சென்னை: விஜய் தலைமையிலான தமிழக அமைச்சரவையில் 33 அமைச்சர்கள் பதவியேற்றுள்ளனர். இவர்களது சம்பளம் என்ன இருக்கும், என்னென்ன சலுகைகள் வழங்கப்படும், முதல்வர் விஜய்க்கு எவ்வளவு சம்பளம் வழங்கப்படும், என்ன மாதிரியான பாதுகாப்பு, எம்.எல்.ஏ-க்களுக்கு சம்பளம் எவ்வளவு வழங்கப்படும் என்ற விவரங்களை இங்கு காணலாம்.
தமிழக அமைச்சரவை இன்று விரிவாக்கம் செய்யப்பட்டுள்ளது. 1967 மற்றும் 1977 ஆம் ஆண்டுகளுக்கு பிறகு புதுமுகங்கள் பலர் அமைச்சர்களாக பதவியேற்றுள்ளனர். இதேபோன்று 59 ஆண்டுகளுக்கு பிறகு காங்கிரஸ் அமைச்சரவையில் பங்கெடுத்துள்ளது. பதவியேற்றுள்ள அமைச்சர்களுக்கு சம்பளம் எவ்வளவு வழங்கப்படும்? இதர சலுகைகள் என்னென்ன என்ற விவரங்களை இங்கு காணலாம்.
எம்பிக்களுக்கான சம்பளம் நாடு முழுவதும் ஒரே மாதிரியாக இருந்தாலும் எம்.எல்.ஏக்களுக்கான ஊதியம் மாநிலத்திற்கு மாநிலம் மாறுபடும். 2008-ம் ஆம் ஆண்டு எம்.எல்.ஏக்களுக்கு மாத ஊதியம் வெறும் ரூ.30 ஆயிரமாக இருந்தது. ஆனால் இது படிப்படியாக உயர்ந்து 2013-ல் ரூ.55 ஆயிரமாக உயர்த்தப்பட்டது. பின்னர் 2017 ஆம் ஆண்டு எடப்பாடி ஆட்சி காலத்தில் எம்.எல்.ஏக்களுக்கான சம்பளம் 1 லட்சத்து 5 ஆயிரம் ரூபாயாக உயர்த்தப்பட்டது. அமைச்சர்களுக்கு என தனியாக சம்பளம் கிடையாது. எம்.எல்.ஏக்களுக்கு என்ன சம்பளம் வழங்கப்படுமோ அதே சம்பளம்தான் அமைச்சர்களுக்கும் வழங்கப்படும். இதில் அடிப்படை சம்பளமாக 30 ஆயிரமாக இருக்கும். அதாவது முதல்வர், சபாநாயகர், அமைச்சர்கள் மற்றும் MLA என எல்லாருக்குமே அடிப்படை ஊதியம் ரூ.30 ஆயிரம் தான். இதர தொகை அனைத்தும் பல்வேறு படிகளாக பிரித்து வழங்கப்படும். தொகுதி படி 25 ஆயிரம் ரூபாய், வாகன படி ரூ.25 ஆயிரம் ரூபாய், மாதாந்திர படி ரு.10 ஆயிரம் ரூபாய் என வழங்கப்படும். இது தவிர தொலைபேசி செலவு, அஞ்சல் செலவும் உள்ளிட்டவையும் வழங்கப்படும். அமைச்சர்களுக்கு கூடுதலாக வீடு மற்றும் கார் வழங்கப்படும். எம்.எல்.ஏவுக்கு இலவச மருத்துவ வசதி, பயணம் செய்வதற்கு விமானம், ரயில், பேருந்து டிக்கெட் இலவசமாக அளிக்கப்படும். சட்டமன்ற உறுப்பினர்கள் தங்களுக்கான ஒரு அலுவலகத்தை நிர்வகிக்கலாம். தேவைப்பட்டால் ஒரு நபரை வேலைக்கு அமர்த்தலாம். அதற்கான சம்பளமும் தனியாக வழங்கப்படும். சட்டசபை நடைபெறும் போதும் துறை சார்ந்த கூட்டங்களில் கலந்துகொள்ளும் போதும் தினசரி படியாக தலா ரூ.2,500 வரை தனியாக வழங்கப்படும். முதல்வர் விஜய்க்கு சம்பளமாக ரூ.2 லட்சத்து 5 ஆயிரம் கிடைக்கும். அதுமட்டுமின்றி விஜய்க்கு பல சலுகைகள் கிடைக்கும். குண்டு துளைக்காத 3 சொகுசு கார்கள் வழங்கப்படும். பெட்ரோல், டீசல் அலவன்ஸாக மாதம் ரூ.1 லட்சம் வரை வழங்கப்படும். விஜய்க்கு தற்போது மத்திய உள்துறை அமைச்சகம் இசட் பிளஸ் பாதுகாப்பு அளித்துள்ளது. இந்தியாவில் விவிஐபிகளுக்கும் பாதுகாப்பு அச்சுறுத்தல் உள்ளவர்களுக்கும் இந்த பாதுகாப்பு அளிக்கப்படுகிறது. இந்த பாதுகாப்பின் கீழ் கான்வாய் வாகனங்கள், கமேண்டோ பாதுகாப்பு, ஆயுதம் ஏந்திய காவலர்கள் பல அடுக்கு பாதுகாப்பு வழங்கப்படும். விஜய்யின் கன்வாயில் ஜாமர் கருவி பொருத்தப்பட்ட ஒரு வாகனமும் பயணிக்கும்.அடிப்படை சம்பளம் ரூ.30 ஆயிரம் தான்
ரயில், விமானத்தில் டிக்கெட் இலவசம்
முதல்வர் விஜய்க்கு சம்பளம் எவ்வளவு?