மதுராந்தகம், தாராபுரம் இடைத்தேர்தல்.. எந்த தாக்கத்தையும் ஏற்படுத்தாத கம்யூனிஸ்ட்கள்!

அதே போல தாராபுரத்தில் 20 வது சுற்று முடிவுகளில் தவெக 40,078 வாக்குகள் பெற்று முன்னிலை வகிக்கிறது. இரண்டாவது இடத்தில் திமுக ( 50,075 வாக்குகளும்), அதிமுக 38,760 வாக்குகள் பெற்று 3-ஆம் இடத்திலும் உள்ளன. நாம் தமிழர் 4,787 வாக்குகள் பெற்றுள்ளது. இந்திய கம்யூனிஸ்ட் கட்சி 1,065 வாக்குகள் பெற்றுள்ளது.

நொந்து போச்சா திமுக? அதிமுக, கம்யூனிஸ்ட் ஆபீஸில் காலி சேர்கள்.. டக்னு பனையூர் வந்த பிரபலம் யாருங்க

இந்த முன்னிலை நிலவரம் 20-வது சுற்று அடிப்படையிலானது மட்டுமே. எனவே முன்னிலை நிலவரங்களில் அடுத்தடுத்த சுற்றுகளில் மாறவும் வாய்ப்பு உள்ளது. இருந்தாலும் தற்போதைய சுற்றுகளின் அடிப்படையில் வைத்து பார்க்கும் போது இரண்டு தொகுதிகளிலுமே கம்யூனிஸ்ட் கட்சிகள் பெரும் தாக்கத்தை ஏற்படுத்தவில்லை என்பது உறுதியாக தெரிகிறது. குறிப்பாக நாம் தமிழர் கட்சியின் வேட்பாளர்களை விட குறைவான வாக்குகளையே பெற்றுள்ளனர்.

கம்யூனிஸ்ட் கட்சி சார்பில் தாராபுரத்தில் லட்சுமணன் என்பவரும், மதுராந்தகத்தில் சுகந்தி என்பவரும் போட்டியிட்டனர். இடைத்தேர்தல் திணிக்கப்பட்ட இடைத்தேர்தல் என்பதால் இதில் தனித்து களம் இறங்குவதாக கம்யூனிஸ்ட் கட்சிகள் கூறியிருந்தன. தவெக அரசுக்கு வெளியில் இருந்து ஆதரவு அளித்து வரும் கம்யூனிஸ்ட் கட்சிகள், தவெக மீது தேர்தல் பிரசாரத்தில் கடுமையான குற்றச்சாட்டுகளை முன்வைத்தது.

வெறும் காகித புலிகள்.. தாராபுரம், மதுராந்தகத்தில் 1000 வாக்கு பெறவே திணறும் கம்யூனிஸ்ட் கட்சிகள்

தவெக குதிரை பேரத்தில் ஈடுபட்டதாகவும், சட்டம் ஒழுங்கு சரியில்லை. வெளிப்படைத்தன்மை இல்லை என்று கடுகையான குற்றசாட்டுகளை கம்யூனிஸ்ட் கட்சிகளின் தலைவர்கள் முன்வைத்து இருந்தனர். ஆனாலும் இது இடைத்தேர்தல் களத்தில் கம்யூனிஸ்ட் கட்சிகளுக்கு பெரிய அளவில் வாக்குகளை கவர முடியவில்லை என்பதே தற்போதைய முன்னணி நிலவரங்கள் காட்டுகின்றன.

கம்யூனிஸ்ட் கட்சிகள் ஓரளவு கணிசமான வாக்குகளை பெற்றால் அது ஆளும் தவெகவிற்கு பின்னடைவாக மாறக்கூடும், சொல்லப்போனால் தவெகவின் வெற்றியை தீர்மானிக்கும் இடத்தில் கம்யூனிஸ்ட்கள் இருக்கும் என பேசப்பட்ட நிலையில் மிக குறைந்த வாக்குகளையே பெற்றுள்ளது. டெப்பாசிட் கூட கிடைக்காது என்பதே தற்போதைய நிலவரம் காட்டுகிறது.