சென்னை: போயஸ் கார்டன் இல்லத்தில் சூப்பர்ஸ்டார் ரஜினிகாந்த் செய்தியாளர்களைச் சந்தித்து, தமிழக அரசியல் சூழல் குறித்தும், மு.க.ஸ்டாலின் சந்திப்பு குறித்தும் அதிரடியான விளக்கங்களை அளித்து இரண்டு நாட்கள் நிறைவடைந்துள்ளன. ஆனால், இந்த பிரஸ்மீட் ஏற்படுத்திய அரசியல் அதிர்வலைகள் இன்னும் அடங்கவில்லை. குறிப்பாக, கடந்த 48 மணி நேரமாக சமூக வலைத்தளங்களில் ரஜினிகாந்திற்கு எதிராக அரங்கேறி வரும் திட்டமிட்ட சைபர் தாக்குதல்கள் தமிழக டிஜிட்டல் அரசியல் களத்தில் பெரும் விவாதத்தைக் கிளப்பியுள்ளது.
ரஜினிகாந்தின் பிரஸ்மீட் வெளியான சில மணி நேரங்களிலிருந்தே எக்ஸ் (X) தளம், இன்ஸ்டாகிராம் மற்றும் யூடியூப் கமெண்ட் செக்ஷன்களில் ரஜினிக்கு எதிரான தடித்த வார்த்தைகளுடனான கமெண்ட்டுகள் குவியத் தொடங்கின. கடந்த இரண்டு நாட்களாக நள்ளிரவு மற்றும் அதிகாலை 3 மணி போன்ற அசாதாரண நேரங்களிலும் கூட, ஒவ்வொரு நிமிடமும் (Every 1 Minute) ரஜினிக்கு எதிராகத் திட்டமிட்ட நெகட்டிவ் கமெண்ட்டுகள் பதிவிடப்பட்டு வருகின்றன. டிஜிட்டல் ஊடக வல்லுநர்கள் இதை உற்றுநோக்கும்போது, இவை சாதாரண மனிதர்களால் சாத்தியமில்லாத வேகத்தில், முன்னரே புரோகிராம் செய்யப்பட்ட 'அன்ரியலிஸ்டிக் பாட்' (Unrealistic Bots) கணக்குகள் மூலமாக இந்த நெகட்டிவ் அலை திட்டமிட்டு உருவாக்கப்பட்டு வருகிறது என்பது வெளிச்சத்திற்கு வந்துள்ளது. ஒரே மாதிரியான வாசகங்கள் கொண்ட கமெண்ட்டுகள், வெவ்வேறான போலிப் பெயர்களில் இருந்து விநாடிக்கு ஒன்றாகத் தூவப்பட்டு வருகின்றன. செய்தியாளர் சந்திப்பில் விஜய் சிஎம் ஆனது குறித்து ரஜினிகாந்த் பேசும்போது, "எம்ஜிஆர், என்டிஆர் செய்த சாதனைகளை விட விஜய்யின் சாதனை பெரியது. சக்திவாய்ந்த மத்திய அரசுக்கும், இரு பெரிய திராவிடக் கட்சிகளுக்கும் எதிராக நின்று இந்த வெற்றியைப் பெற்றுள்ளார்" என்று குறிப்பிட்டிருந்தார். மேலும், விஜய் மீது தனக்கு எந்தப் பொறாமையும் இல்லை என்றும், தனக்கும் விஜய்க்கும் 25 ஆண்டுகால தலைமுறை இடைவெளி இருப்பதால் போட்டி என்ற பேச்சுக்கே இடமில்லை என்றும் பேசியிருந்தார். "மக்கள் மத்தியில் விஜய் மீது பெரிய எதிர்பார்ப்பு உள்ளது. அவர் திறம்படச் செயல்பட மக்கள் அவரை குறைந்தது இரண்டு ஆண்டுகளாவது விட்டுவிட வேண்டும் (Spare him for two years). உடனே