொடர்ந்து உயர்ந்து வந்த தங்கம் இப்போது சரிய ஆரம்பித்துள்ளது. சில வாரங்களாகவே தங்கம் தொடர்ந்து சரிந்து வருகிறது. அமெரிக்க டாலரின் மதிப்பு உயர்வது, அமெரிக்க வங்கி வட்டி விகித எதிர்பார்ப்பு ஆகியவை இதற்கு முக்கிய காரணங்களாக உள்ளன. இதனால் சர்வதேச மார்கெட்டில் கடந்த 7 மாதங்களில் இல்லாத அளவுக்குத் தங்கம் விலை சார்ந்துள்ளது.
சர்வதேச சந்தையில் ஸ்பாட் தங்கம் ஒரு அவுன்ஸ் 4,000க்கு கீழ் போனது. இது கடந்த 2025 நவம்பர் மாதத்திற்குப் பிறகு பதிவான மிகக் குறைந்த விலையாகும். அதே நேரத்தில், அமெரிக்க கோல்ட் ப்யூச்சர்ஸ் 4,023.30 டாலராக வர்த்தகமாகிறது. தங்கத்தின் இந்த வீழ்ச்சிக்கு அமெரிக்க டாலரின் எழுச்சி முக்கியப் பங்கு வகிக்கிறது. அமெரிக்க டாலரின் மதிப்பு 13 மாதங்களில் இல்லாத அளவுக்கு உயர்ந்துள்ளதால், டாலர் சாராத பிற நாணயங்களைப் பயன்படுத்தும் முதலீட்டாளர்களுக்குத் தங்கம் வாங்குவது கூடுதல் செலவை ஏற்படுத்துகிறது. இது தங்கத்திற்கான உலகளாவிய தேவையை வெகுவாகக் குறைக்கிறது. மேலும், சமீபத்திய ஆலோசனைக் கூட்டத்தில் அமெரிக்க ஃபெடரல் ரிசர்வ் வட்டி விகிதங்கள் வரும் காலங்களில் அதிகரிக்கப்படலாம் என்பது போலக் கூறியிருந்தது. பணவீக்க அச்சுறுத்தல்கள் தொடர்ந்து நீடிப்பதாலும், செப்டம்பர் மாதத்திலேயே வட்டி விகிதம் உயர்த்தப்படலாம் எனச் சொல்லப்படுகிறது. வட்டி விகிதங்கள் அதிகரிக்கும் போது தங்கம் போன்ற வட்டி தராத முதலீடுகள் மீது முதலீட்டாளர்களின் ஆர்வம் குறைகிறது. தங்கத்தில் முதலீடு செய்வதற்குப் பதிலாக நிலையான வட்டி வருமானம் தரும் அரசு பத்திரங்கள் மற்றும் இதர வட்டி சார்ந்த முதலீடுகள் பக்கம் முதலீட்டாளர்கள் திரும்புவார்கள். அதேநேரம் சர்வதேச வங்கிகள் தங்கத்தைத் தொடர்ந்து வாங்குவதால் தங்கம் விலை முற்றிலுமாக வீழ்ச்சியடைய வாய்ப்பில்லை என்று சந்தை வல்லுநர்கள் கணித்துள்ளனர். இருப்பினும், தங்கத்தின் மீதான உலகளாவிய ஆர்வம் தற்போது குறைந்துள்ளதால், கடந்த சில ஆண்டுகளைப் போல இந்தாண்டு தங்கம் விலை உச்சத்திற்குப் போகாது என்றே சொல்கிறார்கள். நேற்றைய தினம் சென்னையில் ஆபரணத் தங்கம் விலை பெரியளவில் குறைந்தது.. ஆபரணத் தங்கம் சவரனுக்கு ரூ.1680 குறைந்து, ரூ.1,06,800க்கு விற்பனையானது. ஒரு கிராம் தங்கம் ரூ.210 குறைந்து, ரூ.13,350க்கு விற்பனை செய்யப்பட்டது. அதேபோல வெள்ளி விலை கிராமுக்கு ரூ.10 குறைந்து, ரூ.240க்கு விற்கப்பட்டது. இன்றைய தினம் சென்னையில் தங்கம் விலை சவரனுக்கு ரூ.1680 குறைந்து, சவரனுக்கு ரூ.1,05,120க்கு விற்பனை செய்யப்படுகிறது. அதேபோல ஆபரண தங்கம் கிராமுக்கு ரூ.210 குறைந்து, கிராம் ரூ.13,140க்கு விற்பனையாகிறது. வெள்ளி விலை கிராமுக்கு 10 ரூபாய் குறைந்து, ரூ.230க்கு விற்பனை செய்யப்படுகிறது. 25.06.2026 - ஒரு சவரன் - ரூ.1,05,120 24.06.2026 - ஒரு சவரன் - ரூ.1,06,800 23.06.2026 - ஒரு சவரன் - ரூ.1,08,480 22.06.2026 - ஒரு சவரன் - ரூ.1,08,800 21.06.2026 - ஒரு சவரன் - ரூ.1,08,800 20.06.2026 - ஒரு சவரன் - ரூ.1,08,800 19.06.2026 - ஒரு சவரன் - ரூ.1,08,560 18.06.2026 - ஒரு சவரன் - ரூ.1,11,600 (மாலை) 18.06.2026 - ஒரு சவரன் - ரூ.1,12,480 (காலை) 17.06.2026 - ஒரு சவரன் - ரூ.1,12,240 16.06.2026 - ஒரு சவரன் - ரூ.1,12,480 15.06.2026 - ஒரு சவரன் - ரூ.1,12,560சர்வதேச மார்கெட்
காரணங்கள்
என்னவாகும்!
தங்கம் விலை