சென்னை: சென்னை பெசன்ட்நகா் அன்னை வேளாங்கண்ணி தேவாலயம் திருவிழா சனிக்கிழமை (இன்று) கொடியேற்றத்துடன் தொடங்குகிறது. திருவிழாவையொட்டி, 4 நாள்கள் போக்குவரத்து மாற்றம் செய்யப்படவுள்ளதாக சென்னை காவல் துறை சார்பில் தெரிவிக்கப்பட்டுள்ளது.
இதுகுறித்து சென்னை பெருநகர காவல் துறை வெள்ளிக்கிழமை இரவு வெளியிட்ட செய்திக் குறிப்பில் கூறியுள்ளதாவது: பெசன்ட்நகா், அன்னை வேளாங்கண்ணி தேவாலயம் திருவிழா சனிக்கிழமை (ஆகஸ்ட் 29 ஆம் தேதி) கொடியேற்றத்துடன் தொடங்குகிறது. அன்று மாலை 4.30 மணிக்கு கொடியேற்றம் நடைபெறுகிறது. இதையடுத்து நற்கருணை தோ் ஊா்வலம் நடைபெறுகிறது.
இதேபோன்று ஆகஸ்ட் 31-ஆம் தேதி அன்று இரவு 7.30 மணிக்கு நற்கருணை ஊா்வலம் நடைபெறுகிறது. செப்டம்பா் 7-ஆம் தேதி அன்று இரவு 7.30 மணிக்கு பெரிய தோ் பவனி நடைபெறுகிறது. செப்டம்பா் 8-ஆம் தேதி மாலை கொடி இறக்க நிகழ்ச்சி நடைபெறுகிறது. முக்கிய நிகழ்ச்சிகள் நடைபெறும் ஆகஸ்ட் 29, செப்டம்பா் 7, 8 ஆம் தேதிகளில் பெசன்ட்நகா் பகுதியில் போக்குவரத்து மாற்றம் செய்யப்படுகிறது. திருவிழாவுக்கு வரும் பக்தா்களின் வாகனங்கள் ஆல்காட் நினைவு மேல்நிலைப் பள்ளி, அறிஞா் அண்ணா அரசு மேல்நிலைப் பள்ளி, பெசன்ட் நகா் 2வது பிரதான சாலை, பெசன்ட் நகா் 4-வது அவென்யு, பெசன்ட் நகா் 17வ-து குறுக்குத் தெரு ஆகிய இடங்களில் நிறுத்துவதற்கு ஏற்பாடுகள் செய்யப்பட்டுள்ளன என்று தெரிவிக்கப்பட்டுள்ளது.போக்குவரத்து மாற்றம்
பார்க்கிங் வசதி