சென்னை: தமிழ்நாடு சட்டமன்றத் தேர்தல் முடிந்து விஜய் முதலமைச்சராகப் பொறுப்பேற்று ஆறு மாதங்கள் நிறைவடைய உள்ள நிலையில், தலைமைச் செயலக வட்டாரங்களிலும் அரசியல் களத்திலும் பெரும் புயல் வீசத் தொடங்கியுள்ளது.
மே 13 அன்று சட்டசபையில் நடந்த நம்பிக்கை வாக்கெடுப்பில் முதலமைச்சர் விஜய் 144 எம்எல்ஏக்களின் ஆதரவோடு தனது பெரும்பான்மையை நிரூபித்துக் காட்டினார். சட்டமன்ற விதிமுறைகளின்படி, பெரும்பான்மையை நிரூபித்த ஒரு அரசு மீது அடுத்த 6 மாதங்களுக்கு எதிர்க்கட்சிகளால் நம்பிக்கையில்லாத் தீர்மானம் கொண்டுவர முடியாது.
அந்த ஆறு மாத கால அவகாசம் வரும் நவம்பர் 13-ஆம் தேதியோடு முடிகிறது. இதனால், நவம்பர் 13-க்குப் பிறகு விஜய் அரசை நிலைகுலைய வைக்க எதிர்க்கட்சிகள் தீவிரமாகத் திட்டமிட்டு வருவதாகவும், தவெக எம்.எல்.ஏ-க்களை வளைக்க ரகசிய வேலைகள் நடப்பதாகவும் ஆளும்கட்சி வட்டாரத்தில் கசிந்துள்ள தகவல்கள் பெரும் பரபரப்பை ஏற்படுத்தியுள்ளன.
நவம்பர் 13 நெருங்கி வருவதால் தவெக கூடாரத்தில் கடுமையான எச்சரிக்கை மணி ஒலிக்கத் தொடங்கியுள்ளது. இதுகுறித்து தவெகவின் முக்கிய நிர்வாகிகள் தரப்பில் இருந்து வெளியாகும் தகவல்கள் அதிர்ச்சியை ஏற்படுத்துகின்றன: நம்பிக்கை வாக்கெடுப்பு முடிந்து 6 மாதங்கள் வரை அடுத்த தீர்மானம் கொண்டுவர முடியாது என்பதே விதி. அந்த காலக்கெடு நவம்பர் 13-ல் முடிவடைகிறது. இதை மனதில் வைத்துக்கொண்டு, திமுகவின் முன்னாள் அமைச்சர்கள் அடங்கிய ஒரு தனி டீம் களத்தில் இறங்கி, மீண்டும் குதிரை பேரம் மூலம் எம்.எல்.ஏ-க்களை விலைக்கு வாங்க முயற்சி செய்கிறது என்பதே தவெகவின் அச்சம். உளவுத்துறை மூலம் தவெகவிற்கு கிடைத்துள்ள தகவல்களின்படி, சில குறிப்பிட்ட எம்.எல்.ஏ-க்களைத் தொடர்புகொண்டு கோடிக்கணக்கான ரூபாய் பணம் மற்றும் ஆசை வார்த்தைகள் பேசப்பட்டு வருகின்றன. ஆச்சரியம் என்னவென்றால், விஜய் அரசைக் கவிழ்க்க வேண்டும் என்பதற்காகப் பரம எதிரிகளான திமுகவும் அதிமுகவும் கைகோர்த்துக்கொண்டு இந்த ரகசிய வேலையைச் செய்கின்றன என்று தவெகவினர் கூறுகிறார்கள். எதிர்க்கட்சிகளின் இந்தத் திட்டத்தை முறியடிக்க தவெக தலைமை அதிரடி நடவடிக்கைகளில் இறங்கியுள்ளது. யார் யாரெல்லாம் எதிர்க்கட்சிகளின் தூண்டிலில் சிக்க வாய்ப்புள்ளது என்பதை ஆராய்ந்து, ஒரு குறிப்பிட்ட பட்டியலைத் தயாரித்து அவர்களைக் கண்காணித்து வருகிறது: கட்சியில் தங்களுக்கு உரிய முக்கியத்துவம், பதவிகள் கிடைக்கவில்லை என்று மனக்கசப்பில் இருக்கும் எம்.எல்.