சென்னை: சென்னை உயர் நீதிமன்ற மதுரை கிளையின் உத்தரவைத் தொடர்ந்து, தமிழ்நாடு லஞ்ச ஒழிப்பு மற்றும் கண்காணிப்பு இயக்ககத்திற்கு (முழுநேர இயக்குநரை நியமிக்கவும், அமைப்பை மறுசீரமைக்கவும் மாநில அரசு தீவிர நடவடிக்கைகளில் இறங்கியுள்ளது.
கடந்த சில காலமாக லஞ்ச ஒழிப்புத் துறையின் தலைமைப் பொறுப்பில் ஏற்பட்ட மாற்றங்கள் மற்றும் நிர்வாகச் சிக்கல்களுக்கு இடையில் நீதிமன்றத்தின் தலையீடு முக்கியத்துவம் பெற்றுள்ளது.
சீர்திருத்தங்களை வலியுறுத்தும் நீதிமன்றத் தலையீடு
ரேஷன் அரிசி கடத்தல் தொடர்பான வழக்கின் விசாரணையின் போது, உயர் நீதிமன்ற மதுரை கிளை நீதிபதி, லஞ்ச ஒழிப்புத் துறையின் செயல்பாடுகளில் காணப்படும் கட்டமைப்பு ரீதியான குறைபாடுகள், புலனாய்வுத் தாமதங்கள் மற்றும் தற்காலிகத் தலைமைப் பொறுப்புகள் குறித்துத் தனது கடுமையான கவலையைத் தெரிவித்தார்.
அமைப்பின் நிர்வாகச் சீர்திருத்தத்தை உறுதி செய்யும் பொருட்டு, தலைமைச் செயலாளர் தலைமையில் 4 வாரங்களுக்குள் 4 உறுப்பினர்களைக் கொண்ட உயர்மட்டக் குழுவை அமைக்குமாறு நீதிமன்றம் அரசுக்கு உத்தரவிட்டுள்ளது. இக்குழு லஞ்ச ஒழிப்புத்துறையின் ஒட்டுமொத்த செயல்பாடுகள் குறித்து முழுமையான ஆய்வு செய்யவுள்ளது. அடிக்கடி நிகழும் நிர்வாகத் தடைகளைத் தவிர்க்கும் வகையில் லஞ்ச ஒழிப்புத் துறைக்கு நிலையான, தலைமையை உருவாக்குதல். தடயவியல் ஆய்வகங்கள், நவீனத் தொழில்நுட்ப ஒருங்கிணைப்பு மற்றும் புலனாய்வுக் கட்டமைப்பை மேம்படுத்துதல். அரசுத் துறைகளில் ஊழலை ஆரம்பக் கட்டத்திலேயே தடுப்பதற்கான உள்கட்டமைப்பை வலுப்படுத்துதல் உள்ளிட்ட பரிந்துரைகள் செய்யப்பட்டு உள்ளன. குறிப்பாக, லஞ்ச ஒழிப்பு போன்ற முக்கியத் துறையின் இயக்குனர் தற்காலிக அல்லது கூடுதல் பொறுப்பில் செயல்படுவது அதன் செயல்பாட்டைப் பாதிக்கும் என்று சுட்டிக்காட்டிய உயர் நீதிமன்றம், உடனடியாக ஒரு முழுநேர இயக்குநரை நியமிக்க வேண்டும் எனத் திட்டவட்டமாக அறிவுறுத்தியுள்ளது. கடந்த சில மாதங்களாக லஞ்ச ஒழிப்புத் துறையின் தலைமைப் பொறுப்பில் நீடித்து வரும் நிலையற்ற தன்மையே இந்த நீதிமன்ற உத்தரவுக்கு பின்னணியாக அமைந்தது. லஞ்ச ஒழிப்புத் துறை இயக்குநராக நியமிக்கப்பட்ட மூத்த ஐபிஎஸ் அதிகாரி ஏ. அருண், பதவி ஏற்ற 50 நாட்களிலேயே அதிரடியாக