சென்னை: திருச்சி கிழக்கு தொகுதி இடைத்தேர்தலில் தவெக சார்பாக நடிகர் ராகவா லாரன்ஸ் களமிறங்க உள்ளதாக தகவல் வெளியாகி இருக்கிறது. இதனை வைத்து சோசியல் மீடியாவில் சாமானிய மக்கள் உருவாக்கியுள்ள மீம்ஸை பார்க்கலாம்.
டியூட் படத்தில் மமிதா பைஜு கர்ப்பமாக இருப்பது அறிந்து பிரதீப் ரங்கநாதன் "எதே கர்ப்பமா" என்று ஷாக்காகி தலையில் கை வைத்து அமர்ந்துவிடுவார். அதில் வரும் பிரதீப் ரங்கநாதனாக திமுக ஆதரவாளர்களை மாற்றி, எதே ராகவா லாரன்ஸா.. என்று அதிர்ச்சி அடைந்து வாயை பிளந்து பார்ப்பதாக உருவாக்கப்பட்டுள்ள மீம் அடேய்.. என்னடா பன்றீங்க ரகம்.
மாநாடு படத்தில் எஸ்ஜே சூர்யா சிம்புவை சாகவிடாமல் தடுக்க போராடி கொண்டே இருப்பார். அதையும் மீறி சிம்பு ஏமாற்றியதால் எஸ்ஜே சூர்யா புலம்புவார். அதில் வரும் எஸ்ஜே சூர்யாவை தவெக ஆதரவாளராக மாற்றி, ராகவா லாரன்ஸ் அண்ணாமலை கட்சியில் சேரப் போறது தான் வியாழக்கிழமை அறிவிப்பா வரப் போகுது.. அது தெரியாமல தவெகனு நினைச்சு ஃபையர் விட்டுட்டு இருக்கோம் என்று சொல்வதாக உருவாக்கப்பட்டுள்ள மீம் மாட்டிக்கிட்டாரு ஒருத்தரு ரகம். கலகலப்பு படத்தில் மாறு வேடத்தில் வரும் இளவரசு, பாய்.. அமிதாப் பச்சன், பிச்சைக்காரர் என்று வித்தியாசமான கெட்டப்பில் வருவார். அதுபோல் முதல்வர் விஜய் வித்தியாச வித்தியாசமான கெட்டப்பில் பெரம்பூர் தொகுதியில் மாறுவேடம் போட்டு வருவதாக உருவாக்கப்பட்டுள்ள மீம் ஆள விடுங்கடா கொய்யால ரகம். பெண்ணின் மனதை தொட்டு படத்தில் விவேக்கை சுடும் போலீஸை பார்த்து, "ஒரு பக்கம் மட்டும் சுட்டுட்டு ஏன்டா விடுற.. இன்னொரு பக்கமும் சுடு.. சுட்டுக்கோ" என்று சொல்வார். அதில் வரும் விவேக்காக சாமானிய மக்களை மாற்றி, "அடேய் விஷால்.. நீ மட்டும் ஏன் சும்மா இருக்க.. நீயும் ஒரு கட்சி ஆரம்பி" என்று சொல்வதாக உருவாக்கப்பட்டுள்ள மீம் ஜாலியோ ஜிம்கானா ரகம்.