பெங்களூர் டூ தூத்துக்குடிக்கு ஸ்பெஷல் ரயில்.. தீபாவளிக்கு ஊருக்கு போறவங்க நோட் பண்ணுங்க!

பெங்களூர் டூ தூத்துக்குடிக்கு சிறப்பு ரயில்

ஆனால் தீபாவளிக்கு இன்னும் ஒரு வாரமே இருப்பதாலும் கடைசி நேரத்தில் பஸ் மற்றும் ரயில்களில் டிக்கெட் கிடைக்காது என்பதலும் சிறப்பு பஸ்கள் மற்றும் சிறப்பு ரயில்கள் அறிவிப்பினை எதிர்பார்த்து காத்து இருக்கின்றனர். இந்தியன் ரயில்வே சார்பிலும் தீபாவளி பண்டிகைக்கு சிறப்பு ரயில்களை அறிவிப்பது வழக்கம்.

ரயிலில் பட்டாசு கொண்டு போறீங்களா? எத்தனை வருடம் ஜெயில் தெரியுமா? ரயில்வே எச்சரிக்கை

அந்த வகையில் தற்போது பெங்களூர் கன்டோன்மென்டில் இருந்து தூத்துக்குடிக்கு சிறப்பு ரயிலை தென்மேற்கு ரயில்வே அறிவித்துள்ளது. பெங்களூரில் தமிழர்கள் அதிகம் பேர் வசித்து வருகிறார்கள். ஐடி நிறுவனங்களிலும் ஏராளமானோர் தங்கி பணிபுரிந்து வருகிறார்கள். இவர்களின் வசதிக்காக தற்போது தென் மேற்கு ரயில்வே இந்த சிறப்பு ரயிலை அறிவித்துள்ளது. இது குறித்து வெளியிடப்பட்டுள்ள அறிவிப்பில் கூறப்பட்டிருப்பதாவது:-

எப்போது இயக்கப்படும்?

பெங்களூர் கன்டோன்மென்ட் - தூத்துக்குடி சிறப்பு ரயில் (வண்டி எண்: 06533) வரும் நவம்பர் 6 ஆம் தேதி இரவு 9.45 மணிக்கு பெங்களூரில் இருந்து புறப்பட்டு மறுநாள் மதியம் 12.30 மணிக்கு தூத்துக்குடியை வந்தடையும்.

நவம்பர் 1 முதல் சென்னை புறநகர் மின்சார ரயில் கால அட்டவணை மாற்றம்.. விவரங்கள்

இதே போன்று மறுமார்க்கத்தில், தூத்துக்குடி- பெங்களூர் கன்டோன்மென்ட் சிறப்பு ரயில் (06534) வரும் 7 ஆம் தேதி மதியம் 3.30 மணிக்கு தூத்துக்குடியில் இருந்து புறப்பட்டு மறுநாள் அதிகாலை 5.30 மணிக்கு பெங்களூர் சென்றடையும்.

நின்று செல்லும் இடங்கள்

இந்த இரு சிறப்பு ரயிலும் ஓசூர், தர்மபுரி, சேலம், நாமக்கல், கரூர், திண்டுக்கல், மதுரை, விருதுநகர், சாத்தூர், கோவில்பட்டி, தூத்துக்குடி மேலூர் ஆகிய ரயில் நிலையங்களில் நின்று செல்லும். என்று கூறப்பட்டுள்ளது.