சென்னை: இன்ஸ்டாகிராமில் 13 லட்சத்துக்கும் அதிகமான ஃபாலோயர்களைக் கொண்டு, நிதி ஆலோசனைகள் மற்றும் முதலீட்டு உத்திகளை எளிமையாக விளக்கிவந்தவர் 27 வயதான வி.ஹரீஷ் ('Finance With Harish'). சென்னை கிழக்கு கடற்கரை சாலையில் உள்ள வாடகை வில்லாவில் அவர் தற்கொலை செய்து கொண்ட சம்பவம், சமூக வலைதளங்களில் பெரும் அதிர்வலைகளை ஏற்படுத்தியுள்ளது.
ஹரீஷின் தற்கொலைக்கு யூடியூபர் ஜேசன் சாமுவேல் வெளியிட்ட வீடியோ மற்றும் அதைத் தொடர்ந்து நடந்த ஆன்லைன் கேலி, மிரட்டல்களே காரணம் என்று ஹரீஷின் தந்தை குற்றம்சாட்டியுள்ளார். அதே நேரத்தில், "நான் செபி மற்றும் ஆம்ஃபி (AMFI) அனுமதி இல்லாததை மட்டுமே சுட்டிக்காட்டினேன்; இதில் தனிநபர் தாக்குதல் இல்லை" என்று ஜேசன் விளக்கம் அளித்துள்ளார்.
ஆனால், இந்த ஒட்டுமொத்த விவகாரத்தையும் மேலோட்டமாகப் பார்த்தால் ஒரு யூடியூப் மோதல் போலத் தெரிந்தாலும், இதன் பின்னணியில் பல ஆழமான சந்தேகங்களும், இதுவரை பேசப்படாத பல உண்மைகளும் எழுந்துள்ளன. ஹரீஷ் வெறும் சேமிப்பு மற்றும் தனிநபர் நிதி மேலாண்மையை மட்டுமே பேசவில்லை; சந்தையில் சில நிறுவனங்களின் பங்கு விலைகள் எப்படி செயற்கையாக உயர்த்தப்படுகின்றன, சில்லறை முதலீட்டாளர்கள் எப்போது விற்க வேண்டும் (Exit Strategy) என்பது குறித்தும் வெளிப்படையாகப் பேசி வந்தார். பங்குச் சந்தையில் உள்ள பெரிய திமிங்கலங்கள் மற்றும் உள்ளடி வேலைகளைச் செய்பவர்களின் (Insider Traders) பித்தலாட்டங்களை இவர் கேள்விக்குட்படுத்தியதால் திட்டமிட்டு குறிவைக்கப்பட்டாரா? ஒரு சாதாரண யூடியூப் விமர்சனத்தை முன்னிறுத்தி, அவருக்குப் பின்னால் இருந்த மறைமுக சக்திகள் இவரை மனதளவில் உடைக்க ஏவப்பட்டார்களா? கடந்த 15 நாட்களாக நிதி சார்ந்த இன்ப்ளூயன்சர்கள் மத்தியில் நிலவிவரும் கடுமையான அதிகாரப் போட்டிகள் மற்றும் ரகசியக் குழுக்களின் மோதல்கள் இவரை இந்த விபரீத முடிவுக்குத் தள்ளியதா? இப்படி பல்வேறு கேள்விகள் எழுந்துள்ளன. ஆனால், இவை அனைத்தையும் தாண்டி ஒரு மிகப்பெரிய தொழில்நுட்ப மற்றும் சட்டரீதியான பின்னணி இருக்கிறது. ஹரீஷின் இன்ஸ்டாகிராம் மற்றும் யூடியூப் பக்கங்கள் திடீரென காணாமல் போனதற்கு, மெட்டா நிறுவனம் பக்கத்தை நீக்கியதுதான் காரணம் என்று ஒரு தரப்பு கூறுகிறது. ஆனால், டிஜிட்டல் தளங்களை உன்னிப்பாக கவனிப்பவர்கள் வேறு ஒரு கோணத்தை முன்வைக்கின்றனர். ஹரீஷ் தனது பக்கங்களை பிறர் முடக்குவதற்கு முன்பாக, தானாகவே முன்வந்து நீக்கியிருக்க அதிக வாய்ப்புள்ளது என்பதுதான் அது. இதற்கு மிக முக்கியமான காரணம்: பங்குச் சந்தை கட்டுப்பாட்டு வாரியமான 'செபி' (SEBI) எடுத்து வரும் தீவிர நடவடிக்கை. சமூக வலைதளங்களில் உரிமம் இல்லாமல் பங்குச் சந்தை ஆலோசனைகள், டிரேடிங் டிப்ஸ்கள் வழங்கும் போலி நிதி ஆலோசகர்களை (Finfluencers) கட்டுப்படுத்த, செபி கடந்த சில மாதங்களாக **'சுதர்ஷன் AI'** என்ற நவீன செயற்கை நுண்ணறிவு தொழில்நுட்பத்தைப் பயன்படுத்தி