சென்னை: AI மற்றும் தொழில்நுட்பக் மாற்றங்களால் வேலை பாதுகாப்பு குறைந்து வரும் தற்போதைய சூழலில், நிதி நிபுணர் போன்ற பணிகளையும் ஏஐ செய்யத் தொடங்கியுள்ளதாக நிதி நிபுணர் முத்துகிருஷ்ணன் தண்டபாணி கூறியுள்ளார். முழுமையாக ஏஐ நிதி ஆலோசனை தராது என்றாலும், ஏஐ தெரிந்த நிதி நிபுணர் பலரது வேலைகளை செய்யக்கூடும் என்று வங்கிகள் நம்புகின்றன. இது பற்றி தான் முத்துகிருஷ்ணன் தண்டபாணி விவரித்துள்ளார்
சென்னைச் சேர்ந்த நிதிப் பகுப்பாய்வாளர் மற்றும் முதலீட்டு ஆலோசகரான முத்துகிருஷ்ணன் தண்டபாணி வேலைவாய்ப்புச் சந்தை மற்றும் பொருளாதாரத்தில் வரவிருக்கும் மாற்றங்கள் குறித்தும் தனது எக்ஸ் சமூக வலைதள பக்கத்தில் கூறுகையில், பாதுகாப்பானவை என்று கருதப்பட்ட, உங்கள் பணத்தை நிர்வகிக்கும் நபர்களின் வேலைகளைக் கூட AI சிறுகச் சிறுகக் குறைக்கத் தொடங்கியுள்ளது.
HSBC வங்கி, தனது UK செல்வ மேலாண்மைப் பிரிவில் (UK wealth business) பெரிய அளவில் ஆட்குறைப்பு செய்யத் திட்டமிட்டுள்ளது. தனது நிதி ஆலோசகர்களில் (financial advisers) சுமார் 70% பேரையும், அவர்களுக்கு உதவியாக இருக்கும் மேலாளர்கள் மற்றும் நிபுணர்களில் பாதியளவினரையும் பணிநீக்கம் செய்யக்கூடும் என்று தகவல்கள் தெரிவிக்கின்றன. பாதிக்கப்பட்டவர்கள் அக்டோபர் இறுதிக்குள் வெளியேறுவார்கள் என்று எதிர்பார்க்கப்படுகிறது. நிதி மேலாண்மை ஆலோசனை என்பது, உங்கள் சூழ்நிலையை அறிந்து, முதலீடுகளைத் தேர்ந்தெடுத்து, சந்தை சரிவடையும் போது உங்களுடன் தொலைபேசியில் தொடர்பில் இருக்கும் ஒரு மனிதரையே குறிப்பதாக இருந்தது. AI உதவியுடன் ஒரு ஆலோசகரே பலரின் வேலையைச் செய்ய முடியும் என்றே கூறுகிறது. இதனால் செலவு குறைகிறது; மனித ரீதியான நேரடித் தொடர்பு மெலிதாகிறது. மே மாதத்தில், தலைமைச் செயல் அதிகாரி ஜார்ஜஸ் எல்ஹெடரி, பணியாளர்களிடம் AI சார்ந்த மாற்றங்களை எதிர்ப்பதற்குப் பதிலாக ஏற்றுக்கொள்ளுமாறு கேட்டுக்கொண்டார். மேலும் ஜெனரேட்டிவ் AI சில வேலைகளை அழிக்கும், புதிய வேலைகளை உருவாக்கும் என்றும் கூறினார்.
ஆனால், ஆராய்ச்சிகள், பொருத்துதல்கள் மற்றும் வழக்கமான புதுப்பிப்புகளைச் மென்பொருள்களாலேயே செய்ய முடியும்; இதனால் குறைந்த எண்ணிக்கையிலான ஆலோசகர்களைக் கொண்டு அதிக வாடிக்கையாளர்களைக் கவனிக்க முடியும் என்று HSBC நம்புகிறது. உண்மையான மாற்றமே இதுதான். ஒரு சேட்பாட் அனைத்து வாடிக்கையாளர் தொடர்புகளையும் மாற்றிவிடும் என்று வங்கி சொல்லவில்லை.
இந்த ஆட்குறைப்புகள், அவரது கூற்றின் எந்தப் பகுதி முதலில் நடைமுறைக்கு வருகிறது என்பதைக் காட்டுகின்றன." இவ்வாறு கூறியுள்ளார்.