சென்னை: முதல்வர் விஜய்யின் பிறந்தநாள் விழா கொண்டாடப்பட்டு வரும் நிலையில் அவர் தொடங்கிய விஜய் மக்கள் இயக்கம் முதல் தமிழக வெற்றிக் கழகம் வரை நடந்தது என்ன? அரியணையில் ஏற்றியது குறித்தும் பார்க்கலாம்.
இன்று (ஜூன் 22) தமிழக முதலமைச்சர் சி. ஜோசப் விஜய்யின் 52-வது பிறந்தநாளை முன்னிட்டு, அவர் ஒரு நடிகராக, மக்கள் இயக்கத் தலைவராக, கட்சித் தலைவராக உருவெடுத்து, இன்று மாநிலத்தின் முதலமைச்சராக அரியணை ஏறியது வரையிலான வரலாற்றுப் பயணத்தின் தொகுப்பை பார்க்கலாம்.
ஆரம்பத்தில் சாதாரண ரசிகர் மன்றங்களாக இருந்தவற்றை, கடந்த 2009 ஆம் ஆண்டில் "விஜய் மக்கள் இயக்கம்" என்ற மக்கள் நல அமைப்பாக விஜய் மாற்றினார். மக்கள் சேவை: ஏழை எளிய மாணவர்களுக்கு கல்வி உதவித்தொகை, இலவச கணினி மையங்கள், 'தளபதி விலையில்லா விருந்தகம்' (இலவச உணவகம்), ரத்த தான முகாம்கள், மற்றும் இயற்கை பேரிடர் காலங்களில் நிவாரண உதவிகள் என இந்த இயக்கம் முழுக்க முழுக்க மக்கள் சேவை அமைப்பாகவே செயல்பட்டது. அரசியல் ஒத்திகை: விஜய் மக்கள் இயக்கத்தினர் விஜய்யின் அனுமதி மற்றும் கொடியுடன் 2021 தமிழக உள்ளாட்சித் தேர்தலில் போட்டியிட்டனர். இதில் 100-க்கும் மேற்பட்ட இடங்களில் வெற்றி பெற்று, விஜய்யின் அரசியல் வருகைக்கான அடித்தளத்தை பலமாக நிரூபித்தனர். ரசிகர் மன்றத்தை அரசியல் இயக்கமாக மாற்றிய விஜய், பிப்ரவரி 2, 2024 அன்று தனது அதிகாரப்பூர்வ அரசியல் கட்சியான "தமிழக வெற்றிக் கழகம்" (தவெக) என்பதைத் தொடங்கினார். சினிமாவிற்கு பிரியாவிடை: "அரசியல் என்பது எனக்கு மற்றுமொரு தொழில் அல்ல; அது புனிதமான மக்கள் பணி" என்று அறிவித்த விஜய், தான் ஒப்புக் கொண்ட திரைப்படங்களை முடித்துவிட்டு முழுநேர அரசியலில் ஈடுபடப் போவதாக அறிவித்தார். கொள்கை மற்றும் மாநாடு: கட்சியின் கொடி மற்றும் சின்னத்தை அறிமுகப்படுத்தியதோடு, விக்கிரவாண்டியில் பிரம்மாண்டமான முதல் மாநாட்டை நடத்தி, கட்சியின் கொள்கைகளையும் கோட்பாடுகளையும் மக்களிடம் கொண்டு சேர்த்தார். 