சென்னை: முதல்வர் விஜய் திட்டமிட்டிருந்த வெளிநாட்டுப் பயணம் தள்ளிப்போக வாய்ப்புள்ளதாக தலைமைச் செயலக வட்டாரங்கள் தெரிவிக்கின்றன. மலேசிய நாட்டின் பிரதமர் அன்வர் இப்ராஹிம் சென்னைக்கு வரவிருப்பதே இதற்குக் காரணம் என்று கூறப்படுகிறது.
திட்டமிடப்பட்ட லண்டன் பயணம்
தமிழகத்துக்குப் புதிய தொழில்களைக் கொண்டு வரவும், முதலீடுகளை ஈர்க்கவும் விஜய் வெளிநாடு செல்ல திட்டமிட்டிருந்தார். குறிப்பாக, இங்கிலாந்து தலைநகர் லண்டன் சென்று அங்குள்ள முன்னணி தொழில் நிறுவனங்களின் தலைவர்களைச் சந்தித்து பேச்சுவார்த்தை நடத்த ஏற்பாடுகள் தீவிரமாக நடந்து வந்தன. பல முக்கிய புரிந்துணர்வு ஒப்பந்தங்கள் கையெழுத்தாக உள்ளதாகவும் கூறப்பட்டது.
முதற்கட்ட தகவலின்படி, செப்டம்பர் 10 அல்லது 11-ம் தேதி முதலமைச்சர் விஜய் லண்டன் புறப்படுவார் என்று எதிர்பார்க்கப்பட்டது. தமிழக முதலமைச்சராகப் பொறுப்பேற்ற பிறகு அவர் மேற்கொள்ளும் முதல் வெளிநாட்டுப் பயணம் இது என்பதால், இதற்கான ஏற்பாடுகளை அரசு அதிகாரிகள் மிகத் தீவிரமாகச் செய்து வந்தனர். இந்தச் சூழலில், சர்வதேச அளவில் ஒரு முக்கிய நிகழ்வு குறுக்கிட்டுள்ளது. இந்தியாவில் நடைபெறும் பிரிக்ஸ் உச்சி மாநாட்டில் கலந்துகொள்வதற்காக மலேசியப் பிரதமர் அன்வர் இப்ராஹிம் படெல்லிக்கு வருகை தருகிறார். டெல்லி பயணத்தின் ஒரு பகுதியாக, செப்டம்பர் 13-ம் தேதி அவர் சென்னைக்கு வரத் திட்டமிட்டுள்ளார். மலேசியாவில் லட்சக்கணக்கான தமிழர்கள் வாழ்கிறார்கள் என்பதால், தமிழக அரசுடனும் தமிழ் மக்களுடனும் மலேசிய அரசு எப்போதும் நெருக்கமான உறவைக் கொண்டிருக்கிறது. இதன் காரணமாகவே சென்னைக்கு வந்து முதலமைச்சர் விஜய்யை நேரில் சந்தித்துப் பேச அவர் விருப்பம் தெரிவித்துள்ளார். வெளிநாட்டுப் பிரதமர் ஒருவர் தமிழகத்துக்கு வரும்போது, மாநிலத்தின் முதல்வர் என்ற முறையில் அவரை நேரில் வரவேற்று உபசரிப்பது நமது மரபாகும். மலேசியப் பிரதமர் வருகை தரும் அதே நேரத்தில் முதலமைச்சர் லண்டனில் இருந்தால், இந்தச் சந்திப்பு நடைபெறாமல் போய்விடும். இது தொடர்பாக ஆளுநர் தரப்பிலும் முதலமைச்சரிடம் பேசப்பட்டதாகவும், மலேசியப் பிரதமரை சென்னையில் சந்தித்துப் பேசுவது இரு நாடுகளுக்கும், குறிப்பாக உலகத் தமிழர்களுக்கும் பயனுள்ளதாக இருக்கும் என்பதால் லண்டன் பயணத்தை சில நாட்கள் தள்ளிவைக்கலாம் என்ற ஆலோசனை முன்வைக்கப்பட்டதாகவும் கூறப்படுகிறது. இந்தச் சந்திப்பு சென்னையில் உள்ள ஆளுநர் மாளிகையில் நடைபெற அதிக வாய்ப்புள்ளது. செப்டம்பர் 13-ம் தேதி மலேசியப் பிரதமருடன் நடக்கும் சந்திப்பை முடித்துக் கொண்டு, அதன் பிறகு முதலமைச்சர் விஜய் லண்டன் புறப்படலாம் என்று அதிகாரிகள் தரப்பில் பேசப்படுகிறது. இதனால் அவரது லண்டன் பயணம் ரத்தாகவில்லை; சில நாட்கள் மட்டுமே தள்ளிப்போக வாய்ப்புள்ளது. வெளிநாட்டுத் தலைவரின் வருகையை முன்னிட்டு புதிய பயணத் தேதிகள் இன்னும் அதிகாரப்பூர்வமாக அறிவிக்கப்படவில்லை. இதுகுறித்த முழுமையான விவரங்கள் மற்றும் அதிகாரப்பூர்வ அறிவிப்பு ஓரிரு நாட்களில் அரசு தரப்பிலிருந்து வெளியாகும் என்று எதிர்பார்க்கப்படுகிறது.திடீர் திருப்பம்: மலேசியப் பிரதமர் வருகை
பயணம் தள்ளிப்போக என்ன காரணம்?
அரசு வட்டாரங்கள் கூறுவது என்ன?