சென்னை: தமிழக அரசியலில் கடந்த சில நாட்களாக அதிகம் பேசப்படும் விஷயமாக மாறியுள்ளது அண்ணாமலையின் புதிய இயக்கம். பாஜக மாநிலத் தலைவர் பதவியில் இருந்து விலகிய பிறகு, தனது ராஜினாமாவை கட்சித் தலைமை ஏற்றுக்கொண்ட நிலையில், "இது நம்ம இயக்கம்" என்ற பெயரில் புதிய அரசியல் இயக்கத்தை அவர் தொடங்கியுள்ளார். இதில் பல பாஜக பிரபலங்கள் இணைந்து வரும் நிலையில், பாஜகவுக்கு லேசான பதட்டத்தை கொடுத்துள்ளது. ஆனால், அண்ணாமலையின் இயக்கம் பாஜகவின் பி-டீம் என்ற விமர்சனமும் முன் வைக்கப்படுகிறது.
முன்னாள் தமிழக பாஜக தலைவர் அண்ணாமலை கட்சியில் இருந்து விலகி புதிய அரசியல் இயக்கத்தை தொடங்கியுள்ள நிலையில், அவரது ஆதரவாளர்களாக கருதப்படும் முக்கிய நிர்வாகிகள் அடுத்தடுத்து பாஜகவை விட்டு வெளியேறி வருகின்றனர்.
அந்த வரிசையில், தமிழக பாஜக துணைத் தலைவர் கரு. நாகராஜன், தமிழக பாஜக மாநிலச் செயலாளர் சுமதி வெங்கடேசன் உள்ளிட்டோர் தங்களது பொறுப்பிலிருந்து விலகுவதாக அறிவித்துள்ளனர். பல மாவட்டங்களில் மாவட்ட தலைவர்கள், சார்பு அணி நிர்வாகிகளும் விலகி வருகின்றனர். இந்நிலையில், கடந்த சில முன்பு பதவியை ராஜினாமா செய்து விட்டு டெல்லியில் இருந்து சென்னை திரும்பிய அண்ணாமலைக்கு விமான நிலையத்தில் கிடைத்த வரவேற்பே அவரது ஆதரவாளர்களின் மனநிலையை வெளிப்படுத்தியது. நூற்றுக்கணக்கான தொண்டர்கள் மற்றும் நிர்வாகிகள் அவரை வரவேற்று வாழ்த்துகள் தெரிவித்தனர். அதைத்தொடர்ந்து பொதுமக்கள் தங்களது இயக்கத்தில் இணைய வேண்டும் என அழைப்பு விடுத்த அண்ணாமலை, "இது நம்ம இயக்கம்" இணையதளம் மூலம் பதிவு செய்யுமாறும் கேட்டுக்கொண்டார். அவரது அறிவிப்புக்கு கிடைத்த வரவேற்பு அரசியல் வட்டாரங்களை ஆச்சரியப்படுத்தியுள்ளது. இயக்கம் தொடங்கப்பட்டதாக அறிவிக்கப்பட்ட சில மணி நேரங்களிலேயே லட்சக்கணக்கானோர் உறுப்பினர்களாக பதிவு செய்துள்ளனர். இதை அண்ணாமலை ஆதரவாளர்கள் புதிய அரசியல் எழுச்சியாக சித்தரித்து வருகின்றனர். அண்ணாமலையின் இந்த அறிவிப்புக்குப் பிறகு தமிழக பாஜகவில் இருந்து சில முக்கிய நிர்வாகிகள் அடுத்தடுத்து விலகத் தொடங்கியுள்ளனர். மாநில அளவிலான பொறுப்புகளில் இருந்த சிலர் முதல் மாவட்ட நிர்வாகிகள் வரை பலரும் அவரது இயக்கத்தில் இணையப் போவதாக அறிவித்துள்ளனர். குறிப்பாக கோவை, மதுரை உள்ளிட்ட பகுதிகளில் அண்ணாமலை ஆதரவாளர்கள் அதிக அளவில் விலகி வருவது கவனிக்கத்தக்கதாக பார்க்கப்படுகிறது. அதேபோல், நீண்டகாலமாக பாஜகவில் பணியாற்றி வந்த சில முன்னாள் மாவட்டத் தலைவர்களும் அண்ணாமலையுடன் புதிய அரசியல் பயணத்தில் இணைய முடிவு செய்துள்ளதாக கூறியுள்ளனர். தமிழக அரசியலில் எதிர்காலத்தில் விஜய், உதயநிதி மற்றும் அண்ணாமலை ஆகிய மூன்று இளம் தலைவர்களுக்கிடையே முக்கிய போட்டி உருவாகும் எனவும் அவர்கள் நம்பிக்கை