சென்னை: வரவு எட்டணா.. செலவு பத்தணா என்பதைப் போல தமிழக அரசுக்கு 100 ரூபாய் வருமானம் வந்தால், 145 ரூபாய் செலவாகிறது என்ற அதிர்ச்சி தகவலை புதிய அரசின் வெள்ளை அறிக்கை வெளிச்சத்துக்கு கொண்டு வந்துள்ளது. தமிழகத்தின் தற்போதைய நிதி நிலை எவ்வளவு சிக்கலான சூழலில் உள்ளது என்பதையும், முதல்வர் விஜய் தலைமையிலான அரசுக்கு காத்திருக்கும் பொருளாதார சவால்களையும் இந்த அறிக்கை தெளிவாக எடுத்துக்காட்டியுள்ளது.
ஆட்சிப் பொறுப்பேற்ற பிறகு தமிழக அரசின் உண்மையான நிதிநிலையை மக்களுக்கு தெரியப்படுத்த வேண்டும் என்று முதல்வர் விஜய் அறிவித்திருந்தார். அதன்படி, நிதி அமைச்சர் மரிய வில்சன் மற்றும் நிதித்துறை கூடுதல் தலைமைச் செயலாளர் சித்திக் வெள்ளை அறிக்கையை வெளியிட்டனர்.
தமிழக அரசின் வருவாய், செலவுகள், கடன் சுமை, வரி வசூல் திறன் மற்றும் எதிர்கால நிதி சவால்கள் குறித்து விரிவாக இந்த அறிக்கையில் குறிப்பிடப்பட்டுள்ளது. அரசின் நிதிநிலையை மக்களுக்கு வெளிப்படையாக எடுத்துக்காட்டும் ஆவணம்தான் வெள்ளை அறிக்கை. வெள்ளை அறிக்கையில் இடம்பெற்றுள்ள மிக முக்கியமான தகவல், தமிழக அரசின் செலவின அளவுதான். அரசு ஊழியர்களின் சம்பளம், ஓய்வூதியம் மற்றும் ஏற்கனவே வாங்கப்பட்ட கடன்களுக்கான வட்டி செலுத்துதல் போன்ற தவிர்க்க முடியாத செலவுகளுக்கே 64 ரூபாய் செலவாகிறது. அதன்பிறகு உள்ளாட்சி அமைப்புகளுக்கான நிதிப் பகிர்வுக்கு 23 ரூபாய் செலவிடப்படுகிறது. மானியங்கள் மற்றும் நலத்திட்டங்களுக்காக 40 ரூபாய் ஒதுக்கப்படுகிறது. இவற்றை எல்லாம் சேர்த்து பார்த்தால், அரசின் பெரும்பாலான வருவாய் ஏற்கனவே நிர்ணயிக்கப்பட்ட செலவுகளுக்கே பயன்படுத்தப்பட்டு விடுகிறது. சாலைகள், பாலங்கள், அரசு கட்டிடங்கள், கல்வி மற்றும் மருத்துவ உள்கட்டமைப்பு போன்ற வளர்ச்சி திட்டங்களுக்கு செலவிடப்படும் மூலதன முதலீட்டுக்காக வெறும் 13 ரூபாய் மட்டுமே எஞ்சுவதாக அறிக்கை கூறுகிறது. அதிலும் கவலைக்குரிய விஷயம் என்னவென்றால், வளர்ச்சி திட்டங்களுக்கு செலவிடப்படும் தொகையை விட கடனுக்கான வட்டி செலவு அதிகமாக இருப்பதுதான். இதனால் புதிய முதலீடுகள் மற்றும் நீண்டகால வளர்ச்சி திட்டங்கள் பாதிக்கப்படும் அபாயம் இருப்பதாக பொருளாதார நிபுணர்கள் கருதுகின்றனர். தமிழக அரசின் நேரடி கடன் தற்போது ரூ.10 லட்சம் கோடியை எட்டியுள்ளது. இதனுடன் மின்வாரியம், போக்குவரத்து கழகங்கள் உள்ளிட்ட பொதுத்துறை நிறுவனங்க ளின் கடன்களையும் சேர்த்தால், மாநிலத்தின் மொத்த நிதிச்சுமை ரூ.13.18 