சென்னை: அதிமுகவில் இருந்து விலகுவதாக நடிகை கவுதமி அறிவித்துள்ளார். சமூக சேவை செய்ய ஏதுவாக அதிமுகவில் இருந்து விலகுவதாகவும் அவர் அறிவித்துள்ளார். தமிழக சட்டசபை தேர்தலில் தீவிர பிரச்சாரத்தில் ஈடுபட்டிருந்தார்.
இதுகுறித்து அவர் வெளியிட்டுள்ள அறிக்கையில் கூறியிருப்பதாவது: அனுப்புனர்: திருமதி கௌதமி பெறுநர்: கழக பொதுச் செயலாளர் பொருள்: கழக அடிப்படை உறுப்பினர் மற்றும் கழக கொள்கை பரப்பு துணைச் செயலாளர் பதவியிலிருந்து இன்று முதல் என்னை விடுவித்துக் கொள்கிறேன். மாண்புமிகு கழக பொதுச் செயலாளர் அவர்களுக்கு வணக்கம். இன்று 14/06/2026 முதல் நான் வகித்து வரும் அ இ அ தி மு க அடிப்படை உறுப்பினர் பதவி மற்றும் கழக கொள்கை பரப்பு துணைச் செயலாளர் பதவியிலிருந்து தற்போது உள்ள அரசியல் சூழல் கருத்தில் கொண்டு, நான் சமூக சேவை செய்ய ஏதுவான வகையில் கனத்த இதயத்துடன் என்னை விடுவித்துக் கொள்கிறேன். கழகத்தில் சேர்ந்த நாள் முதல் இன்று வரை எனக்கு எல்லா வகையிலும் ஒத்துழைப்பு நல்கிய முன்னாள் அமைச்சர் பெருமக்கள், தலைமைக்கழக நிர்வாகிகள் பிற அணி மாநில செயலாளர்கள், மாவட்ட கழக செயலாளர்கள், வட்டக் கழக செயலாளர்கள், பகுதி கழக செயலாளர்கள், ஒன்றிய கழக செயலாளர்கள், பேரூர் நகரக் கழக செயலாளர்களையும் மனதார வணங்கி நன்றி கூறி என்னை கழகத்திலிருந்து விடுவித்துக் கொள்கிறேன். இப்படிக்கு, கௌதமி தாடிமல்லா சென்னை- 600115 இவ்வாறு அந்த அறிக்கையில் குறிப்பிட்டுள்ளார். திரையுலகில் முன்னணி நடிகையாக வலம் வந்த கௌதமி தாடிமல்லா, பொதுச் சேவையின் மீதான ஈடுபாட்டால் அரசியல் களத்திலும் மிக நீண்ட காலமாக தீவிரமாகச் செயல்பட்டு வருகிறார். அவரது 29 ஆண்டு கால அரசியல் பயணத்தின் முக்கிய மைல்கற்களை பார்க்கலாம். கௌதமி தனது அரசியல் பயணத்தை 1997 ஆம் ஆண்டு பாரதிய ஜனதா கட்சியில் (BJP) இணைந்ததன் மூலம் தொடங்கினார். அப்போதைய மூத்த தலைவர் எல்.கே. அத்வானி தலைமையில் கட்சியில் இணைந்த அவர், சுமார் 25 ஆண்டுகள் அக்கட்சியில் நீடித்தார். முக்கிய பொறுப்புகள், பிரச்சாரங்கள்: பாஜாகவின் இளைஞர் அணியான BJYM-ன் தேசியத் துணைத் தலைவராகப் பொறுப்பு வகித்தார். முன்னாள் பிரதமர் அடல் பிஹாரி வாஜ்பாய் காலத்தில் ஆந்திரா, கர்நாடகா மற்றும் தமிழ்நாடு ஆகிய மாநிலங்களில் பாஜகவிற்காக தீவிர தேர்தல் பிரச்சாரங்களை மேற்கொண்டார். தேர்தல் பொறுப்பு (2021): 2021 தமிழ்நாடு சட்டசபைத் தேர்தலின் போது, ராஜபாளையம் சட்டசபைத் தொகுதியின் பாஜாக பொறுப்பாளராக நியமிக்கப்பட்டு, அங்கு அடிமட்ட அளவில் கட்சியை வலுப்படுத்தும் பணிகளில் ஈடுபட்டார். கௌதமி 