2026 ஆம் ஆண்டு நடைபெற்ற தமிழக சட்டசபைத் தேர்தல், விஜய்யின் அரசியல் வாழ்வில் மிக முக்கியமான திருப்புமுனையாக அமைந்தது. மக்களின் ஆதரவு: ஊழலற்ற, நேர்மையான மற்றும் மாற்று அரசியலை முன்வைத்து தவெக களம் கண்டது. விஜய்யின் மக்கள் செல்வாக்கும், இளைஞர்கள் மற்றும் பெண்களின் பேராதரவும் கட்சியை மாபெரும் வெற்றிப் பாதைக்கு அழைத்துச் சென்றது. முதலமைச்சராகப் பதவியேற்பு: 2026 சட்டசபைத் தேர்தல் முடிவுகளில் தமிழக வெற்றிக் கழகம் தலைமையிலான கூட்டணி பெரும்பான்மை பெற்று வெற்றி பெற்றது. இதனைத் தொடர்ந்து, மே 10, 2026 அன்று சி. ஜோசப் விஜய் தமிழகத்தின் முதலமைச்சராகப் பதவியேற்றார். அப்போது "ஜெயிச்சிட்டோம் ஆடி பார்க்கலாம்னு நெனச்சா இப்பவே ஓடி போய்டுங்க" என்ற தவெக எம்எல்ஏக்களும் அமைச்சர்களுக்கும் விஜய் எச்சரிக்கை கொடுத்தார். அது போல் முதல் கையெழுத்தாக 200 யூனிட் இலவச மின்சாரம், சிங்கப்பெண் சிறப்பு அதிரடி படை உள்ளிட்டவைகளுக்கு முதல் கையெழுத்து போட்டிருந்தார். இதையடுத்து தலைமைச் செயலகத்திற்கு சென்ற விஜய், முதல்வர் அறைக்குள் சென்று அந்த இருக்கையை பிரம்மிப்பாக பார்த்தார். தலைமைச் செயலகத்திற்கு தினந்தோறும் கோட் சூட்டுடன் வருகிறார். முதலமைச்சராகப் பதவியேற்ற பிறகு விஜய் கொண்டாடும் முதல் பிறந்தநாள் இது என்பதால், தவெக தொண்டர்கள் மற்றும் தமிழக மக்கள் மத்தியில் இம்முறை உற்சாகம் இரட்டிப்பாகியுள்ளது. அரசியல் மற்றும் அரசு வாழ்த்துகள்: தற்போதைய சட்சபைக் கூட்டத்தொடர் நிகழ்வுகளுக்கு இடையே, ஆளுங்கட்சி மற்றும் எதிர்க்கட்சித் தலைவர்கள் பலரும் முதலமைச்சர் விஜய்க்கு தங்களது வாழ்த்துகளைத் தெரிவித்து வருகின்றனர். மக்கள் சேவை விழா: ஆடம்பரக் கொண்டாட்டங்களைத் தவிர்த்து, வழக்கம்போல ஏழை எளிய மக்களுக்கு அன்னதானம் வழங்குதல், மருத்துவ முகாம்கள், மற்றும் நலத்திட்ட உதவிகள் வழங்கும் பணிகளில் தவெக தொண்டர்கள் தீவிரமாக ஈடுபட்டுள்ளனர். ஒரு சாதாரண நடிகராகத் தொடங்கி, மக்கள் இயக்கம் மூலம் அடித்தட்டு மக்களின் தேவைகளை அறிந்து, இன்று ஒட்டுமொத்த தமிழகத்தை வழிநடத்தும் முதலமைச்சராக உயர்ந்திருப்பது விஜய்யின் அரசியல் பயணத்தின் ஆகச்சிறந்த மைல்கல்லாகும்! ஒரு படத்திற்கு ரூ 200 கோடி வரை ஊதியம் பெற்று வந்த விஜய், இன்று முதல்வராகி மாதம் ரூ 2 லட்சத்து 5 ஆயிரத்தை ஊதியமாக பெறுகிறார் என்பது குறிப்பிடத்தக்கது.1. அடித்தளம் அமைத்த 'விஜய் மக்கள் இயக்கம்'
2. 'தமிழக வெற்றிக் கழகம்' தொடக்கம்
3. 'தமிழக முதல்வர்' பதவியேற்பு!
இன்று: முதலமைச்சராகக் கொண்டாடும் முதல் பிறந்தநாள்!