சென்னை: தீபாவளிப் பண்டிகை நெருங்கிவிட்டாலே வீடு முழுக்க இனிப்பு வாசமும், புத்தாடை மகிழ்ச்சியும் களைகட்ட வேண்டும். ஆனால், இந்த ஆண்டு தமிழக வீடுகளில் பண்டிகை உற்சாகத்தை விட, விலைவாசி உயர்வு குறித்த கவலையே அதிகமாகப் பேசப்படுகிறது.
மத்திய புள்ளியியல் துறை வெளியிட்டுள்ள சமீபத்திய புள்ளிவிவரங்களின்படி, இந்தியாவின் அனைத்து மாநிலங்களையும் விட தமிழகத்தில் சில்லறை பணவீக்கம் 6.81 சதவீதமாக உயர்ந்து முதலிடத்தில் உள்ளது. தேசிய அளவிலான சராசரி பணவீக்கம் 5.54 சதவீதமாக இருக்கும் நிலையில், தமிழகத்தில் உணவு மற்றும் அத்தியாவசியப் பொருட்களின் விலை கிடுகிடுவென உயர்ந்துள்ளது மக்களை அதிர்ச்சியில் ஆழ்த்தியுள்ளது.
பண்டிகைக் காலங்களில் நடுத்தர மற்றும் ஏழை எளிய குடும்பங்கள் பலகாரம் செய்ய ஆவின் நெய், வெண்ணெய் மற்றும் பால் பொருட்களையே அதிகம் நம்பியிருப்பார்கள். ஆனால், தீபாவளிக்கு சில நாட்களே உள்ள நிலையில், அக்டோபர் 28 முதல் ஆவின் பொருட்களின் விலையை தமிழக அரசு கணிசமாக உயர்த்தியுள்ளது. ஆவின் நெய்: 100 மிலி பாக்கெட் விலை ₹80-லிருந்து ₹95 ஆகவும், 200 மிலி பாக்கெட் ₹160-லிருந்து ₹180 ஆகவும் உயர்த்தப்பட்டுள்ளது. பால் கொள்முதல் விலையை உயர்த்தி விவசாயிகளுக்கு வழங்க இந்த விலை உயர்வு அவசியம் என்று அரசு தரப்பில் கூறப்பட்டாலும், பண்டிகை நேரத்தில் இந்த சுமையை பொதுமக்கள் தலையில் சுமத்தியது எதிர்க்கட்சிகள் மற்றும் பொதுமக்களிடையே கடும் எதிர்ப்பை ஏற்படுத்தியுள்ளது. சென்னையின் கோயம்பேடு மற்றும் வெளிமாவட்ட சந்தைகளில் சமையலுக்குத் தேவையான முக்கிய காய்கறிகளின் விலை நாளுக்கு நாள் எகிறி வருகிறது. வெங்காயம்: பெரிய வெங்காயம் கிலோ ₹65 முதல் ₹80 வரையிலும், சாம்பார் வெங்காயம் (சின்ன வெங்காயம்) கிலோ ₹85 முதல் ₹100 வரையிலும் விற்கப்படுகிறது. பூண்டு மற்றும் இஞ்சி: நாட்டுப் பூண்டு ஒரு கிலோ ₹180 முதல் ₹220 வரை விற்கப்படுகிறது. இஞ்சி விலை கிலோ ₹150-ஐத் தொட்டுள்ளது. பச்சை மிளகாய் & பிற காய்கறிகள்: மிளகாய் கிலோ ₹70-ஐத் தாண்டியுள்ளது. தக்காளி கிலோ ₹40 வரையிலும், உருளைக்கிழங்கு ₹40 முதல் ₹45 வரையிலும் விற்பனையாகிறது. சமையல் எண்ணெய் மற்றும் பருப்பு வகைகளின் விலையும் ஏழை மக்களின் மாத பட்ஜெட்டை பதம் பார்த்துள்ளது. நல்லெண்ணெய் மற்றும் கடலை எண்ணெய் ஒரு லிட்டர் ₹200 முதல் ₹240 வரை விற்கப்படுகிறது. தவெக ஆட்சிக்கு வந்து.. அரசு நிர்வாக மாற்றம் வந்தபோது, எளிய மக்களின் வாழ்க்கைத்தரம் உயரும், விலைவாசி கட்டுக்குள் இருக்கும் என மக்கள் பலரும் எதிர்பார்த்தனர். ஆனால், முதல் தீபாவளிப் பண்டிகையே விலைவாசி உயர்வின் நிழலில் சிக்கியுள்ளது மக்களுக்கு ஏமாற்றத்தை அளித்துள்ளது. பண்டிகைக் காலங்களில் மக்கள் குறைந்த விலையில் பொருட்கள் வாங்க சிறப்புச் சந்தைகளை அமைப்பதும், அத்தியாவசியப் பொருட்களின் விலையைக் கட்டுப்படுத்துவதும் அரசின் முதன்மைக் கடமை. ஆனால், பண்டிகை நேரத்தில் ஆவின் நெய் விலையை உயர்த்தியதும், சந்தைகளில் காய்கறி விலையைக் கட்டுப்படுத்தாததும் சாமானிய குடும்பங்களின் தீபாவளி மகிழ்ச்சியைக் குறைத்துவிட்டது என்ற விமர்சனம் பரவலாக எழுந்துள்ளது. அரசு உடனடியாகச் செயல்பட்டு பதுக்கலைத் தடுத்து, விலைவாசியைக் கட்டுக்குள் கொண்டுவர வேண்டும் என்பதே பொதுமக்களின் எதிர்பார்ப்பாக உள்ளது.ஆவின் கொடுத்த திடீர் 'தீபாவளி பரிசு'
வெண்ணெய் & தயிர்: 100 கிராம் வெண்ணெய் ₹70 ஆக உயர்ந்துள்ளது. 500 மிலி தயிர் பாக்கெட் ₹40 ஆக அதிகரித்துள்ளது.
ஆவின் இனிப்புகள்: குலாப் ஜாமுன், மில்க் பேடா போன்ற பலகாரங்களின் விலையும் பாக்கெட்டுக்கு ₹10 முதல் ₹15 வரை உயர்த்தப்பட்டுள்ளது.காய்கறி சந்தைகளில் தீப்பிடித்த விலை
ஆவின் பொருள்கள் விலை உயர்வு இன்று முதல் அமல்.. தவெக அரசால் மக்கள் ஷாக்
அரிசி மற்றும் மளிகைப் பொருட்களும் எட்டாக்கனி
துவரம் பருப்பு ஒரு கிலோ ₹160 முதல் ₹175 வரை உயர்ந்துள்ளது.
சாப்பாட்டு அரிசி வகைகளான பொன்னி அரிசி கிலோ ₹60 முதல் ₹72 வரை விற்பனையாவதால், அன்றாட உணவுக்கே மக்கள் அதிகம் செலவிட வேண்டிய கட்டாயத்திற்கு தள்ளப்பட்டுள்ளனர்.ஆவின் பொருள்கள் விலை உயர்வு இன்று முதல் அமல்.. தவெக அரசால் மக்கள் ஷாக்
மக்களின் ஏமாற்றமும் கேள்விகளும்