ஏ-க்கள். அதிமுக, திமுக உள்ளிட்ட பிற கட்சிகளில் இருந்து தேர்தல் நேரத்தில் தவெகவுக்குத் தாவி சீட் பெற்று வென்றவர்கள். ஆட்சிக்கு வந்தும் பணம் சம்பாதிக்க முடியவில்லை, எந்தச் சலுகைகளும் கிடைக்கவில்லை என்று அதிருப்தியில் முணுமுணுக்கும் உறுப்பினர்கள். இந்த மூன்று பிரிவுகளைச் சேர்ந்த சட்டமன்ற உறுப்பினர்களைத் தொடர்ந்து கட்சித் தலைமையும் மூத்த நிர்வாகிகளும் நேரடியாகத் தொடர்புகொண்டு பேசி வருகின்றனர். யாராவது உங்களிடம் பேரம் பேசினாலோ, ஆட்சிக்கு எதிராக வலைவீசினாலோ உடனடியாக எங்களுக்கு மெசேஜ் அனுப்ப வேண்டும் அல்லது மாவட்ட செயலாளருக்கு தெரியப்படுத்த வேண்டும், என்று அனைத்து சட்டமன்ற உறுப்பினர்களுக்கும் திட்டவட்டமான எச்சரிக்கை விடுக்கப்பட்டுள்ளது. தமிழ்நாடு சட்டமன்றத்தின் மொத்த பலம் 234. இதில் ஆட்சி நீடிக்கத் தேவைப்படும் குறைந்தபட்ச மேஜிக் நம்பர் 118 ஆகும். தவெக தனித்து 109 இடங்களைக் கொண்டுள்ளது (இடைத்தேர்தல் வெற்றிகளுக்குப் பிறகு). விஜய் அரசைக் கவிழ்க்க வேண்டுமென்றால், திமுக மற்றும் அதிமுக இரண்டு கட்சிகளும் ஒன்றாக இணைந்து வாக்களிக்க வேண்டும். அத்துடன், தவெக அல்லது அதன் கூட்டணிக் கட்சிகளில் இருந்து குறைந்தபட்சம் 25 முதல் 30 எம்.எல்.ஏ-க்களைத் தங்கள் பக்கம் இழுக்க வேண்டும். ஆனால் கட்சித் தாவல் தடைச் சட்டம் நடைமுறையில் இருக்கும்போது, இவ்வளவு பெரிய எண்ணிக்கையிலான எம்.எல்.ஏ-க்கள் கட்சி மாறுவது அவ்வளவு எளிதல்ல.. அப்படி மீறினால் அவர்களது எம்.எல்.ஏ பதவியே பறிபோகும் அபாயம் உள்ளது. தவெக நிர்வாகிகள் தரப்பில் பதற்றம் நிலவினாலும், தலைமை இந்த விவகாரத்தில் மிகவும் உறுதியாக இருப்பதாகக் கூறப்படுகிறது. "திமுக, அதிமுக ஆகிய இரண்டு கட்சிகளும் என்ன சதி செய்தாலும், உலகமே தலைகீழாக மாறினாலும் சரி, மக்களால் தேர்ந்தெடுக்கப்பட்ட விஜய் அரசை யாராலும் ஒரு துளி கூட அசைக்க முடியாது. எங்கள் பின்னால் மக்கள் சக்தி இருக்கிறது. எம்.எல்.ஏ-க்களை விலைக்கு வாங்கி மக்களாட்சியை வீழ்த்த நினைத்தால் அது அந்த கட்சிகளுக்கே மரண அடியாக முடியும்" என்று தவெக தரப்பு சவால் விடுக்கிறது. நவம்பர் 13-ஆம் தேதிக்குப் பிறகு சட்டமன்றத்தில் எந்த நேரத்திலும் எதிர்க்கட்சிகள் தங்களது ஆட்டத்தைத் தொடங்கலாம் என்பதால், தமிழக அரசியல் களம் அடுத்த சில வாரங்களுக்கு அனல் பறக்கும் மோதல்களுக்குத் தயாராகி வருகிறது.முன்னாள் அமைச்சர்கள் தலைமையில் ரகசிய டீலிங்: தவெகவினர் வெளிப்படை குற்றச்சாட்டு
தவெக கண்காணிப்பில் உள்ள 3 வகை எம்எல்ஏக்கள் யார் யார்?
“திமுக இனி 10 தொகுதிகளில் கூட ஜெயிக்க முடியாது”.. அடித்துச் சொன்ன தவெக அமைச்சர் நிர்மல் குமார்
சட்டமன்றக் கணக்கு: விஜய் ஆட்சிக்கு நிஜமாகவே ஆபத்தா?
தனிப் பெரும்பான்மைக்கு இன்னும் 9 எம்.எல்.ஏ-க்கள் குறைவாக உள்ளனர்.
ஆனால் காங்கிரஸ், இடதுசாரிகள் மற்றும் பிற தோழமைக் கட்சிகள் விஜய்க்கு ஆதரவு அளித்து வருகின்றன.1500 கிலோ ரேஷன் அரிசி கடத்தல்! தடுக்க முயன்ற கம்பம் தவெக எம்எல்ஏவை கார் ஏற்றி கொல்ல முயற்சி!
"உலகமே தலைகீழாக மாறினாலும் அரசை அசைக்க முடியாது"