ராமதாஸை நம்பி செலவு செய்தவர்கள் இப்போது நட்டாற்றில்.. அப்பா மகன் சேர்ந்த நிலையில் அருள் புலம்பல்!

அருள் பேட்டி

செய்தியாளர்கள் சந்திப்பில் முன்னாள் எம்.எல்.ஏ அருள் பேசுகையில், "அய்யா ராமதாஸும், அன்புமணி ராமதாஸும் கடந்த ஓராண்டுக்கு முன்பே இணைந்து செயல்பட்டிருந்தால், பாமகவினர் யாரும் இன்று கடனாளியாக மாறி நடுத்தெருவில் நின்றிருக்க மாட்டார்கள்.

இந்த இணக்கம் முன்பே நடந்திருந்தால், பாமகவிற்கு துணை முதல்வர் பதவியே கிடைத்திருக்கும். ஆனால், காலங்கடந்து இப்போது இணைந்துள்ளதால் தொண்டர்களுக்கும், நிர்வாகிகளுக்கும் எந்தப் பயனும் இல்லை.

கடனாளிகளாக நிற்கின்றனர்

அய்யா ராமதாஸை மட்டுமே நம்பி, கடந்த காலங்களில் பல கோடி ரூபாயைச் செலவு செய்த நிர்வாகிகளை இப்போது நட்டாற்றில் விட்டுவிட்டனர். அன்புமணி ராமதாஸை முன்பு கடுமையாக விமர்சித்துவிட்டு, இப்போது திடீரென தலைமைக்கு கட்டுப்படுவதை ஏற்க முடியாமல் மாவட்ட செயலாளர்களும், முக்கிய நிர்வாகிகளும் கடும் அதிருப்தியில் உள்ளனர்." எனத் தெரிவித்துள்ளார்.

2 நாட்களில் முடிவு

பாமகவில் இரு அணிகளாகச் செயல்பட்டு வந்த சூழலில், தற்போது ஏற்பட்டுள்ள இந்த திடீர் சமரசம் அடிமட்டத் தொண்டர்கள் மற்றும் மாவட்ட நிர்வாகிகளிடையே பெரும் குழப்பத்தை ஏற்படுத்தியுள்ளது.

இந்தக் கேள்விகளுக்கு விடை காணவே சேலத்தில் இந்த அவசர ஆலோசனை நடத்தப்பட்டுள்ளது. "எங்களின் அடுத்தகட்ட அரசியல் முடிவு என்ன என்பதை இன்னும் 2 நாட்களில் அதிகாரப்பூர்வமாக அறிவிப்போம்" என்று அருள் கூறியுள்ளதால், பாமகவில் பெரும் பிளவு ஏற்படுமா அல்லது சமரசம் ஏற்படுமா என்ற பரபரப்பு தொற்றிக்கொண்டுள்ளது.