சென்னை பெரிஃபெரல் ரிங் ரோடு.. ₹12,301 கோடியில் உருவாகும் புதிய எக்ஸ்பிரஸ்வே.. இதை பாருங்க!

தமிழ்நாடு சாலை மேம்பாட்டு நிறுவனம் மூலம் மேற்கொள்ளப்படும் இந்த 132.87 கிலோமீட்டர் நீளமுள்ள, 6 வழி விரைவுச்சாலை, சென்னை நகரத்தைச் சுற்றியுள்ள 4-வது வெளிவட்டச் சாலையாக அமையவுள்ளது.

மணிக்கு 120 கி.மீ வேகத்தில் வாகனங்கள் செல்லும் வகையில் வடிவமைக்கப்பட்டுள்ள இந்த விரைவுச்சாலை, மொத்தம் 10 வழிகளைக் கொண்டது. இதில் முதன்மை விரைவுப் பயணத்திற்கு 6 வழிகளும், உள்ளூர்வாசிகளின் பாதுகாப்பான போக்குவரத்திற்கு இருபுறமும் தலா 2 வழிகள் கொண்ட சேவைச் சாலைகளும்அமைக்கப்படுகின்றன.

5 முக்கிய கட்டங்களாகப் பிரிக்கப்பட்ட பாதை

வடக்கில் எண்ணூர் காமராஜர் துறைமுகத்தில் தொடங்கி தெற்கில் கிழக்குக் கடற்கரைச் சாலையில் (ECR) உள்ள மாமல்லபுரம் வரை இந்த சென்னை வெளிவட்டச் சாலை நீள்கிறது. இத்திட்டம் ஐந்து செயல்பாட்டுப் பிரிவுகளாகப் பிரிக்கப்பட்டுப் பணிகள் மேற்கொள்ளப்படுகின்றன:

பிரிவு I: எண்ணூர் துறைமுகம் முதல் தேசிய நெடுஞ்சாலை 16-இல் உள்ள தச்சூர் வரை (25.40 கி.மீ)
பிரிவு II: தச்சூர் (NH 16) முதல் திருவள்ளூர் பைபாஸ் தொடக்கம் வரை (26.10 கி.மீ)
பிரிவு III: திருவள்ளூர் பைபாஸ் முதல் தேசிய நெடுஞ்சாலை 48-இல் உள்ள ஸ்ரீபெரும்புதூர் வரை (30.10 கி.மீ)
பிரிவு IV: ஸ்ரீபெரும்புதூர் (NH 48) முதல் தேசிய நெடுஞ்சாலை 45-இல் உள்ள சிங்கப்பெருமாள்கோவில் வரை (23.80 கி.மீ)
பிரிவு V: சிங்கப்பெருமாள்கோவில் (NH 45) முதல் மாமல்லபுரம் ECR வரை (27.47 கி.மீ)

துறைமுக இணைப்பு மற்றும் சரக்கு போக்குவரத்து மேம்பாடு

எண்ணூர் காமராஜர் துறைமுகம், காட்டுப்பள்ளி துறைமுகம் மற்றும் சென்னை துறைமுக வளாகங்களை சென்னையின் முக்கிய தொழிற்பேட்டைகளுடன் நேரடியாக இணைப்பதே இதன் பிரதான நோக்கமாகும். கனரகச் சரக்கு வாகனங்கள் சென்னை நகர எல்லைக்குள் நுழையாமல், இந்த வெளிவட்டச் சாலை வழியாக நேரடியாகத் துறைமுகங்களைச் சென்றடைய முடியும். இதனால் நகர்ப்புறப் போக்குவரத்து நெரிசல் கணிசமாகக் குறைவதுடன், சரக்கு வாகனங்களின் பயண நேரமும் பெருமளவில் மிச்சமாகும்.

தேசிய நெடுஞ்சாலைகளின் மெகா இணைப்பு

இப்பாதை தமிழகத்தின் பிரதான தேசிய நெடுஞ்சாலைகளை ஒன்றோடொன்று இணைக்கும் ஒரு மையப்புள்ளியாகச் செயல்படுகிறது:

NH 16 (சென்னை - கொல்கத்தா)
NH 48 (சென்னை - பெங்களூரு)
NH 716 (தச்சூர் - திருவள்ளூர்)
NH 32 / NH 45 (சென்னை - திருச்சி தென் மண்டலப் பாதை)
கிழக்குக் கடற்கரைச் சாலை (ECR) (மாமல்லபுரம் பகுதி)

மேலும், கட்டப்பட்டு வரும் பெங்களூர் - சென்னை விரைவுச்சாலை மற்றும் சித்தூர் - தச்சூர் விரைவுச்சாலைகளுடனும் இச்சாலை இணைக்கப்படுவதால், தென்னிந்தியா முழுமைக்குமான ஒரு தடையில்லா சரக்குப் போக்குவரத்து வலையமைப்பு உருவாகிறது. சென்னை பெரிஃபெரல் ரிங் ரோடு கட்டுமான பணிகள் வேகமாக நடைபெற்று வருகின்றன. இந்த பணிகளின் ட்ரான் காட்சிகளும் வெளியாகி உள்ளன.

காலநிலை மாற்றங்கள் மற்றும் பெருவெள்ளப் பெருக்குகளைத் தாங்கும் வகையில் அதிநவீன பொறியியல் தொழில்நுட்பத்துடன் CPRR வடிவமைக்கப்பட்டுள்ளது: