சென்னை: தமிழக அரசு நிர்வாகத்தில் மிக முக்கியமான அங்கமாக இருப்பது மாநில உளவுத்துறை. மாநிலத்தில் சட்டம் ஒழுங்கு நிலவரம் எப்படி இருக்கிறது, மக்கள் மத்தியில் என்ன மாதிரியான மனநிலை நிலவுகிறது, எந்தெந்த பகுதிகளில் அசம்பாவிதங்கள் நடக்க வாய்ப்புள்ளது என்பது போன்ற அதிமுக்கியத் தகவல்களை உளவுத்துறை திரட்டி அரசுக்கு அளிக்கும். பொதுவாக, முதலமைச்சரின் நேரடிப் பார்வைக்காக மட்டுமே இந்த 'TSR' (தினசரி ரகசிய அறிக்கை) தயார் செய்யப்படுகிறது.
வழக்கமாக இந்த ரகசிய அறிக்கை ஒரு நாளைக்கு மூன்று முறை நேரடியாக முதலமைச்சரின் மேசைக்குக் கொண்டு செல்லப்பட்டு அவரிடம் மட்டுமே ஒப்படைக்கப்படும். ஆனால், தற்போதைய முதலமைச்சர் விஜய் இந்த அறிக்கைகளைப் படிப்பதில் போதிய ஆர்வம் காட்டுவதில்லை என்றும், வந்த அறிக்கைகளை மேலோட்டமாகப் பார்த்துவிட்டு ஒதுக்கி வைப்பதாகவும் தலைமைச் செயலக வட்டாரங்களில் ஒரு புதிய சர்ச்சை கிளம்பியுள்ளது.
உளவுத்துறை அதிகாரிகள் மிகுந்த கவனத்துடனும் ரகசியமாகவும் தயாரித்துக் கொண்டுவரும் கோப்புகளைப் பார்க்கும்போது, "இதில் என்ன இருக்கிறதோ அதை அப்படியே நம்ம 'வியூக வகுப்பாளரிடம்' கொடுத்துவிடுங்கள்; அவர் பார்த்துச் சொல்வார்" என்று முதலமைச்சர் விஜய் எளிதாகக் கூறி அனுப்பிவிடுவதாகக் கூறப்படுகிறது. ஆரம்பத்தில் இது நிர்வாக ரீதியான ஒரு ஏற்பாடு என்று அதிகாரிகள் நினைத்தாலும், நாட்கள் செல்லச் செல்ல இந்த விவகாரம் விஸ்வரூபம் எடுக்கத் தொடங்கியுள்ளது. மாநிலத்தின் மிக முக்கியமான பாதுகாப்பு மற்றும் உளவுத் தகவல்கள் அடங்கிய ஆவணங்கள், முதலமைச்சரைத் தாண்டி மூன்றாம் நபர்களின் கைகளுக்குச் செல்வது காவல் துறை உயர் அதிகாரிகளைப் பெரும் அதிர்ச்சியில் ஆழ்த்தியுள்ளது. அதிர்ச்சி இதோடு முடிந்துவிடவில்லை. முதலமைச்சருக்காக மட்டுமே தயாரிக்கப்படும் இந்த ரகசிய அறிக்கைகளை அந்தத் தேர்தல் வியூக வகுப்பாளர் படிப்பது ஒருபுறமிருக்க, அமைச்சரவையில் உள்ள இரண்டு செல்வாக்கு மிகுந்த முக்கிய அமைச்சர்களும் தினசரி இந்த அறிக்கைகளை வாங்கி முழுமையாகப் படித்து வருவதாகத் தகவல்கள் கசிந்துள்ளன. வழக்கமாக மாநில உளவுத்துறை தரும் தகவல்களில் அரசியல் நிலவரங்கள், அமைச்சர்களின் செயல்பாடுகள் குறித்த உளவுத் தகவல்கள் மற்றும் பொதுமக்களின் அதிருப்தி போன்ற பல அந்தரங்க விவகாரங்கள் இடம்பெற்றிருக்கும். முதலமைச்சரைத் தவிர வேறு எந்த அமைச்சருக்கும் இந்த