எலான் மஸ்க்-ன் 'SpaceX' ஐபிஓ.. இந்திய முதலீட்டாளர்களுக்கு காத்திருக்கும் அரிய வாய்ப்பு!

இந்திய முதலீட்டாளர்களுக்கு என்ன லாபம்?

நேரடியாக அமெரிக்கப் பங்குச்சந்தையில் முதலீடு செய்ய முடியாத இந்தியர்களுக்கு, மியூச்சுவல் ஃபண்டுகள் ஒரு எளிய வழியாக அமைகின்றன. அமெரிக்காவின் முன்னணி தொழில்நுட்ப நிறுவனங்களைக் கொண்ட 'நாஸ்டாக்-100' (Nasdaq-100) குறியீட்டில் ஸ்பேஸ் எக்ஸ் நிறுவனம் சேர்க்கப்பட வாய்ப்புள்ளது.

அப்படிச் சேர்க்கப்பட்டால், நாஸ்டாக்-100 குறியீட்டைப் பின்பற்றும் இந்திய மியூச்சுவல் ஃபண்டுகள் தானாகவே ஸ்பேஸ் எக்ஸ் பங்குகளை வாங்க வேண்டியிருக்கும். இதன் மூலம், இந்திய முதலீட்டாளர்கள் மறைமுகமாக ஸ்பேஸ் எக்ஸ் நிறுவனத்தின் வளர்ச்சியில் பங்கு பெற முடியும்.

நாஸ்டாக்-100 குறியீட்டைப் பின்பற்றும் 5 இந்திய மியூச்சுவல் ஃபண்டுகள்:

தற்போது இந்தியாவில் நாஸ்டாக்-100 குறியீட்டை அடிப்படையாகக் கொண்டு செயல்படும் 5 முக்கிய மியூச்சுவல் திட்டங்களின் லிஸ்ட் இதுதான். இந்த பண்டுகளில் நீங்கள் முதலீடு செய்தாலோ அல்லது ஏற்கனவே முதலீடு செய்திருந்தாலோ ஸ்பேஸ்எக்ஸ் நிறுவனத்தில் முதலீடு செய்யும் பலனை பெற முடியும்.

1. மோதிலால் ஓஸ்வால் நாஸ்டாக் 100 ஃபண்ட் (Motilal Oswal Nasdaq 100 FoF): இது 2018-ல் தொடங்கப்பட்ட பழமையான ஃபண்ட் ஆகும். இது இதுவரை ஆண்டுக்கு சராசரியாக 28.96% லாபத்தை அளித்துள்ளது.

2. ஐசிஐசிஐ புருடென்ஷியல் நாஸ்டாக் 100 இண்டெக்ஸ் ஃபண்ட் (ICICI Prudential NASDAQ 100 Index Fund): இது 20.71% வருடாந்திர லாபத்தை வழங்கியுள்ளது. இதன் கீழ் 3,254 கோடி ரூபாய் முதலீடு உள்ளது.

3. நவி நாஸ்டாக் 100 ஃபண்ட் (Navi Nasdaq 100 FoF): 2022-ல் தொடங்கப்பட்ட இந்த ஃபண்ட் 24.20% லாபத்தை அளித்துள்ளது.

4. இன்வெஸ்கோ இந்தியா நாஸ்டாக் 100 ஃபண்ட் (Invesco India - Invesco EQQQ Nasdaq-100 FoF): இது 26.27% வருடாந்திர லாபத்தை ஈட்டித் தந்துள்ளது.

5. ஆக்சிஸ் நாஸ்டாக் 100 ஃபண்ட் (Axis Nasdaq 100 FoF): 2022-ல் தொடங்கப்பட்ட இது, மிக அதிகபட்சமாக 35.03% வருடாந்திர லாபத்தை அளித்துள்ளது.

முதலீட்டாளர்கள் கவனத்திற்கு

இந்திய முதலீட்டாளர்களுக்கு ஒரு சிறிய சிக்கலும் உள்ளது. வெளிநாட்டுப் பங்குகளில் இந்திய மியூச்சுவல் ஃபண்டுகள் முதலீடு செய்வதற்கு இந்திய ரிசர்வ் வங்கி (RBI) மற்றும் செபி (SEBI) சில வரம்புகளை விதித்துள்ளன. இந்த வரம்புகள் எட்டப்பட்டதால், தற்போது பல திட்டங்களில் புதிய முதலீடுகளைச் செய்வது தற்காலிகமாகத் தடை செய்யப்பட்டுள்ளது அல்லது கட்டுப்படுத்தப்பட்டுள்ளது.

இருப்பினும், ஸ்பேஸ் எக்ஸ் போன்ற ஒரு பிரம்மாண்ட நிறுவனம் பங்குச்சந்தைக்கு வருவது, நீண்ட கால அடிப்படையில் இந்திய முதலீட்டாளர்களுக்கு ஒரு நல்ல வாய்ப்பாகவே பார்க்கப்படுகிறது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Tamil.oneindia.com அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.