வருகிறது. இந்த தொழில்நுட்பம் இணையத்தில் வலம் வரும் வீடியோக்கள், பதிவுகள், பரிந்துரைகளைத் தொடர்ந்து கண்காணித்து, உரிமம் பெறாத ஆலோசகர்களின் கணக்குகளை மிக எளிதாகக் கண்டறிந்து விடுகிறது. செபி ஒரு தனிநபரின் மீது நடவடிக்கை எடுக்கத் தொடங்கினால் பின்பற்றப்படும் நடைமுறைகள் மிகவும் கடுமையானவை: 1. உரிய உரிமம் இல்லாமல் நிதி ஆலோசனை வழங்குபவர்களுக்கு முறைப்படி நோட்டீஸ் அனுப்பப்படும். வட இந்தியாவில் பல முன்னணி நிதி இன்ப்ளூயன்சர்கள் ஏற்கனவே செபியின் இந்த கடுமையான நடவடிக்கைகளில் சிக்கி, பல கோடி ரூபாய் அபராதம் கட்டி வருகின்றனர். தமிழகத்திலும் பலர் தற்போது செபியின் நோட்டீஸ்களைப் பெற்றுள்ளனர்; இன்னும் பலர் வரிசையில் இருப்பதாகக் கூறப்படுகிறது. இந்தச் சூழலில், ஹரீஷின் பக்கங்கள் காணாமல் போனதற்கும், செபியின் இந்தத் தீவிர கண்காணிப்புக்கும் தொடர்பு இருக்க வாய்ப்புள்ளது. ஜேசன் சாமுவேல் வீடியோ வெளியிட்ட அதே நேரத்தில், செபியின் அழுத்தங்களும் சேர்ந்து வந்திருக்கலாம். ஜேசன் வீடியோ போட்டதால் மட்டுமே மொத்த பக்கமும் போனது என்று சொல்வது முழுமையான உண்மையாக இருக்க முடியாது. பக்கங்கள் முடக்கப்பட்ட பதற்றம், சட்டரீதியான சிக்கல்கள் குறித்த பயம், ஆன்லைன் விமர்சனங்கள் என அனைத்தும் சேர்ந்து அவரை ஒருவித கடுமையான மன உளைச்சலுக்கு ஆளாக்கியிருக்கலாம். ஹரீஷின் உயிரிழப்பு மிகவும் வேதனையான ஒன்று. ஒரு இளம் திறமையாளரின் இழப்பு யாராலும் ஈடுசெய்ய முடியாதது. எனினும், இந்த விவகாரத்தில் வெறும் தனிநபர் மோதலை மட்டுமே காரணமாகக் காட்டாமல், பின்னணியில் இருக்கும் சந்தைப் போட்டிகள், இன்ப்ளூயன்சர்கள் நெட்வொர்க் மற்றும் செபியின் சட்ட நடவடிக்கைகள் அனைத்தையும் காவல்துறை நேர்மையாக விசாரித்தால் மட்டுமே முழு உண்மையும் வெளிவரும். பின்குறிப்பு: மன அழுத்தம் அல்லது தற்கொலை எண்ணம் தோன்றினால் தயங்காமல் உதவி பெறுங்கள்: சினேகா தற்கொலை தடுப்பு உதவி எண் - 044-24640050; மத்திய அரசின் டெலி-மானாஸ் இலவச உதவி எண் - 14416)*நிஜமாகவே நடந்தது என்ன? சந்தை மாஃபியாக்களின் சதியா?
பக்கங்கள் முடக்கப்பட்டதா? அல்லது அவரே நீக்கினாரா?
'சுதர்ஷன் AI' (Sudarshan AI) மற்றும் செபியின் அதிரடி
2. நோட்டீஸ் கிடைத்த குறிப்பிட்ட காலத்திற்குள், அவர்கள் சமூக வலைதளங்களில் வெளியிட்ட சர்ச்சைக்குரிய வீடியோக்களையும் பக்கங்களையும் நீக்க வேண்டும்.
3. அதைத் தொடர்ந்து விரிவான விசாரணை தொடங்கும். சம்பந்தப்பட்ட நபர் தனது பான் கார்டு, வங்கி விவரங்கள் மற்றும் குடும்பத்தினரின் பணப் பரிவர்த்தனை கணக்குகளைச் சமர்ப்பிக்க வேண்டும்.
4. கணக்குகளில் சந்தேகத்திற்கிடமான பணப் பரிமாற்றங்கள் இருந்தால், வங்கி கணக்குகள் உடனடியாக முடக்கப்படும்.
5. முழுமையான விசாரணைக்குப் பின், சட்டவிரோதமாக ஈட்டிய தொகைக்கு ஏற்ப அபராதம் விதிக்கப்படும். அபராதத்தைச் செலுத்திய பிறகே வங்கி கணக்குகள் மீண்டும் செயல்பட அனுமதிக்கப்படும்.என்ன நடந்தது?