சென்னை: கல்வி மட்டுமே யாராலும் பறிக்க முடியாத சொத்து என உரக்கச் சொல்லும் நம்முடைய கழகத் தலைவர் மு.க ஸ்டாலினின், திராவிடமாடல் ஆட்சியில் பள்ளிக்கல்வித்துறைக்கான நிதி ஒதுக்கீடு ஏறுமுகத்திலேயே இருந்தது. ஆனால் இன்று கடந்த பிப்ரவரி மாதம் வெளியிடப்பட்ட இடைக்கால நிதிநிலை அறிக்கையில் அறிவிக்கப்பட்டதைக் காட்டிலும், குறைவான நிதியே பள்ளிக்கல்வித்துறைக்கு ஒதுக்கப்பட்டுள்ளது என முன்னாள் பள்ளிக் கல்வித்துறை அமைச்சர் அன்பில் மகேஷ் கூறியுள்ளார்.
தவெக அரசின் முதல் பட்ஜெட் இன்று தாக்கல் செய்யப்பட்டது. ஆட்சி அமைத்த பிறகு விஜய் அரசு தாக்கல் செய்யும் முதல் பட்ஜெட் என்பதால் பெரும் எதிர்பார்ப்பு நிலவிய நிலையில், பல்வேறு திட்டங்களுக்கான நிதியை குறைத்துள்ளதோடு, கடந்த கால ஆட்சியில் செயல்படுத்த திட்டங்களை பெயர் மாற்றி தவெக அரசு அறிவித்து வருவதாக விமர்சனங்கள் எழுந்துள்ளன.
குறிப்பாக பள்ளி கல்வித்துறைக்கு கடந்த திமுக ஆட்சியில் ஒதுக்கப்படதை விட தவெக அரசு நிதியை குறைத்து இருப்பதாக முன்னாள் பள்ளி கல்வித்துறை அமைச்சர் அன்பில் மகேஷ் சாடியுள்ளார். இது தொடர்பாக தனது எக்ஸ் தளத்தில் அன்பில் மகேஷ் கூறியிருப்பதாவது:- "கல்வி மட்டுமே யாராலும் பறிக்க முடியாத சொத்து" என உரக்கச் சொல்லும் நம்முடைய தலைவர் ஸ்டாலின் தலைமையிலான திராவிட மாடல் ஆட்சியில் பள்ளிக் கல்வித்துறைக்கான நிதி ஒதுக்கீடு ஏறுமுகத்திலேயே இருந்தது. ஆனால் கடந்த பிப்ரவரி மாதம் வெளியிடப்பட்ட இடைக்கால நிதிநிலை அறிக்கையில் அறிவிக்கப்பட்டதைக் காட்டிலும், குறைவான நிதியே தற்போதைய அரசால் ஒதுக்கப்படுவது இன்று வெளியான நிதிநிலை அறிக்கை மூலம் தெரியவருகிறது. கல்வியில் சிறந்த தமிழ்நாடு என்றென்றும் தொடர்வதை உறுதிசெய்ய வேண்டியது அரசின் கடமை என்பதை மறந்துவிட வேண்டாம்" என்று பதிவிட்டுள்ளார். மேலும் ஒரு டேட்டா ஒன்றையும் அவர் வெளியிட்டுள்ளார். 2021 - 2022 நிதி ஆண்டு: ரூ.32,599 கோடி 2024 - 2025: ரூ.44,042 கோடி 2026 - 2027 (இடைக்கால பட்ஜெட்): ரூ.48,534 கோடி கடந்த 2025 - 2026 ஆம் நிதி ஆண்டில் பள்ளிக் கல்வித்துறைக்கு ரூ.46,767 கோடி நிதி ஒதுக்கீடு செய்யப்பட்டு இருந்தது. தற்போது 2026 -2027 ஆம் நிதி ஆண்டில் பள்ளிக் கல்வித்துறைக்கு ரூ.44,527 கோடி நிதி ஒதுக்கீடு செய்யப்பட்டுள்ளது. உயர் கல்வித்துறையை பொறுத்தமட்டில் கடந்த 2025 - 2026 ஆம் நிதி ஆண்டில் ரூ.8,494 கோடி நிதி ஒதுக்கீடு செய்யப்பட்டு இருந்தது. ஆனால் தற்போதைய விஜய்யின் தவெக அரசு தாக்கல் செய்த பட்ஜெட்டில், 2026 -2027 ஆம் நிதி ஆண்டில் கடந்த நிதி ஆண்டை விட 101 கோடி குறைவாக ரூ.8,393 கோடி நிதி ஒதுக்கீடு செய்யப்பட்டுள்ளது.குறைவான நிதியே ஒதுக்கப்பட்டுள்ளது
கடந்த திமுக ஆட்சியில் எவ்வளவு நிதி ஒதுக்கீடு
2022 - 2023: ரூ.38,895 கோடி
2023 - 2024: ரூ.40,299 கோடி
2025 - 2026: ரூ.46,767 கோடி
2026 - 2027 (தவெக அரசு பட்ஜெட்): ரூ.44,527 கோடிமரியவில்சன் அறிவித்தது எவ்வளவு?
உயர் கல்வித்துறையிலும் குறைவு