அறிக்கைகள் காட்டப்படக் கூடாது என்பதுதான் நீண்டகாலமாக கடைப்பிடிக்கப்பட்டு வரும் நிர்வாக விதிமுறை. ஆனால், இந்த விதிமுறைகள் தவிடுபொடியாக்கப்பட்டுக் குறிப்பிட்ட இரண்டு அமைச்சர்களின் கைகளுக்கு அறிக்கைகள் செல்வது அரசு வட்டாரத்தில் பெரும் சலசலப்பை ஏற்படுத்தியுள்ளது. இந்த விவகாரம் உளவுத்துறையின் மிக உயர்மட்ட அதிகாரியின் கவனத்திற்குச் சென்றபோது, அவர் கடுமையான அதிருப்தியை வெளிப்படுத்தியுள்ளார். "TSR அறிக்கை என்பது முதலமைச்சரின் தனிப்பட்ட பார்வைக்காக மட்டுமே சட்டப்படி உருவாக்கப்படுகிறது. இதை வேறு யாரும் பார்ப்பது அரசு பாதுகாப்பு விதிகளுக்கு எதிரானது. முதல்வர் மட்டுமே இதைப் படிக்க வேண்டும்" என்று அவர் திட்டவட்டமாகத் தனது எதிர்ப்பைப் பதிவு செய்துள்ளார். இதன் காரணமாக தற்போது தலைமைச் செயலகத்தில் உள்ள பல்வேறு அதிகார மையங்களுக்கு இடையே கடுமையான 'ஈகோ' மோதல் வெடிக்கத் தொடங்கியுள்ளது. ஒருபுறம் அரசு விதிகளைச் சுட்டிக்காட்டும் மூத்த ஐ.பி.எஸ் அதிகாரிகள், மறுபுறம் முதலமைச்சருக்கு நெருக்கமாக இருக்கும் தேர்தல் வியூகக் குழு, இன்னொருபுறம் தங்களுக்குத்தான் கட்சியில் அதிகாரம் அதிகம் என்று கருதும் அந்த இரண்டு முக்கிய அமைச்சர்கள். இந்த மூன்று தரப்பிற்கும் இடையே நடக்கும் அதிகாரப் போட்டியால் கோட்டை வட்டாரமே தற்போது பரபரப்பில் ஆழ்ந்துள்ளது. முதலமைச்சருக்கு வர வேண்டிய உளவுத் தகவல்கள் மற்றவர்களின் கைகளுக்குச் செல்லும்போது, அரசின் பாதுகாப்பு முடிவுகளில் குழப்பம் ஏற்பட வாய்ப்புள்ளது. ஒரு மாநிலத்தை வழிநடத்தும் தலைவர், கள நிலவரங்களை நேரடியாகத் தெரிந்துகொண்டு முடிவெடுக்காமல் பிறரை மட்டுமே சார்ந்திருப்பது அரசு இயந்திரத்தின் வேகத்தைக் குறைக்கும் என்று அனுபவம் வாய்ந்த ஓய்வுபெற்ற அதிகாரிகள் கவலை தெரிவிக்கின்றனர். மக்களின் பெரும் எதிர்பார்ப்புகளுக்கு மத்தியில் பொறுப்பேற்றுள்ள இந்த அரசு, இந்த உட்கட்சி மற்றும் அதிகார மோதல்களை எப்படிச் சமாளித்து நிர்வாகத்தை ஒழுங்குபடுத்தப் போகிறது என்பதைப் பொறுத்திருந்துதான் பார்க்க வேண்டும்."வியூக வகுப்பாளரிடம் கொடுங்கள்!" - முதலமைச்சரின் உத்தரவு
களத்தில் குதித்த இரண்டு முக்கிய அமைச்சர்கள்
அதிகாரிகளின் எதிர்ப்பு: வெடிக்கும் ஈகோ மோதல்
பெண் குழந்தைகள் இயற்கையின் பேரழகு! பெண் பிறக்கும்போது ஆளுமையும் பிறக்கிறது! சிஎம் விஜய் நெகிழ்ச்சி!
நிர்வாகத்திற்கு ஏற்படும் சவால்கள்