சென்னை: சென்னையின் புகழ்பெற்ற வழிபாட்டுத் தலங்களில் ஒன்றான பெசன்ட் நகர் அன்னை வேளாங்கண்ணி ஆலயம், கத்தோலிக்க திருச்சபையின் உயரிய கௌரவமான 'பேராலயம்' (Basilica) என்ற நிலைக்கு அதிகாரப்பூர்வமாக உயர்த்தப்பட்டுள்ளது. போப் ஆண்டவரின் இந்த அறிவிப்பு, ஆயிரக்கணக்கான கிறிஸ்துவர்களுக்கு எல்லையற்ற மகிழ்ச்சியையும் ஆன்மீக நெகிழ்ச்சியையும் கொடுத்துள்ளது.
கடந்த ஞாயிற்றுக்கிழமை மாலை, பெசன்ட் நகர் ஆலய வளாகத்தில் இதற்கான பிரம்மாண்டமான விழா மிகச் சிறப்பாக நடைபெற்றது. இதில் தமிழகத்தின் பல்வேறு பகுதிகளில் இருந்து வருகை தந்த மூத்த பேராயர்கள், அருட்தந்தையர்கள், கன்னியாஸ்திரிகள், அரசியல் பிரமுகர்கள் மற்றும் பல்லாயிரக்கணக்கான பொதுமக்கள் கலந்துகொண்டனர். ஞாயிறு மாலை 5.30 மணி அளவில் பேராயர்கள் மற்றும் பாதிரியார்களின் பக்திமயமான பவனியுடன் விழா தொடங்கியது. அதைத் தொடர்ந்து சிறப்பு கூட்டுத் திருப்பலி நடைபெற்றது. இந்தியாவில் உள்ள வத்திக்கான் தூதரகத்தின் உயர் அதிகாரி மோன்சிஞ்ஞோர் ஆண்ட்ரியா பிரான்சியா, பெசன்ட் நகர் ஆலயம் பசிலிக்காவாக தரம் உயர்த்தப்பட்டதற்கான அதிகாரப்பூர்வ பிரகடனத்தை வாசித்தார். திருச்சபையின் இந்த வரலாற்று சிறப்புமிக்க பிரகடன ஆவணம் தமிழ், ஆங்கிலம் மற்றும் லத்தீன் ஆகிய மூன்று மொழிகளிலும் பொதுமக்களுக்கு தெளிவாக வாசித்துக் காட்டப்பட்டது. தொடர்ந்து ஆரோக்கிய அன்னையின் அருளுக்காகவும், உலக அமைதிக்காகவும் சிறப்பு பிரார்த்தனைகள் நடத்தப்பட்டன. இந்த அறிவிப்பு வெளியிடப்பட்ட உடனே, ஆலய வளாகத்தில் திரண்டிருந்த பல்லாயிரக்கணக்கான மக்கள் மகிழ்ச்சி வெள்ளத்தில் ஜெபம் செய்தனர். அன்னை மரியாவை வாழ்த்தி பாடல்கள் பாடியும், பிரார்த்தனை முழக்கங்களை எழுப்பியும் தங்கள் நன்றியைத் தெரிவித்தனர். இந்த வரலாற்று முக்கியத்துவம் வாய்ந்த வழிபாட்டில் சென்னை-மயிலை உயர் மறைமாவட்ட பேராயர் ஜார்ஜ் அந்தோணிசாமி, முன்னாள் பேராயர் ஏ.எம். சின்னப்பா, இந்திய கத்தோலிக்க ஆயர் பேரவையின் துணைப் பொதுச்செயலாளர் அருட்தந்தை ஸ்டீபன் ஆலத்தாரா, வேளாங்கண்ணி ஆலய அதிபர் அருட்தந்தை அருளப்பா மற்றும் தமிழகத்தின் பல்வேறு மாவட்டங்களில் இருந்து வந்த ஆயர்கள் கலந்துகொண்டனர். மேலும் சட்டமன்ற சபாநாயகர் ஜெ.சி.டி. பிரபாகர் மற்றும் அமைச்சர் என். மேரி வில்சன் உள்ளிட்ட முக்கியத் தலைவர்களும் இந்த நிகழ்வில் பங்கேற்று வாழ்த்துகளைப் பகிர்ந்துகொண்டனர். கத்தோலிக்க திருச்சபையில் ஒரு ஆலயம் வரலாற்று முக்கியத்துவம், ஆன்மீகச் சிறப்பு மற்றும் ஏராளமான மக்கள் வந்து வழிபடும் இடமாக இருக்கும்போது மட்டுமே அதற்கு 'பசிலிக்கா' என்ற உயரிய கௌரவம் போப் ஆண்டவரால் வழங்கப்படும். பெசன்ட் நகர் அன்னை வேளாங்கண்ணி ஆலயம் இப்போது பசிலிக்காவாக அறிவிக்கப்பட்டதன் மூலம், சென்னை மாநகரம் மொத்தம் மூன்று பசிலிக்காக்களைக் கொண்ட ஆன்மீக பெருமையைப் பெற்றுள்ளது: 1. சாந்தோம் பேராலயம் பல தசாப்தங்களாக சாதி, மத பேதமின்றி லட்சக்கணக்கான மக்கள் அமைதி தேடி வரும் எலியட்ஸ் கடற்கரையோர பெசன்ட் நகர் ஆலயம், இந்த உலகளாவிய அங்கீகாரத்தைப் பெற்றிருப்பது சென்னைக்கே கிடைத்த மிகப்பெரிய ஆன்மீகப் பெருமிதமாகும்.விழா நிகழ்வுகள் மற்றும் சிறப்பு திருப்பலி
வத்திக்கான் தூதரகத்தின் உயர் அதிகாரி மோன்சிஞ்ஞோர் ஆண்ட்ரியா பிரான்சியா
மக்களின் பக்திப் பரவசம்
சென்னையில் இப்போது 3 பேராலயங்கள்!
2. புனித தோமையார் மலை பேராலயம்
3. பெசன்ட் நகர் அன்னை வேளாங்கண்ணி பேராலயம்