தேர்தல் முடிவால் ரஜினி வருத்தம்.. நீங்களாவது ஜெயிச்சிருக்கலாம்னு சொன்னார்! சீமான் பகிர்ந்த சீக்ரெட்

இதற்கிடையே, தனியார் தொலைக்காட்சி ஒன்றிற்கு பேட்டி அளித்த சீமான், சட்டமன்ற தேர்தல் முடிவால் ரஜினி வருத்தப்பட்டதாகவும், நீங்களாவது ஜெயிச்சுருக்கலாம் என்று தன்னிடம் கூறியதாகவும் தெரிவித்துள்ளார். இது தொடர்பாக சீமான் கூறியதாவது:

தேர்தல் முடிவால் ரஜினி வருத்தம்

"பொதுவான மக்கள், சமூக ஆர்வலர்கள் ஒரு நல்ல அரசியல் அமைய வேண்டும் என விருப்பம் கொண்ட அரசியல் அறிஞர்கள், ஆய்வாளர்கள், கருத்தாளர்கள் எல்லாரும் சொல்வது என்னவென்றால் நீ ஒருத்தனாவது வென்று உள்ளே போயிருக்களாம். ரஜினிகாந்த் கூட சொன்னார். அப்பா பாரதிராஜா மறைவிற்கு வந்திருந்த போது நானும் ரஜினிகாந்தும் உட்கார்ந்து பேசிக்கொண்டிருந்தோம்.

Seeman: அம்பையில் களமிறங்கும் சீமான்! இதுவரை போட்டியிட்ட தொகுதிகள் எதெல்லாம்? எத்தனை முறை டெபாசிட் இழந்தார்?

அப்போது அந்த துயரத்தையும் தாண்டி அவங்க ரொம்ப வருத்தப்பட்டது என்ன என்றால் தேர்தல் முடிவு குறித்து தான். பிறகு நீங்களாவது ஜெயிச்சு இருக்கலாம். ரொம்ப கஷ்டம் அதுல.. ரொம்ப கஷ்டமாக, வருத்தமாக இருந்துச்சு என்று சொன்னாங்க.. இப்படி எல்லாருக்குமே ஒரு வருத்தம் அதில் இருக்கு. அப்படி எல்லாருக்குமே இதில் ஒரு வலி இருக்கு.

என்னுடைய குரலை நிராகரிக்க முடியாது

நான் வந்து சட்டமன்றத்தில் உள்ளே இருந்து பேசும்போது தான், அதை எல்லாம் மக்கள் கேட்கும் போது தான்.. ஓ, இவ்வளவு எல்லாம் செய்தி இருக்கா.. இவ்வளவு எல்லாம் பிரச்சினை இருக்கா என மக்களுக்கு தெரியும். எனக்கு ஒரு குறை என்ன என்றால், நீண்ட காலமாக கூண்டுக்குள் இருக்கிறேன். ஒரு தடவை கூரை மேலே ஏறிவிட்டேன் என்றால் என்னுடைய குரலை நிராகரிக்க முடியாது..

ரஜினியை நான் பாராட்டியதாக.. வீடியோவை நானும் பார்த்தேன்.. ஆனால், சிவகார்த்திகேயன் ஆதங்கம்

கூண்டுக்குள் இருந்து கத்துவதால் என் சத்தம் எல்லாருக்கும் கேட்காது. கூரை மேலே ஏறி கத்தினால் என் சத்தத்தை நிராகரிக்க முடியாது. என் கருத்தை செவிசாய்த்துத் தான் தீரனும்.." என்று பேசினார்.

5 தொகுதிகளிலும் போட்டி போடுவோம்

மேலும் அவர் கூறுகையில், "இதுக்கு முன்னாடி நடந்த இடைத்தேர்தலில் எல்லாம் ஆளும் கட்சி 40 ஆயிரம் வாக்குகள் வித்தியாசத்தில் வெற்றி பெறுவார்கள். ஏனென்றால் மற்ற கட்சிகள் எல்லாம் பெரிய அளவில் ஈடுபாட்டுடன் போட்டி போடாது. ஏனென்றால் ஆளும் கட்சி தான் ஜெயிக்கும் என்பது, மக்களும் அப்படி தான் நினைப்பாங்க.. சில கட்சிகள் போட்டி போடாமலேயே இருந்து இருக்கின்றன. ஆனால் நாங்கள் எந்த தேர்தலிலேயும் களத்தை விட்டு வெளியேறியது இல்லை. வெற்றி தோல்வியை பொருட்படுத்தாமல் போட்டி போடுவோம். இந்த முறையும் 5 தொகுதிகளிலும் போட்டி போடுவோம்.

நான் போட்டியிட்டு வெற்றி பெற்றால்..

இவ்வளவு நாட்கள் ஆட்சியில் இருக்கிறவர்களால் நிறைவேற்ற முடியாத மக்களின் தேவைகளை பேசுவேன். தமிழ்நாட்டில் 234 தொகுதிகள் இருந்தாலும் நான் போட்டியிட்டு வெற்றி பெறும் தொகுதியை தமிழ்நாட்டின் முதன்மையான தொகுதியாக மாற்றும் அளவிற்கு வேலை செய்வேன்.. மாத்துவேன்.. அரசு இதற்கு நிதியே தரவில்லை என்றாலும் கூட பெரிய தொழில் அதிபர்களிடம் நன்கொடை பெற்று அதை செய்வேன். அதுக்கு அப்புறம் இந்த தொகுதியை போல மற்ற தொகுதிகளையும் மாற்ற என்ன செய்ய வேண்டுமோ அதை செய்வேன்.." என்று பேசினார்.