சென்னையில் ஏசி மின்சார ரயிலில் பயணிக்க நிர்ணயிக்கப்பட்டுள்ள கட்டணம் மீண்டும் பயணிகளுக்கு அதிர்ச்சியளிக்கிறது. இந்த முறை கட்டண வேறுபாடு இன்னும் அதிகமாக உள்ளது. சென்னை பீச் - செங்கல்பட்டு: 59 கி.மீ. தொலைவுக்கு ரூ.105 ஆகவும், அரக்கோணம் - சென்னை சென்ட்ரல் புறநகர் ரயில் நிலையம் இடையே 68 கி.மீ. தொலைவுக்கு ரூ.230 ஆகவும் கட்டணம் நிர்ணயம் செய்யப்பட்டுள்ளது. 230 ரூபாய் கொடுத்து அரக்கோணத்தில் இருந்து சென்ட்ரல் வருவதற்கு கொஞ்சம் கூட நியாயமான காரணமே இல்லை. நேரமும் அதிகம், கட்டணமும் அதிகம் என்று பயணிகள் கேள்வி எழுப்பி உள்ளார்கள்.
பயணிகளின் கருத்துக்களை அப்படியே பார்ப்போம். மீண்டும் அதிர்ச்சியளிக்கும் ஏசி மின்சார ரயில் கட்டணம்! இந்த முறை கட்டண வேறுபாடு இன்னும் அதிகம்! புதிதாக அறிமுகப்படுத்தப்பட்டுள்ள ஏசி மின்சார ரயிலில், 🔹 அரக்கோணம் - சென்னை சென்ட்ரல் புறநகர் ரயில் நிலையம்: 68 கி.மீ. தொலைவுக்கு ரூ.230. 🔹 ஆவடி - அரக்கோணம்: 48 கி.மீ. தொலைவுக்கு ரூ.200. 🔹 சென்னை பீச் - செங்கல்பட்டு: 59 கி.மீ. தொலைவுக்கு ரூ.105. செங்கல்பட்டு வழித்தடத்தில் 59 கி.மீ. பயணத்துக்கு ரயில்வே ரூ.105 கட்டணம் வசூலிக்கிறது. ஆனால், அரக்கோணம் வழித்தடத்தில் 68 கி.மீ. பயணத்துக்கு ரூ.230 வசூலிக்கப்படுகிறது. இந்தக் கட்டண வேறுபாடு ஏன்? சில செய்திகளின்படி, திருவள்ளூர் வரையிலான பயணத்துக்கு ஏசி மின்சார ரயிலின் புறநகர் ரயில் கட்டண அட்டவணை பின்பற்றப்படுகிறது. ஆனால், அரக்கோணம் வரையிலான பயணத்துக்கு புறநகர் அல்லாத ரயில்களுக்கான கட்டண அட்டவணை பின்பற்றப்படுவதாகக் கூறப்படுகிறது. இந்த விவகாரத்தில் உரிய நடவடிக்கை எடுத்து, அரக்கோணம் வரையிலான ஏசி மின்சார ரயில் கட்டணத்தை வழக்கமான ஏசி மின்சார ரயில் கட்டண முறைக்கு ஏற்ப மாற்றி அமைக்குமாறு கேட்டுக்கொள்கிறோம். நியாயமான கட்டணம் என்பது தினசரிப் பயணிகளின் வாழ்வாதாரத்துடன் தொடர்புடையது. குறிப்பாக, சோதனை அடிப்படையில் தற்போது இயக்கப்பட்டு வரும் இந்த ரயில் சேவை வெற்றி பெறுவதற்கும் கட்டண நிர்ணயம் மிகவும் முக்கியமானது. தெற்கு ரயில்வே வேண்டுமென்றே இந்த ரயில் சேவை தோல்வியடைய வேண்டும் என்று நினைக்கிறதா? தெற்கு ரயில்வே வேண்டுமென்றே இந்த ரயில் சேவை தோல்வியடைய வேண்டும் என்று நினைக்கிறதோ என்ற சந்தேகம் எழுகிறது. சாதாரண மின்சார ரயில் கட்டணத்தைவிட மூன்று மடங்கு மட்டுமே ஏசி ரயில் கட்டணம் இருந்தால், அதிகமான பயணிகள் இந்தச் சேவையைப் பயன்படுத்துவார்கள். இதன் மூலம் பொதுமக்களுக்கு மேம்பட்ட சேவையை வழங்க முடியும். ஆனால், மிக அதிகக் கட்டணம் வசூலிக்கப்பட்டால், குறைந்த எண்ணிக்கையிலான பயணிகளே ஏசி ரயிலில் பயணிக்க முடியும். அப்படியானால், ஆறு முறை மட்டுமே இயக்கப்பட்டு, வெயில் அதிகமாக இருக்கும் பகல் நேரங்களில் கூட இயங்காமல் நிறுத்திவைக்கப்படும் ஏசி ரயிலை இயக்குவதால் என்ன