மாற்றப்பட்டார். அவர் தமிழ்நாடு காவல் அகாடமிக்கு மாற்றப்பட்டதைத் தொடர்ந்து, சி. மகேஸ்வரி ஐபிஎஸ் அவர்களிடம் கூடுதல் பொறுப்பு ஒப்படைக்கப்பட்டது. முக்கியத்துவம் வாய்ந்த லஞ்ச ஒழிப்பு அமைப்பை கூடுதல் பொறுப்பின் கீழ் இயக்குவது, முக்கிய வழக்குகளின் விசாரணை வேகத்தையும் அதன் சுதந்திரமான செயல்பாட்டையும் பாதிக்கும் என சட்ட வல்லுநர்களும் ஊழல் எதிர்ப்பு ஆர்வலர்களும் சுட்டிக்காட்டி வந்தனர். நீதிமன்றம் கடுமையான கெடு விதித்துள்ள நிலையில், இரண்டு மூத்த தமிழ்நாடு கேடர் ஐபிஎஸ் அதிகாரிகளின் பெயர்களை அரசு தீவிரமாகப் பரிசீலித்து வருகிறது: வித்யா ஜெயந்த் குல்கர்னி, IPS 1998-ஆம் ஆண்டு தமிழ்நாடு கேடர் ஐபிஎஸ் அதிகாரியான வித்யா ஜெயந்த் குல்கர்னி, லஞ்ச ஒழிப்புத் துறையில் போதிய அனுபவம் கொண்டவர். இவர் ஏற்கனவே DVAC-இல் காவல்துறை ஐஜியாகப் பணியாற்றிய அனுபவம் பெற்றவர். பின்னர் மத்தியப் பணிக்குச் சென்று சிபிஐ இணை இயக்குநராகப் பணியாற்றினார். மத்தியப் பணி நிறைவடைந்து கடந்த மே 25 அன்று தமிழகப் பணிக்குத் திரும்பியுள்ளார். லஞ்ச ஒழிப்புத் துறையில் இவருக்கிருக்கும் முந்தைய அனுபவம் இவரை இயக்குநர் பதவிக்கான முதன்மைப் போட்டியாளராக மாற்றியுள்ளது. ஆனந்த் குமார் சோமானி, IPS தற்போது மத்தியப் பணியில் இருக்கும் மற்றொரு மூத்த ஐபிஎஸ் அதிகாரி ஆனந்த் குமார் சோமானி ஆவார். மதுரை மண்டல காவல் துணைத் தலைவராக சிறப்பாகப் பணியாற்றிய அனுபவம் கொண்ட இவர், 2015-ஆம் ஆண்டு குடியரசுத் தலைவரின் சிறந்த சேவைக்கான காவல் பதக்கத்தைப் பெற்றவர். சட்டம் ஒழுங்கு மற்றும் புலனாய்வுத் துறைகளில் இவரது திறமையான நிர்வாகத் திறன் இவரைப் பரிசீலனைப் பட்டியலில் முன்னணியில் நிறுத்தியுள்ளது. தற்போது தமிழ்நாடு பணிக்கு திரும்பி உள்ளார். இவர்கள் இருவரில் ஒருவரை விஜய் விஜிலென்ஸ் இயக்குனராக நியமிக்க வாய்ப்புகள் உள்ளன. முழுநேர இயக்குநரை நியமிப்பதுடன், தலைமைச் செயலாளர் தலைமையிலான குழுவின் பரிந்துரைகளின் அடிப்படையில் லஞ்ச ஒழிப்புத் துறையை நவீனமயமாக்கவும், பொதுமக்களுக்கான வெளிப்படைத் தன்மையை உறுதி செய்யவும் அரசு நடவடிக்கை எடுக்கவுள்ளது.இக்குழுவின் முக்கியக் கவனப் பகுதிகள்:
தலைமைப் பொறுப்புச் சிக்கல்
இயக்குநர் பதவிக்கு தீவிர பரிசீலனையில் உள்ள இரண்டு ஐபிஎஸ் அதிகாரிகள்