தீர்ப்பு எழுதக் கூடாது. அதேபோல், அவருடைய கட்சித் தொண்டர்களும் ஆதரவாளர்களும் மிகவும் கவனமாக இருக்க வேண்டும். ஏனென்றால் அவர்கள் செய்யும் தவறுகள் நேரடியாக விஜய்யைப் பாதிக்கும்." இந்தக் கருத்தைக் கையில் எடுத்துக்கொண்டு தான், ரஜினிகாந்த் '2 ஆண்டுகள் அவகாசம் கொடுங்கள்' என்று சொன்னதை, நிர்வாகத் திறமையைக் குறைத்து மதிப்பிடுவது போல் சமூக வலைத்தளங்களில் ஒரு தரப்பினர் தீவிரமாகத் திரித்துப் பரப்பத் தொடங்கினர். திரைத்துறையிலும் சரி, தற்போதைய அரசியல் களத்திலும் சரி, ரஜினிகாந்திற்கும் விஜய்க்கும் இடையே ஒரு சுமூகமான உறவு இல்லை என்று கூறப்படுகிறது. இந்தச் சூழலில், புதிய முதலமைச்சராகப் பொறுப்பேற்றுள்ள விஜய்யின் இந்த ஆரம்பக் கட்ட அரசியல் நகர்வுகளுக்கு மத்தியில், ரஜினியின் போயஸ் கார்டன் பிரஸ்மீட் பேச்சு பெரும் விவாதப் பொருளாக மாறியுள்ளது. ரஜினியின் இந்த அட்வைஸைத் தவறாகச் சித்தரித்து, போலி 'பாட்' கணக்குகளைப் பயன்படுத்தி இந்த நள்ளிரவு சைபர் தாக்குதல் திட்டமிட்ட முறையில் நடத்தப்பட்டு வருவதாகக் கூறப்படுகிறது. ரஜினி தனது பிரஸ்மீட்டிலேயே, "விஜய் முதல்வர் ஆகக்கூடாது என்பதைத் தடுக்க நான் பெரிய கட்சிகளுடன் பேசினேன் என வதந்தி பரப்புகிறார்கள். அப்படி தரம் தாழ்ந்து பேசக்கூடிய நபர் ரஜினிகாந்த் அல்ல" என்று ஆவேசமாகத் தெரிவித்திருந்தார். அவர் குறிப்பிட்டது போலவே, ரஜினியின் பிம்பத்தைச் சிதைக்கவும், இந்த அரசியல் மாற்றத்தை வைத்து ஒரு பெரும் டிஜிட்டல் மோதலை உருவாக்கவும் சில குறிப்பிட்ட கார்ப்பரேட் பின்னணி கொண்ட டிஜிட்டல் பிஆர் (PR) ஏஜென்சிகள் பின்னணியில் இருந்து இந்த 'பாட்' தாக்குதலை இயக்குகிறதா என்ற கோணத்தில் ரஜினி ரசிகர்கள் சமூக வலைத்தளங்களில் கேள்விகளை எழுப்பி வருகின்றனர். ரஜினிக்கு எதிராக 3 மணி நேர 'பாட் அட்டாக்' நடப்பது, தமிழக டிஜிட்டல் அரசியல் களம் எவ்வளவு ஆபத்தான திசையில் நகர்கிறது என்பதைக் காட்டுவதாக நடுநிலையாளர்கள் கருத்து தெரிவித்து வருகின்றனநள்ளிரவிலும் ஓயாத 'பாட்' (Bots) கமெண்ட்டுகள்: நிமிடத்திற்கு ஒரு நெகட்டிவ் பதிவு!
ரஜினி பேசியதில் சர்ச்சை கிளப்பியது எது?
அதே நேரத்தில், ஒரு மூத்த நடிகராக ஒரு முக்கிய கருத்தை ரஜினி முன்வைத்திருந்தார்:
பின்னணியில் இருக்கும் டிஜிட்டல் அரசியல் வார்!