சென்னை: தமிழ்நாடு சட்டமன்றம் என்றாலே ஒரு தனித்துவமான நடைமுறை, பாரம்பரியமான வார்த்தைப் பிரயோகங்கள், அரை நூற்றாண்டு காலத்திற்கும் மேலாகக் கடைப்பிடிக்கப்பட்டு வரும் ஒரு 'அவை நாகரிகம்' (Decorum) தான் சட்டென நினைவுக்கு வரும். ஆனால், இன்று ஆளுநர் உரைக்கு நன்றி தெரிவிக்கும் தீர்மானத்தில் முதல்வர் விஜய் ஆற்றிய உரை, கடந்த 50 ஆண்டுகால சட்டசபை மரபுகளை முற்றிலும் உடைத்தெறிந்து, அவரது சினிமா 'ஆடியோ லான்ச்' (Audio Launch) மேடையைப் போல அவையை அதிர வைத்திருக்கிறது.
முறையான அரசியல் தமிழ், கோப்பு வாசிப்பு என இல்லாமல், முற்றிலும் லோக்கல் மற்றும் பேச்சுவழக்குத் தமிழில் (Colloquial speech) விஜய் இறங்கி அடித்த விதம், கோட்டையை ஒரு சினிமா தியேட்டர் போல மாற்றிக் காட்டியுள்ளது.
'இது ரீல் இல்ல ரியல்' - ஆடியோ லான்ச் பாணி குட்டி ஸ்டோரி!
பொதுவாகத் தனது படங்களின் ஆடியோ வெளியீட்டு விழாக்களில், தனக்கு வரும் விமர்சனங்களுக்குக் குட்டி ஸ்டோரி மூலமும், பஞ்ச் வசனங்கள் மூலமும் பதிலடி கொடுப்பது விஜய்யின் ஸ்டைல். இன்று அதே பாணியை சட்டசபைக்குள் கொண்டு வந்தார் முதல்வர்.
தனக்கு எதிராக எதிர்க்கட்சிகள் வைக்கும் விமர்சனங்களுக்குப் பதிலளித்த அவர், "எதிர்த்துப் பேசினால்தான் தாங்கள் எதிர்க்கட்சி என்பதை நிரூபிக்க முடியும் என்று நினைச்சுப் பேசிய எதிர்க்கட்சியினருக்கு என் முதற்கண் நன்றி! சிலர் நான் ஏதோ ஷூட்டிங்ல இருந்து நேரா வந்து சிஎம் ஆன மாதிரி ஒரு இமேஜை கிரியேட் பண்றாங்க.. அது வெறும் ரீல் தான், ரியல் கிடையாது பாஸ்!" என அக்மார்க் சினிமா பாணியில் பேசத் தொடங்கினார். தொடர்ந்து பேசிய அவர், "அரசியல் பேசினதால என் படங்கள் சந்தித்த, இப்போதும் சந்திக்கிற பிரச்சினை எல்லாருக்கும் தெரிஞ்சதுதான். 1990-களிலேயே ரசிகர் மன்றமா இருந்தப்பவே மக்களுக்குத் துணையா நின்னவங்க நாங்க" என்று பிளாஷ்பேக் மோடிற்குள் சென்று அவையைத் தன் கட்டுப்பாட்டுக்குள் கொண்டு வந்தார். திமுகவின் கடந்த கால ஆட்சியை 'டாஸ்மாக் பார்ட்டி ஃபண்ட்' என்று விஜய் விமர்சித்தபோது, திமுக உறுப்பினர்கள் ஒட்டுமொத்தமாகப் பாய்ந்து அமளியில் ஈடுபட்டனர். அப்போதுதான் அவையே அதிரும் அந்த க்ளைமாக்ஸ் காட்சி அரங்கேறியது. இதுவரை விஜய் எழுதி வைத்த குறிப்புகளைப் பார்த்துப் பேசுவதையே சட்டமன்றம் பழகியிருந்தது. ஆனால், இன்று முதல்முறையாகத் தன் கையில் இருந்த ஸ்கிரிப்ட்டை ஓரமாகத் தூக்கிப் போட்டுவிட்டு, ஆவேசமாக 'ஆஃப்-ஸ்கிரிப்ட்' (Off-script) மோடுக்கு மாறினார் விஜய். இருக்கையை விட்டு வேட்டியை மடித்துக் கட்டாத குறையாக எழுந்து நின்று, ஆள்காட்டி விரலை நீட்டி, "மக்கள் பணத்தை ஒரு பைசா கூட நாங்க தொட மாட்டோம்.. மக்கள் பணத்தை யாரும் தொடவும் விட மாட்டோம்.. அப்படித் தொட்டவர்களையும் சும்மா விட மாட்டோம்! இந்த டாஸ்மாக், பார்ட்டி ஃபண்ட்-னு மக்கள் காசைத் தொட்ட எவனையும் விட மாட்டேன்!" என்று தியேட்டர் கைதட்டல் வாங்கும் மாஸ் ஹீரோ போல எகிறி அடித்தார். திமுகவினர் அவையில் கூச்சலிட, அவர்களுக்கு லோக்கல் ஸ்லாங்கில் கவுண்டர் கொடுத்த விஜய், "சட்டசபைக்குள்ள வந்து சிலர் பேசுற இந்த 'சோபா மாடல்' என்னன்னு புரிஞ்சுக்கவே எனக்கு ரொம்ப நாள் ஆச்சு. இந்த சோபா, டேபிள் செட் வியாபாரத்தை எல்லாம் வெளில போய் பாருங்க, இங்க வேணாம்!" என்று நக்கலாகக் கையை அசைத்துப் பேசியது, அவையின் டெகோரத்தையே டோட்டலாக மாற்றியது. இதைக் கேட்டுத் தவெக அமைச்சர்களும், எம்.எல்.ஏ-க்களும் மேஜையைத் தட்டி ஆரவாரம் செய்ய, திமுகவினர் ஒருமையில் பேசுவதாக அமைச்சர் ராஜ்மோகன் சபாநாயகர் ஜே.சி.டி பிரபாகரனிடம் முறையிட்டார். அரசியல் ரீதியான விவாதக் களமாக இருக்கும் சட்டமன்றத்தை, பக்கா மாஸ் ஆடியோ லான்ச் அதிரடி மேடையாக மாற்றி, தனது பேச்சின் மூலம் ஒட்டுமொத்த அவையின் 'டோனையே' தன்வசப்படுத்தியுள்ளார் முதல்வர் விஜய்!வரலாற்றில் முதல்முறை: ஸ்கிரிப்ட்டைக் கிழித்துப் போட்ட 'ஆஃப்-ஸ்கிரிப்ட்' பாய்ச்சல்!
"சோபா வியாபாரத்தை வெளிய வெச்சுக்கோங்க!" - தெறித்த கவுண்டர்கள்!