மேகதாது விவகாரம்: கன்னட அமைப்புகள் போராட்டம்! பெங்களூர் செல்லும் தமிழக பஸ்கள் ஓசூரிலேயே நிறுத்தம்! பயணிகள் தவிப்பு

சென்னை - பெங்களூர் தேசிய நெடுஞ்சாலையான கர்நாடக மாநில அத்திப்பள்ளியில் சாலை மறியல் போராட்டத்திற்கு அழைப்பு விடுத்துள்ளன. இதனால் முன்னெச்சரிக்கை நடவடிக்கையாக தமிழக அரசு பேருதுகள் ஓசூரிலேயே நிறுத்தப்பட்டுள்ளன.

தமிழ்நாட்டின் பல்வேறு மாவட்டங்க்ளில் இருந்தும் ஓசூர் வழியாக பெங்களூருக்கு அரசு விரைவுப் பேருந்துகள் இயக்கப்படுகின்றன. நெல்லை, மதுரை, சென்னை, கன்னியாகுமரி என பலநகரங்களில் இருந்து பேருந்துகள் இயக்கப்படும் நிலையில், இந்த பேருந்துகள் அனைத்தும் இன்று ஓசூரிலேயே நிறுத்தப்பட்டன. கர்நாடகாவில் இருந்து ஓசூருக்கு இயக்கப்படும் பேருந்துகளும் கணிசமாக குறைக்கப்பட்டுள்ளன.

நாளொன்றுக்கு 110 பேருந்துகள் இயக்கப்படும் நிலையில், 20 சதவீத பேருந்துகளே இயக்கப்படுகின்றன. தனியார் பேருந்துகள் மட்டும் வழக்கம் போல் இயங்குகின்றன. இதனால், மக்கள் முண்டியடித்துக்கொண்டு பேருந்துகளில் ஏறுவதை பார்க்க முடிகிறது. குறைந்த அளவிலான பேருந்துகள் மட்டுமே இயங்குவதால் பயணிக்ள் கடும் அவதிக்கு உள்ளாகியுள்ளனர்.

மருத்துவம், தொழில் உள்ளிட்ட பல்வேறு காரணங்களுக்காக இரு மாநிலங்களில் இருந்தும் தினம் தோறும் லட்சக்கணக்கான பயணிகள் வந்து செல்லும் நிலையில் கன்னட அமைப்புகளின் மறியல் அறிவிப்பால் பயணிகள் கடும் திண்டாட்டத்திற்கு உள்ளாகியுள்ளனர்.