உட்கட்சி தேர்தலுக்கு முன்.. 110 மாவட்ட பொறுப்பாளர்களை நியமிக்க திட்டம்.. ஸ்டாலின் எடுத்த முடிவு?

இந்த நிலையில் மறுசீரமைப்பு குழுவினர் எதிர்க்கட்சித் தலைவர் உதயநிதி ஸ்டாலினை சந்தித்து இன்று ஆலோசனை நடத்தினர். இந்த ஆலோசனைக்கு பின், உட்கட்சித் தேர்தலுக்கு முன்பாக 110 மாவட்ட பொறுப்பாளர்களை நியமிக்க திமுக தலைமை முடிவு செய்துள்ளதாக தகவல் கிடைத்திருக்கிறது. 3 நாட்களுக்குள் ஒன்றியம், வட்டம், பேரூர், பகுதி பிரித்து திமுக தலைமைக்கு சமர்ப்பிக்க உத்தரவிடப்பட்டுள்ளது.

ஒருவேளை மறுசீரமைப்பு பணியில் தவறு இருக்கும் பட்சத்தில், ஆய்வை கட்சி சார்பற்ற குழுவிடம் ஒப்படைக்க முடிவு செய்யப்பட்டுள்ளது. அதேபோல் திமுக செயற்குழுவில் மாவட்டச் செயலாளர்களுக்கான வயது உச்ச வரம்பை 75ஆக அதிகரிக்க பலரும் வேண்டுகோள் விடுத்திருக்கின்றனர். இது திமுக தலைமையிடம் கொண்டு செல்லப்பட்டுள்ளது.

ஆனால் மாவட்டச் செயலாளர்களின் வயது வரம்பை 75ஆக உயர்த்தும் பரிந்துரையை திமுக தலைமை நிராகரித்துள்ளது. ஏற்கனவே மறுசீரமைப்பு குழுவினர் உடன் ஸ்டாலின் மற்றும் உதயநிதி ஸ்டாலின் ஆகியோர் ஆலோசனையை நடத்தி முடித்திருக்கின்றனர். இதனால் அடுத்தக் கட்டமாக மாவட்டந்தோறும் பொறுப்பாளர்கள் நியமனம் நடக்கும் என்று பார்க்கப்படுகிறது.

அடுத்ததாக 5 தொகுதிகளுக்கான இடைத்தேர்தல் நடக்கவுள்ள சூழலில், அதற்குள் மறுசீரமைப்பு பணிகளை துரிதப்படுத்த திமுக தலைமை தயாராகி வருகிறது. இருப்பினும் திமுக உட்கட்சித் தேர்தல் உள்ளாட்சித் தேர்தலுக்கு முன்பாக நடந்துவிடும் என்றும் கருதப்படுகிறது. சீனியர்கள் இன்னும் சில மாற்றங்கள் செய்ய வேண்டும் என்று கோரிக்கை வைத்தாலும், வயது வரம்பில் ஸ்டாலின் பிடிவாதமாக இருப்பதாகவும் கூறப்படுகிறது.