சென்னை மற்றும் தமிழ்நாட்டின் அடுத்தக்கட்ட வளர்ச்சிக்கு சென்னையில் 2வது பெரிய விமான நிலையம் அமைக்க வேண்டும் என திமுக அரசு திட்டமிட்டு பரந்தூர் பகுதியில் புதிய விமான நிலைய அமைக்க முடிவு செய்தது. இது இன்றைய வேகமாக வர்த்தகம் மற்றும் எதிர்கால வளர்ச்சிக்கு ஏற்றதாக இருக்கும் என கணித்து திட்டப்பணிகள் துவங்கப்பட்டது.
ஆனால் இத்திட்டத்தை விஜய் தலைமையிலான அரசு மறு ஆய்வு செய்வதாக அறிவித்துள்ளது, மேலும் தற்போது இப்பகுதியில் கைப்பற்றப்பட்ட 1700 ஏக்கர் நிலைத்தில் சிப்காட் தொழிற்பூங்கா அமைப்பது குறித்து ஆலோசனை செய்து வருவதாக தகவல் வெளியானது. இதைவிட பெரிய பிரச்சனை தற்போது ஆந்திர பிரதேசம் சந்திரபாபு நாயடு அரசு வாயிலாக வருகிறது.
ஆந்திரப் பிரதேச அரசு அம்மாநிலத்தில் 9 புதிய விமான நிலையங்களை கட்டவும், மேம்படுத்தவும் முடிவு செய்து இதற்காக 1 பில்லியன் டாலர் அளவிலான தொகையை ஒதுக்கியுள்ளது. இதில் ஒரு விமான நிலையும் ஓசூர் மற்றும் ஆந்திர பிரதேசத்தின் முக்கிய தொழிற் பகுதியாக இருக்கும் ஸ்ரீசிட்டி அருகில் குப்பம் பகுதியில் அமைக்க சந்திரபாபு நாயடு அரசு திட்டமிட்டுள்ளது. இந்த திட்டம் நடைமுறைக்கு வந்தால், தமிழ்நாட்டின் எதிர்கால வளர்ச்சிக்கான முக்கிய விமான நிலைய வாய்ப்பு முழுமையாக இழக்கப்படலாம் என்ற அச்சம் எழுந்துள்ளது. இந்தியாவின் மிகவும் நகர்மயமாக்கப்பட்ட மாநிலமான தமிழ்நாட்டில் மேம்படுத்தப்பட்ட மற்றும் பெரிய அளவிலான விமானப் போக்குவரத்து தேவை என்ற கருத்து தொடர்ந்து அதிகரித்து வரும் நிலையில், இந்த புதிய சிக்கல் திட்டத்தை விரைந்து முடிக்க வேண்டிய அவசியத்தை உருவாக்கியுள்ளது. ஆந்திரப் பிரதேச முதலமைச்சர் சந்திரபாபு நாயுடு தலைமையிலான அரசு, ஒசூர் மற்றும் ஸ்ரீ சிட்டி போன்ற பகுதிகளுக்கு அருகிலும், சென்னைக்கு வெறும் 3 மணிநேர பயண தூரத்தில் உள்ள குப்பம் பகுதியில் புதிய விமான நிலையத்தை உருவாக்க திட்டமிட்டுள்ளது. இந்த இடம் தமிழ்நாட்டின் பரந்தூர் திட்டத்துக்கும், ஓசூர் விமான நிலையத்திற்கும் நேரடி போட்டியாக அமையக்கூடியது. குப்பம் விமான நிலையம் உருவானால், சென்னை மற்றும் அதன் சுற்றுப்புற பகுதிகளில் இருந்து பயணிகள் எளிதாக அங்கு சென்று வர வாய்ப்பு ஏற்படும். இதனால் தமிழ்நாட்டில் பெரிய அளவிலான எதிர்கால விமான நிலையத் திட்டம் பாதிக்கப்படலாம் என்று கருதப்படுகிறது. இதற்கு ஓசூர் விமான நிலைய பிரச்சனை ஒரு முக்கிய பாடமாக உள்ளது. ஓசூர் பகுதியில் இருந்து பெங்களூருவின் கெம்பேகௌடா சர்வதேச விமான நிலையத்துக்கு இடையே உள்ள தொலைவு சுமார் 76 கிலோமீட்டர் முதல் 100 கிலோமீட்டர் வரை இருக்கிறது. இந்த குறுதிய இடைவெளி தான் ஓசூர் புதிய விமான நிலையம் கட்டுவதற்கு பெரிய தடை ஒன்று உள்ளது. பெங்களூரு விமான நிலைய நிறுவனத்துடன் மத்திய விமானப் போக்குவரத்து அமைச்சகம் செய்துள்ள ஒப்பந்தத்தின்படி, பெங்களூரு விமான நிலையத்துக்கு 150 கிலோமீட்டர் சுற்றளவுக்குள் புதிய அல்லது மேம்படுத்தப்பட்ட விமான நிலையம் அமைக்க முடியாது என்ற தடை உள்ளது. இந்த தடை காரணமாக ஓசூர் பகுதியில் எளிதாக விமான நிலையம் கட்ட முடியாத நிலை உருவாகியுள்ளது. இந்த நிலையில் பரந்தூர் மற்றும் குப்பம் இடையே சாலை வழியாக சுமார் 194 கிலோமீட்டர் தொலைவு உள்ளது. ஆனால் விமானப் பாதையில் இந்த தொலைவு குறைவாக இருக்கும். இதேபோல் ஓசூர் மற்றும் குப்பம் இடையே சாலை வழியாக வெறும் 87.5 கிலோமீட்டர் மட்டுமே உள்ளது. இதனால் குப்பம் விமான நிலையம் உருவானால், சென்னை பகுதி பயணிகளுக்கு அது மாற்று விருப்பமாக மாறலாம். தமிழ்நாட்டின் பரந்தூர் திட்டம் தாமதமானால், இந்த போட்டி தமிழ்நாட்டின் வாய்ப்பை முழுவதுமாக பாதிக்கக்கூடும். இந்தியாவில் விமானப் போக்குவரத்து வேகமாக வளர்ந்து வரும் நிலையில், இத்தகைய போட்டி தமிழ்நாட்டின் எதிர்கால வளர்ச்சியை பாதிக்கும் அபாயம் உள்ளது. இந்த நிலையில் பரந்தூர் விமான நிலையத் திட்டத்தை விரைந்து முடிக்க வேண்டிய அவசியம் ஏற்பட்டுள்ளது. இந்த திட்டத்தை 2031 ஆம் ஆண்டுக்குள் முடிக்க தமிழ்நாடு அரசு முயற்சி எடுக்க வேண்டும். இல்லையெனில், பெரிய அளவிலான எதிர்கால வளர்ச்சி வாய்ப்பு முழுவதுமாக இழக்கப்படலாம்.9 விமான நிலையங்கள்
ஆந்திர அரசின் குப்பம் விமான நிலையத் திட்டம்
ஓசூர் மற்றும் பெங்களூரு விமான நிலைய பிரச்சனை
பரந்தூர் மற்றும் குப்பத்துக்கு இடையேயான தொலைவு