திடீர் ட்விஸ்ட்.. அண்ணாமலையுடன் கைகோர்க்க போகும் ராகவா லாரன்ஸ்? நாளை அதிகாரப்பூர்வமாக அறிவிக்கிறார்?

அந்த பதிவில், தற்போது "பென்ஸ்" திரைப்படத்தின் படப்பிடிப்பில் மிகவும் பிஸியாக இருப்பதாகவும், படப்பிடிப்பு ஜூன் 10-ஆம் தேதி நிறைவடையும் என்றும் குறிப்பிட்டிருந்தார். மேலும், தனது தாயின் ஆசீர்வாதத்துடன் வாழ்க்கையில் மிகவும் முக்கியமான முடிவை எடுக்கவுள்ளதாகவும், அதுகுறித்த அறிவிப்பை ஜூன் 11-ஆம் தேதி காலை 9.30 மணிக்கு வெளியிடுவதாகவும் தெரிவித்திருந்தார்.

இந்த அறிவிப்பு அரசியல் தொடர்பானதா என்ற கேள்வி உடனடியாக எழுந்தது. ஏனெனில், அவர் தனது அரசியல் பயணம் குறித்த தகவல்களை மறுக்காமல், குறிப்பிட்ட நாளில் முக்கிய அறிவிப்பு வெளியாகும் என்று கூறியிருந்தார். இதனால் அவர் அரசியலில் களமிறங்க முடிவு செய்துவிட்டாரா என்ற எதிர்பார்ப்பு அதிகரித்தது.

ராகவா லாரன்ஸ்

தமிழகத்தில் நடிகர்களின் அரசியல் பயணம் புதிய விஷயமல்ல. மறைந்த முன்னாள் முதலமைச்சர் எம்.ஜி.ஆர் திரைப்படத்திலிருந்து அரசியலுக்கு வந்து மிகப்பெரிய வெற்றியை பெற்றார். அதன்பின்னர் பல நடிகர்கள் அரசியலில் களம் கண்டாலும், சமீபத்தில் நடிகர் விஜய் தனது தமிழக வெற்றிக் கழகத்தின் மூலம் முதல் தேர்தலிலேயே ஆட்சியை பிடித்து அரசியல் வரலாற்றில் முக்கிய இடத்தைப் பிடித்துள்ளார்.

அண்ணாமலை

விஜய்யின் இந்த வெற்றி, புதிய தலைமுறை அரசியல் தலைவர்களுக்கு ஊக்கமாக மாறியுள்ளதாக அரசியல் விமர்சகர்கள் கருதுகின்றனர். அதேபோல், பாஜக மாநில தலைவராக இருந்த அண்ணாமலையும் கட்சியில் இருந்து விலகி, "வி தி லீடர்" என்ற மக்கள் இயக்கத்தை தொடங்கி புதிய அரசியல் கட்சியை உருவாக்கும் முயற்சியில் ஈடுபட்டுள்ளார். அண்ணாமலையின் புதிய அரசியல் பயணத்துக்கு பல்வேறு தரப்பினரும் ஆதரவு தெரிவித்து வரும் நிலையில், அவரது இயக்கத்தில் சமூக ஆர்வலர்கள், இளைஞர்கள் மற்றும் சில முன்னாள் அரசியல் நிர்வாகிகள் இணைந்து வருகின்றனர்.

விஜய்

இந்த சூழலில் ராகவா லாரன்ஸும் அந்த இயக்கத்தில் இணையக்கூடும் என்ற தகவல் வெளியாகியுள்ளது.
அரசியல் வட்டாரங்களில் பரவி வரும் தகவல்களின்படி, விஜய் மற்றும் அண்ணாமலை ஆகிய இருவரில் ஒருவருடன் ராகவா லாரன்ஸ் கைகோர்க்க வாய்ப்பு இருப்பதாக கடந்த சில வாரங்களாக பேசப்பட்டு வந்தது. ஆனால் தற்போது வெளியாகியுள்ள தகவல்களின்படி, அண்ணாமலை தொடங்கவுள்ள புதிய கட்சியில் ராகவா லாரன்ஸ் இணைய முடிவு செய்திருப்பதாக கூறப்படுகிறது.

அரசியல் பிரவேசம்

ராகவா லாரன்ஸ் ஏற்கனவே சமூக சேவை நடவடிக்கைகள் மூலம் மக்களிடம் தனித்துவமான இடத்தை பெற்றுள்ளார். மாற்றுத்திறனாளிகள், ஏழை மாணவர்கள் மற்றும் மருத்துவ உதவிகள் தொடர்பாக பல்வேறு சேவை திட்டங்களை தொடர்ந்து செயல்படுத்தி வருகிறார். இதனால், அவர் அரசியலுக்கு வந்தால் சமூக சேவை அனுபவத்தை அரசியல் தளத்திலும் பயன்படுத்துவார் என்ற எதிர்பார்ப்பு அவரது ஆதரவாளர்கள் மத்தியில் காணப்படுகிறது.

நாளைய அறிவிப்பு

எனினும், இதுவரை ராகவா லாரன்ஸ் தரப்பிலோ அல்லது அண்ணாமலை தரப்பிலோ அதிகாரப்பூர்வ அறிவிப்பு வெளியாகவில்லை. எனவே, நாளை காலை வெளியாகவுள்ள ராகவா லாரன்ஸின் அறிவிப்பே இந்த விவகாரத்தில் இறுதி தெளிவை ஏற்படுத்தும் என அரசியல் பார்வையாளர்கள் கருதுகின்றனர். அண்ணாமலையின் புதிய அரசியல் கட்சியில் உண்மையிலேயே ராகவா லாரன்ஸ் இணையப்போகிறாரா? அல்லது தவெகவில் இணையப் போகிறாரா? என்பது நாளைய அறிவிப்புக்கு பிறகு தெரிந்து விடும்.