லட்சம் கோடியாக உயர்கிறது. இந்த கடன்களுக்கான வட்டி மட்டுமே கடந்த நிதியாண்டில் ரூ.67,050 கோடி செலுத்தப்பட்டுள்ளதாக அறிக்கையில் தெரிவிக்கப்பட்டுள்ளது. அதாவது ஒரு நாளைக்கு சுமார் ரூ.183 கோடியும், ஒரு மணி நேரத்திற்கு சுமார் ரூ.7.7 கோடியும் வட்டிக்காக செலவிடப்படும் நிலை உருவாகியுள்ளது. தமிழக அரசின் வருவாய் பற்றாக்குறை தற்போது ரூ.78,324 கோடியாக இருப்பதாக அறிக்கை தெரிவிக்கிறது. மகாராஷ்டிரா, கர்நாடகா மற்றும் குஜராத் போன்ற மாநிலங்களுடன் ஒப்பிடும்போது, அதிக கடன் சுமை, அதிக நிதிப் பற்றாக்குறை, அதிக வருவாய் பற்றாக்குறை மற்றும் அதிக வட்டி சுமை போன்ற பல முக்கிய பொருளாதார குறியீடுகளில் தமிழ்நாடு பின்தங்கியிருப்பதாகவும் அறிக்கை சுட்டிக்காட்டியுள்ளது. மேலும், மாநிலத்தின் வரி வருவாய் வளர்ச்சியும் எதிர்பார்த்த அளவில் இல்லை என்று தெரிவிக்கப்பட்டுள்ளது. இந்த சூழலில் முதல்வர் விஜய் தலைமையிலான அரசுக்கு மிகப்பெரிய சவால், வருவாயை அதிகரிப்பதோடு செலவினங்களையும் கட்டுப்படுத்துவதுதான் என்று பொருளாதார வல்லுநர்கள் கூறுகின்றனர். அரசின் வருவாயை உயர்த்த புதிய முதலீடுகளை ஈர்ப்பது, தொழில் வளர்ச்சியை ஊக்குவிப்பது, வரி வசூல் திறனை மேம்படுத்துவது போன்ற நடவடிக்கைகள் அவசியமாகியுள்ளன. அதேநேரத்தில் தேவையற்ற செலவுகளை குறைத்து, நிதி ஒழுங்குமுறையை கடைப்பிடிப்பதும் முக்கியமாக பார்க்கப்படுகிறது. அரசின் நிதிநிலையை மக்களிடம் வெளிப்படையாக எடுத்துரைப்பதுடன், எந்த செலவுகள் அவசியம், எவற்றை குறைக்க முடியும் என்பதை ஆய்வு செய்து திட்டமிட்ட நடவடிக்கைகள் மேற்கொள்ளப்பட வேண்டும் என்று நிபுணர்கள் வலியுறுத்துகின்றனர். முதல்வர் விஜய் கூறியபடி ஊழலுக்கு இடமளிக்காமல் வருவாயை பெருக்கி, தேவையற்ற செலவுகளை கட்டுப்படுத்தும் முயற்சிகள் தொடர்ந்து முன்னெடுக்கப்பட்டால், தற்போதைய நிதிச் சவால்களை படிப்படியாக சமாளிக்க முடியும் என்று பொருளாதார வட்டாரங்கள் நம்பிக்கை தெரிவிக்கின்றன.வெள்ளை அறிக்கை
அதன்படி, அரசுக்கு 100 ரூபாய் வருமானம் கிடைத்தாலும், மொத்த செலவு 145 ரூபாயாக உள்ளது. அதாவது வருமானத்தை விட செலவு 45 சதவீதம் அதிகமாக உள்ளது. இதுவே மாநிலத்தின் நிதி நெருக்கடியை தெளிவாக காட்டும் முக்கிய குறியீடாக பார்க்கப்படுகிறது. அரசின் வருவாயில் பெரும்பகுதி கட்டாய செலவுகளுக்கே செலவாகிறது என்பது தான் வெள்ளை அறிக்கையின் முக்கிய சாரம்சமே.தமிழ்நாடு நிதிநிலை
மூலதன முதலீடு
நேரடி கடன்
வருவாய் பற்றாக்குறை
தொழில் வளர்ச்சி
முதல்வர் விஜய்