ஈசிஆர் சரவணன் தானா இது.. என்ன ஒரு ஆச்சரியமான மாற்றம்.. தவெக தலைமை அலுவலகத்தை பாருங்க

ஏனெனில், பனையூர் மற்றும் நீலாங்கரையிலிருந்து திருவான்மியூர் வரைக்கும் முதல்வரின் கண்ணில் படும்படியாக அவரை வாழ்த்திப் போஸ்டர்களையும் பேனர்களையும் வைத்து வந்தார். 'மக்களுக்கு இடையூறு செய்யும் வகையில் போஸ்டர்கள், பேனர்கள் வைக்கக்கூடாது' எனத் தலைமை உத்தரவிட்ட பிறகும் சரவணன் தொடர்ந்து செயல்பட்டதாகப் புகார்கள் எழுந்தன.

ஒருகட்டத்தில் போஸ்டர்கள், பேனர்கள் எல்லை மீறியதால், தவெகவினரே கொந்தளிக்கத் தொடங்கினர். அண்மையில் மதுராந்தகம், தாராபுரம் தொகுதிகளில் நடைபெற்ற இடைத்தேர்தல்களில் தவெக வென்றது. அந்த வெற்றிக் கொண்டாட்டம் தொடர்பாக ஈ.சி.ஆர். சரவணன் வைத்த பேனர்கள், போஸ்டர்கள் மற்றும் கொண்டாட்ட வீடியோக்கள் அவருக்கு எதிராகத் திரும்பின. சமூக வலைதளங்களில் தவெகவினர் ஈ.சி.ஆர். சரவணனை கடுமையாக விமர்சிக்கத் தொடங்கினர். தவெகவின் வெற்றிக் கொண்டாட்டம் எந்த அளவுக்கு வைரலானதோ, அதே அளவுக்கு ஈ.சி.ஆர். சரவணனும் கடுமையான விமர்சனங்களுக்கு உள்ளானார்.

தவெக ஆட்சியில்.. பெரும் வீழ்ச்சி.. இந்திய அளவில் 2-வது இடத்தை இழக்கும் தமிழ்நாடு? போச்சு!

இதையடுத்து, இனிமேல் போஸ்டர்கள், பேனர்கள் வைக்க மாட்டேன்; என் பெயரில் யாரும் இனி போஸ்டர்கள், பேனர்கள் வைக்காதீர்கள் என்று வேண்டுகோள் விடுத்து ஈ.சி.ஆர். சரவணன் வீடியோ ஒன்றை வெளியிட்டார். அதன்பிறகு நிலைமை மாறத் தொடங்கியுள்ளது. ஈ.சி.ஆர். சரவணனின் தொகுதியில் உள்ள பனையூரில்தான் தவெக தலைமை அலுவலகம் அமைந்துள்ளது. அங்கு முன்பெல்லாம் ஈ.சி.ஆர். சரவணனின் ஆதரவாளர்கள் ஒட்டிய போஸ்டர்களும் வைத்த பேனர்களும்தான் அதிகமாக இருந்தன.

ஆனால், இன்று பனையூரில் உள்ள தவெக அலுவலகத்தில் பேனர்களும் இல்லை; போஸ்டர்களும் இல்லை. 'நோட்டீஸ் ஒட்டாதீர்கள்' என்று சுவரில் எழுதப்பட்டிருந்தது. அதன் முன்பு ஈ.சி.ஆர். சரவணன் நின்று வீடியோவும் வெளியிட்டுள்ளார். இதைப் பார்த்த தவெகவினர், 'சபாஷ் சார்! நல்ல மாற்றம். இதையே மெயின்டெயின் பண்ணுங்க' என்று அவரைப் பாராட்டியுள்ளனர். அவருக்குப் பாராட்டுகளும் குவிந்து வருகின்றன.