தெரிவிக்கின்றனர். மறுபுறம், பாஜக தலைமையோ இதை பெரிதாக எடுத்துக்கொள்ளவில்லை என்ற தோற்றத்தை வெளிப்படுத்தி வருகிறது. அண்ணாமலையின் தனிப்பட்ட செல்வாக்கின் அடிப்படையில் கட்சியில் இணைந்த சிலர் மட்டுமே தற்போது வெளியேறுவதாகவும், சித்தாந்த அடிப்படையில் செயல்படும் பாஜகவின் அடிப்படை வாக்காளர்கள் மற்றும் நிர்வாகிகள் கட்சியிலேயே இருப்பார்கள் என்றும் அக்கட்சி நிர்வாகிகள் கூறுகின்றனர். மாநிலத் தலைவர் நயினார் நாகேந்திரனும், அண்ணாமலை விலகியதால் பாஜகவுக்கு எந்த பாதிப்பும் இல்லை என்று தெரிவித்திருக்கிறார். மேலும் கட்சியில் இருந்து வெளியேறியவர்கள் மீண்டும் திரும்ப விரும்பினால் அவர்களுக்கு வாய்ப்பு வழங்கப்படும் என்றும் கூறியுள்ளார். இருப்பினும் அரசியல் பார்வையாளர்கள் இந்த விவகாரத்தை வேறு கோணத்தில் பார்க்கின்றனர். 2026 சட்டப்பேரவைத் தேர்தலில் பாஜக எதிர்பார்த்த வெற்றியை பெறாத நிலையில், தமிழகத்தில் புதிய அரசியல் அணுகுமுறையை முயற்சிக்கும் வகையில் அண்ணாமலையின் இந்த நகர்வு இருக்கலாம் என சிலர் கருதுகின்றனர். அதேநேரத்தில், இது பாஜகவின் அதிகாரப்பூர்வ திட்டமா அல்லது அண்ணாமலையின் தனிப்பட்ட அரசியல் பயணமா என்ற கேள்வியும் தொடர்ந்து எழுந்து வருகிறது. முக்கியமாக, பாஜகவின் எதிர்கால வளர்ச்சி முகமாக கருதப்பட்ட அண்ணாமலை தற்போது தனி அரசியல் பாதையைத் தேர்ந்தெடுத்திருப்பது, தமிழக பாஜகவுக்கு புதிய சவாலாக மாறியுள்ளது. அவர் பின்னால் எத்தனை நிர்வாகிகள் செல்கிறார்கள், அந்த ஆதரவு தேர்தல் அரசியலில் வாக்குகளாக மாறுகிறதா, அல்லது அது ஒரு தற்காலிக உணர்ச்சி அலை மட்டுமா என்பது வரவிருக்கும் உள்ளாட்சித் தேர்தல் மற்றும் அடுத்த பொதுத்தேர்தலில்தான் தெளிவாகும். தற்போதைய சூழலை பார்க்கும்போது, அண்ணாமலை தமிழக பாஜகவை முழுமையாக பலவீனப்படுத்துகிறாரா என்ற கேள்விக்கு உடனடியாக பதில் சொல்ல முடியாது. ஆனால் பாஜகவுக்குள் இருந்த அவரது ஆதரவாளர்களின் ஒரு பகுதியை அவர் தனது புதிய இயக்கத்தின் பக்கம் ஈர்த்திருப்பது மட்டும் மறுக்க முடியாத உண்மையாக மாறியுள்ளது. அதே நேரத்தில் அமித் ஷாவின் ஆசியுடன் தான் அண்ணாமலை புதிய இயக்கத்தை ஆரம்பித்துள்ளார், இது பாஜகவின் 'பி'டீம் தான் என்கின்ற விமர்சனம் எழுந்துள்ளது.அண்ணாமலை
தமிழக பாஜக
நிர்வாகிகள் ராஜினாமா
கோவை மாவட்டத்தில் மட்டும் பல மண்டலத் தலைவர்கள் மற்றும் முக்கிய நிர்வாகிகள் தங்களது பதவிகளை ராஜினாமா செய்துள்ளதாக தகவல்கள் வெளியாகியுள்ளன.பாஜகவுக்கு பாதிப்பு
இந்த விலகல்கள் பாஜகவுக்கு பாதிப்பை ஏற்படுத்துமா என்ற கேள்வி தற்போது எழுந்துள்ளது. அண்ணாமலை ஆதரவாளர்கள் தரப்பில், இது ஆரம்பம் மட்டுமே என்றும், இன்னும் பலர் அவருடன் இணைய தயாராக இருப்பதாகவும் கூறப்படுகிறது.விஜய், உதயநிதி
நயினார் நாகேந்திரன்
பாஜகவின் திட்டமா?
தனி அரசியல்
பாஜகவின் 'பி'டீம்