2023 அக்டோபர் 23 அன்று பாஜாகவிலிருந்து விலகுவதாக அறிவித்தார். தனது வாழ்நாள் சம்பாத்தியமான சுமார் ₹25 கோடி மதிப்புள்ள சொத்துக்களை அபகரித்து ஏமாற்றிய நபர் ஒருவருக்கு, பாஜாகவின் மூத்த தலைவர்கள் சிலர் ஆதரவாகச் செயல்படுவதாகவும், தனக்கு கட்சித் தலைமை உரிய ஆதரவை வழங்கவில்லை என்றும் குற்றம் சாட்டி, மிகுந்த மனவேதனையுடன் பாஜகவின் 25 ஆண்டு கால உறவை அவர் முறித்துக் கொண்டார். அதிமுகவில் இணைவு (பிப்ரவரி 2024): பாஜகவிலிருந்து விலகிய சில மாதங்களிலேயே, 2024 பிப்ரவரி 14 அன்று அதிமுக பொதுச் செயலாளர் எடப்பாடி K. பழனிசாமி (EPS) முன்னிலையில் கௌதமி தன்னை அனைத்திந்திய அண்ணா திராவிட முன்னேற்றக் கழகத்தில் இணைத்துக் கொண்டார். மறைந்த முதல்வர் ஜெயலலிதா மீது தமக்குள்ள மரியாதையும், எடப்பாடி பழனிசாமியின் தலைமையின் மீதுள்ள நம்பிக்கையுமே இதற்குக் காரணம் என அவர் தெரிவித்தார். கழகக் கொள்கை பரப்பு துணைச் செயலாளர் (அக்டோபர் 2024): கட்சியில் இணைந்த சில மாதங்களிலேயே, 2024 அக்டோபர் 21 அன்று அதிமுகவின் "கழகக் கொள்கை பரப்பு துணைச் செயலாளர்" என்ற மிக முக்கிய உயர் பதவியை எடப்பாடி பழனிசாமி அவருக்கு வழங்கினார். அதன் பின் 2026 தமிழ்நாடு சட்டசபைத் தேர்தல் வரை கட்சியின் முக்கியப் பிரமுகராகவும், நட்சத்திரப் பேச்சாளராகவும் அவர் வலம் வந்தார். 4. தற்போதைய முக்கிய முடிவு (ஜூன் 2026) சமீபத்தில், ஜூன் 14, 2026 அன்று, கௌதமி அதிமுகவின் அடிப்படை உறுப்பினர் பதவியிலிருந்தும், கொள்கை பரப்பு துணைச் செயலாளர் பதவியிலிருந்தும் விலகுவதாக அதிகாரப்பூர்வமாக அறிவித்துள்ளார். தற்போதுள்ள அரசியல் சூழலைக் கருத்தில் கொண்டும், தனது சமூக சேவைகளைத் தங்குதடையின்றித் தொடரவும் "கனத்த இதயத்துடன்" இந்த முடிவை எடுத்துள்ளதாகக் கடிதம் மூலம் எடப்பாடி பழனிசாமிக்குத் தெரிவித்துள்ளார். சமூகத்தில் புற்றுநோய் விழிப்புணர்வு மற்றும் ஏழை மாணவர்களின் கல்விக்காக 'லைஃப் அகைன் ஃபவுண்டேஷன்' (Life Again Foundation) என்ற அமைப்பை நடத்தி வரும் கௌதமி, தற்போதைய அரசியல் கட்சிப் பதவிகளிலிருந்து விலகி இருந்தாலும், மக்கள் நலப்பணிகளில் தொடர்ந்து கவனம் செலுத்துவார் என்று எதிர்பார்க்கப்படுகிறது.
கழக கொள்கை பரப்பு துணைச் செயலாளர்
அ இ அதிமுக
சென்னை 600 115
மாண்புமிகு எடப்பாடி K. பழனிசாமி அவர்கள்
எம்ஜிஆர் மாளிகை
அவ்வை சண்முகம் சாலை
ராயப்பேட்டை1. பாரதிய ஜனதா கட்சியில் தொடக்கம் (1997 - 2023)அரசியல் பிரவேசம்:
2. பாஜகவிலிருந்து அதிரடி விலகல் (அக்டோபர் 2023)
3. அதிமுகவில் இணைவு மற்றும் முக்கிய பதவி (2024 - 2026)