வெடித்து சிதறிய பெங்களூர் விதான சவுதா.. ரீல்ஸ்க்காக ஏஐ வீடியோ போட்ட பீகார் தொழிலாளி கைது

இதனால் விதான சவுதாவை சுற்றிய இடம் எப்போதும் பரபரப்பாகவே காணப்படும். இந்நிலையில் தான் நேற்று முன்தினம் முதல் இணையதளங்களில் வீடியோ ஒன்று வைரலாக பரவ தொடங்கியது.

பெங்களூரை விட்டு மொத்தமாக வெளியேறும் மக்கள்.. ஐடி நிறுவனங்கள் மூடப்படும்! 2027 பிப்., பேராபத்து - ஜோதிடர் கணிப்பு

அந்த வீடியோவில் விதான சவுதா வெடித்து சிதறுவது போன்ற காட்சி இடம் பெற்றிருந்தது. விதான சவுதாவின் முன்பு டீசர்ட், டிராக் பேண்ட் அணிந்து ஒருவர் நிற்கிறார்.தலையில் தொப்பி மற்றும் முதுகில் பேக் அணிந்துள்ளார். அவர் விதான சவுதாவை நோக்கி விரல்களை துப்பாக்கி போல் வைத்து திரும்புவதும், உடனே விதான சவுதா வெடித்து சிதறுவது போல் அந்த வீடியோ இருந்தது.

இந்த வீடியோ ஏஐ உதவியுடன் எடிட் செய்யப்பட்டு வெளியிட்டு இருந்தால் இந்த வீடியோவிற்கு கடும் எதிர்ப்பு கிளம்பியது. வீடியோ வெளியிட்ட நபரை கைது செய்ய வேண்டும் என்ற கோரிக்கை வலுத்தது. இதையடுதது பெங்களூர் விதான சவுதா போலீசார் வழக்குப்பதிவு செய்து விசாரணை மேற்கொண்டனர்.

அப்போது அந்த வீடியோ Jnx_King_h_g என்ற இன்ஸ்டாகிராம் பக்கத்தில் வெளியிடப்பட்டது தெரியவந்தது. ஏஐ உதவியுடன் இந்த வீடியோவை உருவாக்கி வெளியிட்டது தெரியவந்தது. இதையடுத்து வீடியோ வெளியிட்டவர் கைது செய்யப்பட்டார்.

உனக்கு மன்னிப்பே கிடையாது.. நிச்சயிக்கப்பட்ட நபரை கொன்ற பெங்களூர் சுபாவின் கருணை மனு நிராகரிப்பு

விசாரணையில் அவரது பெயர் ஹஸ்ரத் அலி சோயப் என்பதாகும்.அவர் பீகார் மாநிலம் அராரியா மாவட்டத்தை சேர்ந்தவர். இவர் பெங்களூரில் கடந்த சில மாதங்களாக தங்கி 'பைப்' கனெக்‌ஷன் கொடுக்கும் பணியில் ஈடுபட்டு வந்தது தெரியவந்துள்ளது.

அதுமட்டுமின்றி கர்நாடகாவின் மிகவும் முக்கியமான கட்டடமான விதான சவுதாவை வெடிப்பது போல் வீடியோ வெளியிட்டால் அதிக பார்வையாளர்கள் மற்றும் பாலோயர்ஸ் கிடைப்பார்கள் என்று ஹஸ்ரத் அலி கூறியுள்ளார். இருப்பினும் அவருக்கு பின்னணியில் வேறு யாராவது இருக்கிறார்களா? என்பது தொடர்பாக போலீசார் விசாரணை மேற்கொண்டு வருகின்றனர்.