சென்னை: தமிழ்நாட்டில் விஜய் தலைமையிலான தமிழக வெற்றிக் கழகம் ஆட்சிப் பொறுப்பேற்றதில் இருந்தே பல்வேறு அரசியல் மாற்றங்கள் நிகழ்ந்து வருகின்றன. ஊழலற்ற நேர்மையான நிர்வாகம் தருவோம் என்ற முழக்கத்தோடு புதிய கட்சி ஆட்சிக்கு வந்தாலும், சில புதிய அமைச்சர்கள் மற்றும் அவர்களின் குடும்பத்தினர் மீது அடுத்தடுத்து எழும் புகார்கள் தற்போது அரசியல் வட்டாரத்தில் பெரும் பரபரப்பை ஏற்படுத்தியுள்ளன.
ஒப்பந்தங்களுக்கு கோடிகளில் பேரம்
அரசுத் துறைகளில் சில பணிகளுக்கான டெண்டர்களைப் பெறுவதற்கு ஒப்பந்ததாரர்களிடம் இருந்து பெரிய அளவில் பணம் கைமாறுவதாக எதிர்க்கட்சிகள் குற்றம்சாட்டி வருகின்றன. குறிப்பாக, ஒரு இளம் பெண் அமைச்சரின் தந்தை அரசு ஒப்பந்த விவகாரங்களில் தீவிரமாக தலையிட்டு வருவதாகக் கூறப்படுகிறது.
ஒவ்வொரு அரசு ஒப்பந்தத்திற்கும் குறைந்தபட்சம் ரூ. 1 கோடி முதல் ரூ. 3 கோடி வரை கமிஷன் கேட்பதாக ஒப்பந்ததாரர்கள் தரப்பில் முணுமுணுப்புகள் எழுந்துள்ளன. அமைச்சரின் தந்தை என்ற அதிகாரத்தைப் பயன்படுத்தி, துறையின் முக்கிய அதிகாரிகளையும் ஒப்பந்ததாரர்களையும் அழைத்து நேரடியாகப் பேசி பேரம் பேசுவதாகவும் தகவல்கள் கசிகின்றன. புதிதாக ஆட்சிப் பொறுப்புக்கு வந்த தவெக அமைச்சர்களில் சிலர், அதிகாரத்திற்கு வந்த குறுகிய காலத்திலேயே பெரும் தொகையைச் சுருட்ட முயற்சிப்பதாக எதிர்க்கட்சிகள் விமர்சித்து வருகின்றன. "மக்களின் பணத்தை ஒரு பைசா கூட தொட மாட்டோம்" என்று முதலமைச்சர் விஜய் மேடைகளில் பேசி வந்தாலும், கள நிலவரம் அதற்கு நேர்மாறாக இருப்பதாக அரசியல் விமர்சகர்கள் சுட்டிக்காட்டுகின்றனர். குறிப்பாக, எதிர்க்கட்சித் தலைவர்கள் டெண்டர் விவகாரங்களில் 2% முதல் 4% வரை கமிஷன் கேட்கப்படுவதாக பகிரங்க குற்றச்சாட்டுகளை முன்வைத்து வருகின்றனர். இது தொடர்பாக சில ஆதாரங்கள் மற்றும் ஆடியோ பதிவுகள் விரைவில் வெளியாகலாம் என்றும் எச்சரித்துள்ளனர். அதே சமயம், தன் மீதும் தனது குடும்பத்தினர் மீதும் கூறப்படும் ஊழல் குற்றச்சாட்டுகளை சம்பந்தப்பட்ட பெண் அமைச்சர் தரப்பு நபர் ஒருவர் திட்டவட்டமாக மறுத்துள்ளார். அரசுத் திட்டங்களை வெளிப்படைத்தன்மையுடன் செயல்படுத்தி வருவதாகவும், அரசின் நற்பெயருக்குக் களங்கம் விளைவிக்க வேண்டும் என்ற உள்நோக்கத்தோடு எதிர்க்கட்சிகள் அவதூறு பரப்புவதாகவும் அவர் தெரிவித்துள்ளார். மேலும், அடிப்படை ஆதாரமற்ற பொய் புகார்களைப் பரப்புவோர் மீது சட்டப்படி நடவடிக்கை எடுக்கப்படும் என்றும் எச்சரித்துள்ளார். முந்தைய ஆட்சிகளின் முறைகேடுகளுக்கு முற்றுப்புள்ளி வைத்து, புதிய அரசியல் மாற்றத்தைக் கொண்டுவருவோம் என்று கூறி ஆட்சிக்கு வந்த தவெக, இதுபோன்ற கமிஷன் குற்றச்சாட்டுகளை எவ்வாறு கையாளப் போகிறது என்ற எதிர்பார்ப்பு மக்களிடையே எழுந்துள்ளது. முதலமைச்சர் விஜய் இந்த விவகாரத்தில் தலையிட்டு உரிய விசாரணை நடத்தி உண்மை நிலையை வெளிக்கொணர வேண்டும் என்பதே பொதுமக்களின் கோரிக்கையாக உள்ளது. ஊழலற்ற, நேர்மையான நிர்வாகத்தை அமைப்போம் என்ற வாக்குறுதியை நம்பியே மக்கள் தவெக-விற்கு வாக்களித்து ஆட்சியில் அமர்த்தியுள்ளனர். எனவே, தன் கட்சியின் புதிய அமைச்சர்கள் மற்றும் அவர்களின் குடும்பத்தினர் மீது எழுந்துள்ள இந்த கடுமையான லஞ்சப் புகார்களை முதலமைச்சர் விஜய் சாதாரணமாகக் கடந்துவிடக் கூடாது. குற்றச்சாட்டுக்கு ஆளானவர்கள் சொந்தக் கட்சியைச் சேர்ந்தவர்களாக இருந்தாலும் சரி, அமைச்சரின் குடும்பத்தினராக இருந்தாலும் சரி, பாரபட்சமின்றி உடனடியாக லஞ்ச ஒழிப்புத் துறை மூலம் தீவிர விசாரணைக்கு உத்தரவிட வேண்டும். முறைகேட்டில் ஈடுபட்டது உறுதியானால், சம்பந்தப்பட்ட அமைச்சரின் பதவியைப் பறிப்பதுடன் சட்டப்படி கடுமையான சிறைத் தண்டனை பெற்றுத்தர விஜய் தயங்கக் கூடாது; அப்போதுதான் அவர் சொன்ன "மக்களுக்கான புதிய அரசியல்" வெறும் வாய்வார்த்தை அல்ல, உண்மையான செயல் என்பது நிரூபணமாகும்.புதிய அமைச்சர்கள் மீதான குற்றச்சாட்டுகள்
இடைத்தேர்தல் தொகுதிகளுக்கு குறி.. அடுத்தடுத்து பயணிக்கும் முதல்வர் விஜய்.. பதற்றத்தில் தவெக தலைமை!
அமைச்சர் தரப்பு மறுப்பு
மக்கள் எதிர்பார்ப்பு என்ன?
தாய்மையை வைத்து ரீல்ஸ் போட சொன்னாரா விஜய்? தவெக எம்எல்ஏ பல்லவிக்கு திமுகவின் வைஷ்ணவி கேள்வி!
விஜய் எடுக்க வேண்டிய அதிரடி நடவடிக்கை