பயன்? ரயில்வே வாரியம்தான் ஏசி மின்சார ரயில்களுக்கான கட்டண முறையை உருவாக்குகிறது. எனவே, அந்தக் கட்டண முறை மறுபரிசீலனை செய்யப்பட்டு, வந்தே மெட்ரோ அல்லது நமோ பாரத் ரயில் சேவைகளுக்கு இணையான வகையில் பகுத்தறிவுடன் மாற்றியமைக்கப்பட வேண்டும். கொடைக்கானல் - தேனி சாலை துண்டிப்பு.. அடுக்கம் வழியாக பெரியகுளம் செல்லும் சாலையின் நிலை என்ன?a திருவள்ளூர் - அரக்கோணம் இடையிலான வழித்தடம் புறநகர் அல்லாத வழித்தடமாக வகைப்படுத்தப்பட்டிருப்பதாக வெளியாகியுள்ள தகவல்கள் உண்மையாக இருந்தால், அந்த வகைப்பாட்டைச் சீராய்வு செய்ய வேண்டும். இந்த ஏசி மின்சார ரயில் வந்தே மெட்ரோ அல்லது நமோ பாரத் ரயில்களின் வேகத்தை எட்டப்போவதில்லை. எனவே, ஏற்கெனவே உள்ள உள்கட்டமைப்பைப் பயன்படுத்தி இயக்கப்படும் இந்த ரயிலுக்கு, சென்னை மெட்ரோ ரயில் கட்டணத்துக்கு இணையான கட்டண முறையைக்கூட பரிசீலிக்கலாம். தற்போதைய கட்டணத்தில் 10 சதவீதத்துக்கும் குறைவான பயணிகள் மட்டுமே பயன்படுத்தும் நிலை ஏற்படுவதற்குப் பதிலாக, சாதாரண ரயில் கட்டணத்தின் மூன்று மடங்கு என்ற அளவில் கட்டணம் நிர்ணயிக்கப்பட்டால், 75 சதவீதத்துக்கும் அதிகமான இருக்கைகள் நிரம்பும் வாய்ப்பு இருப்பதாகக் கருதப்படுகிறது.குறைந்த கட்டணத்தில் அதிகமான பயணிகள் பயணிப்பதன் மூலம், இந்தச் சேவையைப் பொதுமக்கள் அதிக அளவில் பயன்படுத்தும் நிலையை உருவாக்க முடியும். மதிப்பிற்குரிய தெற்கு ரயில்வே பொது மேலாளர் அவர்களே, சென்னை எழும்பூர் - செங்கல்பட்டு இடையே வைகை விரைவு ரயிலில் பொதுப்பெட்டியில் பயணிக்க வழங்கப்படும் திறந்த பயணச்சீட்டுக்கான கட்டண முறையைப் பின்பற்றி, சென்னை பீச் - செங்கல்பட்டு ஏசி மின்சார ரயிலுக்கும் அதேபோன்ற கட்டண அட்டவணையை முன்மொழியுமாறு கேட்டுக்கொள்கிறோம். இவ்வாறு செய்தால், பயணிகள் ஏசி ரயிலுக்கு மாறுவதற்கான கவர்ச்சிகரமான வாய்ப்பு உருவாகும். அதேபோல, அரக்கோணம் வழித்தடத்திலும் கோவை விரைவு ரயிலில் பின்பற்றப்படும் கட்டண முறையை ஒத்த கட்டண அட்டவணையைப் பின்பற்ற வேண்டும். தெற்கு ரயில்வே, ரயில்வே வாரியம், பிரதமர் அலுவலகம் மற்றும் மத்திய ரயில்வே அமைச்சரிடம் இந்தக் கோரிக்கையை முன்வைக்கிறோம். பொதுமக்களின் பயணத் தேவையையும் அவர்களின் பொருளாதார நிலையையும் கருத்தில் கொண்டு, ஏசி மின்சார ரயில் கட்டணத்தை நியாயமான அளவில் நிர்ணயிக்க வேண்டும்." என்று பயணிகள் கூறினார்கள்.AC electric train: ஏசி மின்சார ரயில் வந்தாச்சு! சென்னை சென்ட்ரல் - அரக்கோணம் பயணிகளுக்கு குட் நியூஸ்.. ரூட் விவரம்
திருவள்ளூர் - அரக்கோணம் வழித்தடத்தின் வகைப்பாட்டை மாற்ற வேண்டும்!
கோவை விரைவு ரயில் கட்டண முறையைப் பின்பற்ற முடியாதா?
தெற்கு ரயில்வே மீது மக்கள் அதிருப்தி அடைவதற்கு இதுவும் ஒரு காரணம். சாதாரண தொழிலாளர்கள் மற்றும் தினசரிப் பயணிகள் இவ்வளவு அதிகமான கட்டணத்தை எப்படிச் செலுத்த முடியும்?